موضوع: رد: رواية أنوثة خيالية بالرغم من الملابس الرجالية / كآمله الجمعة ديسمبر 23, 2011 6:46 am
<<<<<<<<<<<<<<<<<<<<<<<<<<<<<<<<<<< الجزء العاشر <<<<<<<<<<<<<<<<<<<<<<<<<<<<<<<<<<<
الشركه بالشرقيه ...ابو سعود و وائل ..
ابو سعود " قفل الملف ":..خلاااص انا تعبت .. وائل " ابتسم ":.. طيب خلاص يا عمي ..بكره نخلصها بالشركة .. سعود " يتثاوب ":.. يالله خلونا ننام ترى تعبت حتى انا وراي محاضرات بكره للساعه 3 العصر ... ابو سعود " وقف ":..انا رايح انام ... ايه يا وائل الدوام بالشركه بكره الساعه 9 .. بس لو تصحى من 8 عشان نفطر ونوصل في الوقت ... وائل : ان شاء الله عمي .. ولا يهمك الساعه 8 تلاقيني صاحي .. ابو سعود : يالله تصبحون على خير... وائل , سعود : وانت بخير ... سعود :..يالله تعال اوريك وين بنام .... وائل "متعجب" : وش قلت ننام ؟! سعود " بكسسل .. وهو رايح ..وياشر له ":.. تعال ... وائل " مشى ورا سعود .. وهو ماسك غترته ... لحد ما وصلوا الغرفه ...وفيها سريرين مرتبه ..":.. مين اللي بينام معاي ... سعود " بتريقه ":.. الشغاله ..مين يعني بينام معاك انا ... يالله اختار أي سرير تبغى ... وائل " كتف يده ": وليه ان شاء الله ..ما عندك غرفه تنام فيها ..والا انا بزر تنام معاي ... سعود " طنشه واختار واحد من الاسرة .. ورمى نفسه عليه .. وغمض عيونه ":..يالله تصبح على خير ... وائل " ابتسم ":. وانت بخير .." وفتح شنطته .. واخذ له بجامه وراح دورة المياه اخذ له دش ولبس ملابسه .. وراح على السرير .. شاف الغتره وابتسم طواها بشكل مرتب وحطها بالشنطه .... ورجع للسرير وحط راسه على المخده .. وغصب عنه شدته ريحة العطر .. لف وجهه على المخده ..وشمها بقووه .. وحس بعبير .. " ياترى هالشي قاصدته والا صدفه ...يا ترى يا عبير تفكرين فيني مثل ما افكر فيك ..والا لا ...
......................................
وفي الصباح ... صحيت عبير وسعود ... افطروا .. وعبير راحت مع نقلها الخاص ..وسعود بسيارته وعلى الجامعه ... وابو سعود و وائل على الساعه 9 كانوا بالشركه .... وائل " قفل الملف ":.. وبكذا خلصنا ... ابو سعود : الله يعطيك العافيه يا وائل ... وائل : الله يعافيك يا عمي .. ابو سعود : خلاص كذا خلص شغلك بالشركه..اذا تبغى تطلع روح الله يسهلك ... وائل : ما تبغى مني شي يا عمي .. عادي بجلس معاك ... ابو سعود : لا والله ما تجلس خلصت اللي عليك ..توكل على الله يا ولدي ..روح شوف الشرقيه تراها تغيرت في سنه هههههه وائل :ههههههه ..طيب "وقف" استاذن انا...
............................. وائل ... في سيارته .. وحاس بملل .... تذكر شيماء ... وائل "طالع في ساعة السيارة ":.. الحين الساعه 12 ونص ..اتوقع شيماء رجعت من الجامعه ..." ركب سماعة البلوتوث تبع الجوال "..الوو ام عبدالله : هلا يا وائل .. وائل " متضايق لما سمع صوت امها ":...لا تقولين يا عمتي انها لسى ما جت من الجامعه ... ام عبدالله " وصوتها تغير ":.. جت جت يا ولدي ..بس ..بس هي عند بنت جيراننا ... وائل : ما يصير كذا يا عمتي ..كل ما كلمتها مو فيه ...او عند الجيران ... ام عبدالله :.. انت تعرف يا وائل ..هذا جوالها الثاني وتنسى تاخذه معاها ... وائل : جوالها الثاني هذا طلبها يا عمتي ... " يحك جبهته ".. انا اسف يا عمتي اني رفعت صوتي عليك ...بس لي اسبوع اكلمها وهي مطنشتني ...مدري اطنشها انا بعد ... ام عبدالله :.. لا يا وائل لا تتأسف ولا شي ... بس تعرف اختبارات ..واذا قلت لها تقول طيب بس يمكن هي تنسى ...اصبر عليها يا وائل .. وائل : خير خير يا عمتي ...يالله مع السلامه...
وائل ..كان معصب من شيماء ومتضايق من تطنيشها له ... بس قرر بما انها تطنشه هو بعد بيطنشها .... تذكر بيت عمه صالح ... وفكر انه يكلمهم على البيت ... ويقول لهم ما يطبخون الغداء لانه بيجيبه معاه ... وائل " يدق على تلفون بيت عمه ..": الوو ..السلام عليكم .. ام سعود :.. وعليكم السلام ..مين معاي ؟! وائل " مو عبير ":.. انا وائل يا عمتي .. ام سعود : هلا يا وائل ... وائل : عمتي كنت ابغى اقول لكم لا تسوون الغداء ..انا بجيب من المطعم .. ام سعود : لا يا وائل لا تتعب نفسك .. انت تعال وبنقول لسعود هو اللي يجيب... وائل : افاا يا عمتي يعني انا غريب ...أصلا قلت بعطيكم خبر عشان بس لا تتعبون تسوون غداء ..وانا بجيب ..الا المفروض ما اخذ رأيكم هههههه ام سعود : ههه الله يسعدك .. ويكثر خيرك ..خلاص ابشر .. وائل : عمتي تحبون السمك ..؟! ام سعود : جيب اللي تبغى .. كله حلوو ... وائل : بس قلت لا يكون محد يحبه منكم نجيب له دجاج او لحم ... ام سعود : كلنا نحبه .. بس لا تكثر .. انا اعرفك ... وائل : ههههههه ابشري ...يالله مع السلامه ... ام سعود : مع السلامه ...
وصلت عبير من المدرسه .............ورمت نفسها على اول كنبه بالصاله .... عبير " تفك طرحتها ":...ياربي ايش هالحر .. ام سعود " نازله من الدرج ":..عبير ..! ..متى جيتي ... عبير : توي داخله ... ماما وين الشغاله ؟! ام سعود : وش تبغين فيها ؟ عبير " تهوي نفسها بطرحتها ":.. ابغاها تجيب لي ريموت التكييف..حرر بموووت.. ام سعود : قومي روحي غيري ملابسك وخذي لك دوش ..وراح تبردين ... اما انك جالسه بالعبايا والمريول ومعصبه فالحر واصلك واصلك ... عبير " بكسل .. وقفت وهي رايحه للدرج ":.. ماما ايش الغداء ؟! ام سعود : سمك ... عبير "..سمك ؟! .." تحاول تشم "...بس ما اشم ريحه ولا شي ... ام سعود "بلا اهتمام" : من المطعم ... عبير : اهااا من المطعم ... طيب قلتي لهم يجيبون بطاطس مقلية ... ام سعود : لا ...ويالله اطلعي خلصي قبل لا يجي ابوك واخوك وولد عمك ... عبير " دق قلبها وتذكرت وائل ":..طـ طـطيب .. " وطلعت بسرعه لغرفتها وهي مبسوطه ان وائل عندهم "... وا ا ا ي ما احلى اليوم عشان وائل عندنا ... ادري انه ما ينفع اني أحبه بس غصب عني ...وربي غصب عني ...سامحيني يا شيماء ... دق جوال عبير >>>> ريم يتصل بك عبير : غريبة تدق علي توي شايفتها في المدرسه ...الووو ريم : عبير ..كيفك ؟! عبير : الحمدلله ..خير ريم وش فيه ... ريم : أ أ ايش رأيك نطلع اليوم المول مع بعض ... عبير : بس اليوم الثلاثاء .. ريم : ايه احلى بعد يكون المول مو زحمه مثل الويك اند ... عبير : ايش الطاري ..تونا كنا بالمدرسه ما تكلمتي... ريم " مرتبكه ":.. لا ولا شي توي فكرت بالموضوع ...وانتي بعد مو تقولين ولد عمك وائل موجود ... مو هو نفسه اللي شفته من قبل سنه تقريبا ... عبير "مقهوره منها ":.. ايه هو ماشاءالله عليك ما تنسين ... ريم :الحلووين محد ينساهم ...هههههههههه عبير : مدري والله ..شوفي لو بطلع معاك بطلع لاني ابغى لبس لحفل التخرج ..مو عشان الحلوين والا اللي مو حلوين ... ريم : ايه بس حاولي في ولد عمك يجي مع سعود .. عبير : هييييي هييي وش احاول فيه ما احاول .. ترى ما اكلمه ولا يكلمني ... ريم :مو معقوووووول ..ليه ..هذا ولد عمك ...والا منتي قد جماله .. عبير " معصبه ":. ريم لا تبدين ... انا ما رجعت لصداقتك الا بعد ما كلمتني المرشدة الطلابية انك انتي تبغين صداقتي ...بس ما راح أخليك تغلطين علي مره ثانيه فااهمه .. ريم : طيب طيب خلاص لا تزعلين ... ترى كنت امزح ... عبير " ملت منها ":.انا بقفل الحين .. ريم : تكفييين عبير اطلعي معاي .. عبير : خلاص بكلم اهلي وارد منك ...باي ريم :باي
عبير ...اووووووف نشبه هالبنت ... لا وحاطة عينها على وائل .. "ابتسمت " وائل ...وائل هذا مو أي بنت تقدر تجيب راسه ما يعرف له الا شيماء .. " بحزن ..تذكرت وائل يوم ملكته وهو ماسك يد شيماء وقت الزفه وابتسامته دليل الفرح "... يا خسارة يا شيماء مو شايفه جماله ولا جمال روحه ....
عبير وقفت تفكير في وائل وشيماء وريم ...واخذت دش ولبست بنطلون جنز اخضر وتيشرت اصفر برسومات سوداء ...نزلت بسرعه على الصاله .. ودق تلفون بالبيت ... وبسرعة ركضت له ... عبير : الو و و و : تبغون رز ابيض والا صياديه ..؟!.... عبير : بكيفك بس اهم شي البطاطس ..سامعني لا تنسى .. : بطاطس ايش ؟! عبير :أ أ ...مين انت ... وائل " ابتسم ":.... ما اسمعك .." وطلع برا المطعم .. وبخباثه "... مين معاي " وابتسم " ؟!... عبير : انت اللي مين .. وائل"بصوت هادي ورجولي " : انا وائل ... انتي عبير ؟ عبير " وجهها احمر ..وتبلع ريقها بصعوبه ":.. إيه .. وائل "عض على شفايفه .. لما سمع صوتها وتذكر شكلها .. ".: ايه عبير ..ايش كنتي تبغي ... عبير " تنطط مو عارفه ايش تقول ":... وائل : ما اسمعك .. " حب انه يحرجها .."..الوو تسمعيني ..ترى ما اقدر اطول معاك ... عبير "عصبت منه":. قلت بطاطس مقلية ... وائل "يضحك": كم يكفيك صحن .. عبير "فتحت عيونها ... يستخف دمه ":.. يالله انا بقفل ... وائل :ههههههههههههههههه .. تعالي تعالي ..ما قلتي لي تحبون الرز ابيض او صياديه ... عبير "بسرعه": بكيفك ... وائل "تغيرت نبرة صوته لحزن":يا ليت كل شي كان وبيكون على كيفي ...بس ..مو بيدي .."رجع صوته عادي " على العموم مشكورة يا بنت الشرقيه .. ههههههههه عبير "انحرجت منه ... قفلت على طول في وجهه ... وحطت يدها على خدودها ..":.. لازم يحرجني يعني ..." ابتسمت "..بس لسى فاكر كلامي معاه .." جلست على الكنبة ..وأخذت الخداديه في حضنها ..وغمضت عيونها ..."..
ام سعود" تطالع في عبير ":.. عبير وش فيك ... عبير " فتحت عيونها ...وارتبكت ":.. ولا ولا شي ... ام سعود : متاكده ... عبير : ايه يا ماما ...ليه ايش فيني ... ام سعود " بنص عين ":.. مين اللي كنتي تكلمينه قبل شوي .. عبير "حمر وجهها ": هذا هذا وائل ...ولد عمي محمد .." ومن الإحراج قلبت السالفة "..ماما ليه ماقلتي لي ان وائل اللي بيجيب الغداء ... ام سعود"تضحك": ليه وش قلتي ليه ...بطاطس مقليه ...هههه عبير : ماما سمعتيني .... وربي احراااج ...فكرته سعود ...ما ميزت الصوت الا بعدين ... ام سعود " بابتسامه ": حصل خير ...بس كذا مرة نبهتك ..قبل ما ترفعين السماعه تشوفين الكاشف ..وتسالين مين الشخص اللي يكلم ..مو كل اللي بيتصل ابوك او اخوك ...ترى كثير ناس يتصلون غلطانين او يلعبون .. عبير " وهي طالعه الدرج ":أن شااء الله ماما.. بروح استشور شعري ...اذا جاء الغداء لا تنسوني ...
موضوع: رد: رواية أنوثة خيالية بالرغم من الملابس الرجالية / كآمله الجمعة ديسمبر 23, 2011 7:02 am
.............
رجع وائل على بيت عمه بالغداء على الساعه 2 ونص .. وطلعت الشغالة تاخذه من السيارة .. اللي وقفها في الكراج في حوش عمه .. دخل وائل عند عمه صالح في المجلس .. وعبير لما تأكدت انه دخل ..طلعت الحوش مع الشغاله ... عبير .. تطالع في السيارة .."ابتسمت "..قربت من السيارة وتكت على الباب ..ولفت على جهة السواق وجلست تطالع في الدركسون من ورا القزار .. وتتخيل وائل ماسك الدركسون "يا حضك كم مره حسيت بدفا يده .. انا حسيتها مره ولحد الان "طالعت في يدها ..وقبضت عليها "..لحد الان احس اني اشعر بلمسة يده .. "فتحت عيونها .. وتمسع صوت الشغاله ..لما ركزت فيهم ...
وائل خرج وكان يبغى يروح للسيارة بس الشغاله قالت له ان عبير فيه ... رفع عينه للسيارة ولمح عبير من ورا القزاز ..اللي بسرعه نزلت على ارجولها وجلست بالارض .. عبير " تضرب ارجولها ":... غبيه غبيه ..وش طلعني ...صدق مفضووحه ...ياااا ويلي ...يا فشيلتي ايش بيقول عني ...بيقول تغازلني وانا خاطب ...
الشغاله " جات عند عبير ":..كلاص دخل وائل .. عبير" وقفت وبسرعه تركض لداخل البيت. ووقفت في الصاله وهي حاطه يدها على صدرها ":.. مو كفايه طلبته بطاطس وا ا ي وربي متفشله منه ... ام سعود " من المطبخ ":..عبيرر..عبير... تعالي ... عبير" ضبطت نفسها .. وكانها طبيعيه ":.. هلا يا ماما ... ام سعود " تضحك .. وتوريها الكيس ": شوفي قد ايش جاب بطاطس ... عبير " تطالع متعجبه ":.. كل الكيس بطاطس مقليه من كودو ..تقريبا 10 اكياس ".: وا ا ا و ..كل هذا لي .. ام سعود : شكلك قلتي للعائله كلها ... عبير "تذكرت الموقف وضحكت": ..لا والله يا ماما ...بس انا كنت افكره سعود ..فطلبت ..عاادي ... ام سعود : يالله ساعديني نوديها للمقلط ...اخوك توي كلمته قال في الطريق جاي ... عبير "بحماس" :.او و و كي ماام ...
................................
بعد الغداء اللي الكل عجبه ...وخاصة عبير طبعا ...الكل تغداء وصلوا العصر ...ورجع سعود و وائل غرفتهم .... سعود " متمدد على السرير ":.. والله اليوم تعبت تعب ..ما وقفت المحاضرات ...بس كويس بكره عندي محاضرة وحده بس .. وائل "جلس على السرير ":.والله حتى انا خلصت من الشركة بدري..وعمي اصر اني اطلع اتمشى ...بس مليت ومحد فيه يسليني "تذكر شيماء.. وبان الحزن على وجهه "... سعود " انتبه للحزن اللي بوجهه ":.. وائل وش فيك ..انا موجود بس كنت مشغول مثل ما قلت لك محاضرات... وائل " ابتسم بحزن ":. عادي يا سعود ..بس انا متضايق اليوم ... سعود " فز وجلس جنبه ":..خير ..احد مزعلك ..والا اشتقت للرياض .. وائل :ههههههههه حلوه احد مزعلك ليه بزر انا ... سعود : عادي لو صرت بزر يوم واحد هههههههههههههه وائل " يضربه بالمخده ":.. قوووم قوم من فوق سريري ...اللي حتى الغرفه ما هنيتني انام فيها لوحدي ... سعود : ياااربي انت ذليتني لاني نمت عندك ...لمعلوماتك ...غرفتي توي ركبتها جديدة ..بس ما ارتحت فيها ..."حط يده على فمه " ايش رأيك تيجي تشوفها ... وائل :لا وين أشوفها .. مو غرف ابوك وامك واختك فوق ..صعب اطلع.. سعود : لا صعب ولا شي ...يالله قووم ... وائل :بس... سعود"سحبه من يده ":.. قو و م ترى ما قدر فيك أسحبك ..هههه وائل " وقف ":. طيب فك يدي بأجي من غير ما تسحبني ...
طلعوا الدرج فوق ... وراحوا لغرفة سعود ...فتح الباب سعود وشغل اللمبات ...
""غرفة سعود كان لونها بني محروق ...والجدار سكري ..على زخرفه بني محروق ...والستارة بني وسكري مع طبقاات ..وطويله للارض .. سرير كبير ودولاب مع كمودنتين ومرايا طوويله في ركن الغرفه ...والإضاءة كلها مخفيه لونها اصفر""
سعود : ترااا .. ايش رأيك ؟! وائل : وا ا ا ا و ... جدا فخمه ...وحلوه ... " ودخل لنص الغرفة.. ولف على سعود اللي واقف عند باب الغرفة "...معقول كل هالاناقه والفخامة ولا ارتحت فيها ... سعود :ياخي شوف زوائد السرير اللي على الإطراف تتعب ..المرتبه صغيره ... وائل : طيب كبرها ... سعود : لا بالله أيش هالذكاء ... ايه اكيد بس ترى لها ثلاث ايام من لما جت نمت يوم عليها ..ما عجبني الوضع وامس رحت افصل لي مرتبه ..ولسى ما خصلت ...عرفت ليه نكت عندك... عبير فتحت باب غرفتها وطلعت منه ولا لفت على غرفة سعود ما انتبهت ...نزلت على طول من الدرج ...وهنا وائل شافها ..وارتبك ... وائل : سعود الله يهديك أحرجت اهلك لما طلعتني هنا ... سعود " يلف وراه ويشوف عبير نازله ":لا ما عليك ...تعال اوريك الحمام ...هذا بالذات شي ثاني... وائل " يفكر في عبير .. ":.. ورينا حمام الهنا تبعك .. سعود : هههههههههههههههه
عبير جالسه بالصالة تطالع في التلفزيون .. وشوي تحس فيه أصوات نازله من الدرج ...مستغربه لان ابوها وامها بغرفتهم نايمين من بعد صلاة العصر ...جلست تطالع في الدرج ..وهي خاايفه .. عبير "بخوف":.سـ سـ سعود ..؟! سعود" لما سمع صوتها اشر لوائل يوقف ":..بوووووووووه عبير " تصرخ ":..يممممممممممممه يا سعود يا دب اوريك.. سعود : ههههههههههههههههههههههههه وائل " واقف بالدرج وسمع كل شي ":الله يهديك يا سعود لازم تخوفها حرام عليك ... عبير : سعود سعود حبيبي .... وائل " حط يده على قلبه "... سعود : فيها حبيبي معناه عندك شي... ايش بغيتي ... عبير "تقرب منه ..": فدييييييت اخوي الغالي اللي يفهمني ... وائل "كفاية يا عبير ارحمي قلبي" عبير : توديني اليوم المول ... سعود: ليه عبير : اتفقت انا وريم نتقابل هناك وابغى اشتري لبس التخرج باقي له اسبوعين ... سعود : ريم ما غيرها ...او و وف ... عبير : لا تغيرت ..سعود تكفى ...واذا على وائل جيبه معاك واتسلوا سوا ... وائل " فتح عيونه ...من لما سمع اسمه ..": والله ان نهايتي على يدك يا عبير .. خايف أتهور بس وانزل أحضنك قدام أخوك واللي فيها فيها ...وربي اشتقت لريحتك ...ياليتني ما عطيتك الشماغ والثوب تبعك ...آ آ آه ياربي صبرني ."... سعود : بكلم وائل وأشوف ....يؤؤؤؤ...الرجال نسيته بالدرج ... عبير"متعجبة" : أي درج ...كنتوا فوووق ؟!.. سعود : ايه ايه ادخلي هنا والا هنا ... عبير " دخلت بسرعه على المطبخ .. " : ياربي لايكون سمعني وانا اقول انت و وائل ...والله اني جبت العيد انا ... وائل " نازل من الدرج بعد ما سعود ناداه ":.. ليه ياخي تستعجل كان خليتني لليل ... سعود :ههههههههههه السموحه يا ولد العم ....
.................................................
طلعوا يتمشون وائل وسعود ..بعد ما رفض وائل يروح معاهم المول ...سعود وصل عبير للمول وراح عند وائل على البحر مثل ما اتفقوا ... سعود: السلاا ا ا م عليكم.. وائل : اخيرا جيت ...وعليكم السلام ... سعود"جلس جنبه" : ما تأخرت بس نزلت عبير على المول وتأكدت انها مع صاحبتها وجيت لك جري... وائل : انا ما عمري خليت اختي في المول لوحدها .. سعود : ولا انا والله أول مره بس عشانك ... وائل "متعجب ": وش فيني .. سعود : والله ما ادري ...بس الحين بتقول لي وش فيك .. وائل "بصوت محزن": آ آ آه ايش اقول يا سعود ..وربي اني بانفجر ...مو قادر أتحمل اللي بقلبي لوحدي ..ودي أفضفض ..يمكن ألاقي حل ..مع انه صعب الحل .. سعود "حط يده على كتفه ":قول يا وائل ترى صعب تكتم في قلبك .قول لي يمكن اقدر أساعدك ... وائل "بنفس صوته الحزين ..بس نزل رأسه": انا ..انا احس ..اقصد اتوقع ..او او ..."زفر".. ما ادري اذا بتفهمني ...بس.. سعود : قول وبافهمك ... وائل : بالمختصر وبدون أي ترتيب للكلام ...انا ما احس باي مشاعر لشيماء ...قلبي ومشاعري وتفكيري .."وطالع في البحر وسرح" مع بنت ثانيه ... أحاول اكذب نفسي بس الاقيني كل ما سمعت اسمها او شفتها يتجدد حبها في داخلي ويكبر اكثر عن اول .. سعود : انا مو متفاجئ انك ما تملك مشارع لشيماء ..بس ما توقعت السبب ان فيه بنت ثانيه بالموضوع ... وائل " طالع في سعود ": لا يا سعود وربي مو على كذا ...من لما خطبت شيماء وصارت الشوفه ..ما حركت فيني أي شي غير فكرة الزواج وانها شي جديد ..او مغامره راح اخوضها عن قريب...بس عمري ما توقعت انه فيه شي اسمه حب من أول نظره ..او سعود : من هذي البنت ..ومتى تعرفت عليها ...واذا انت تحبها ليه ما فسخت الخطوبة قبل عقد الكتاب ...فاكر لما جيتك وكلمتك يوم الملكه ..مدري ليه "حط يده على قلبه" قلبي كان ناغزني منك هذاك اليوم وحسيت انك ما تبغى تكمل ... وائل : لا تظلمني يا سعود .. حبها في قلبي ماله شهرين .. بس صدقني نستني كل شي بالدنيا ... سعود : شهرين ؟!.. وانت ملكت من شهرين ؟.. وش تقصد .. وائل : صعب اقول لك من هي ..والاصعب انها تكون لي في يوم من الايام ... سعود"بعصبيه": ليه هي متزوجه ...لا لا يا وائل ما توقعتك كذا.. وائل : لاااا ..وش متزوجه لسى هي بنت ...وفي بيت اهلها ومو مخطوبه ... سعود:ماشاء الله تعرف كل شي عنها ... وائل "طالع في البحر":............. سعود : طيب قول لي ايش بتسوي الحين .. وائل "ضحك على جنب": ايش اسوي بعد ..ولا شي .. وقت ما يقررون اهلي راح يتم الزواج ... مو هما من الاول اختاروا وكل شي تم مثل ما يبغون... سعود : بس ما فهمتني ليه صعب تتزوج اللي تحبها ... لازم تقول لاهلك ..لانك كذا بتظلم شيماء .. وائل : ههه شيماء .."وتغيرت ملامح وجهه للجد" وينها شيماء ..احاول اتقرب منها وهي تهرب لي اسبوع..اسبوع يا سعود ابغى اسمع صوتها ما ترد علي ... حتى اذ كلمتني ايش بستفيد غير انها بتكون معصبه ومتنرفزه ...حتى لما اروح لها البيت مره تطلع وعشر ما تطلع ...اول ما تدخل علي ..تروح تجلس بعيد عني ..ولا حتى تصافحني او تضيفني او تقول لي كيف حالك ..ما تخليني حتى المسها ..ولا تشكرني اذا جبت لها هديه ..."حط يده على وجهه ومسح على شعره "... اسف تكلمت مره وحده "طالع في سعود بنص عين "...فهمت شي ...ههههههههههه ...صدق اللي قال شر البليه ما يضحك ... سعود :ههههههههههههه ..لا ما عليك فهمت ...والله ما توقعت انك تعاني مع شيماء كذا ...كنت تمثل انك مبسوط قدامنا ...يوم ملكتك توقعتك فعلا اسعد شخص في الدنيا ... وائل : وليه الكذب فعلا كنت مبسوط ... لاني توقعت ان تصرفها معاي كان من الخجل ودلع البنات...بس للاسف لي شهرين ما سمعت منها كلمه حلووه ...حتى صرت اتجنبها ..كنت ابغاها تنسيني "عبير" بس للاسف كل مالي اقارن بينهم وترجح كفة الثانيه عن شيمااء ... سعود" انتبه لما قال له وائل عبير بس ما حب انه يحرجه ":.. انت تقابل حبيبتك ... وائل "طالع في سعود بنظرات مضحكه" : يا زين حبيبتك من فمك هههههه... يا ولد الحلال لا تقول حبيبتك... سعود : ليه مو انت تقول حبيتها ...خلاص اجل حبيبتك .. وائل "كانه اول مره يسمع هالكلمه": ياليت تكوني حبيبتي وزوجتي وكل دنيتي ...بس صعب صعب يا سعووود صعب ... سعود : صعب يعني عشان شيماء ... وائل : خلاص انسى ... ما راح يتغير شي ...وصعب اني احرج ابوي وامي مع عمي ...مهما كان هي بنت عمي سمعتها من سمعتي ...لو انا فصخت الخطوبه ما اتوقع راح احد يخطبها بعدي ...وانا ما راح اقدر اتقدم لحبيبتي... سعود " تذكر سمر ":.. يعني انت كنت موافق على شيماء لانها بنت عمك بس ... وائل : توقعت الحب بيجي بعد الملكه او الزواج ...بس للاسف طلعت هالبنت في نص الطريق...مو قادر اكمل طريقي مع شيماء ولا قادر ارجع .. سعود "حزن على وائل ": طيب هالبنت ليه طلعت لك الحين ... وائل "يرفع كتفه ": مااااااا ادري ... لو قلت ان هالشي مخطط له كان مشيتها ...بس كل شي كل شي "وتذكر المزرعه " كل شي كان صدفه بحته.... سعود : وربي شوقتني اعرف كيف تعرفتوا على بعض... وائل : مو مهم كيف عرفتها .. بس الاهم اني اني فعلا احبها ... سعود : اهااا عشان كذا انت زعلان ... لانك جيت وتركتها بالرياض ... وائل : هي مو في الرياض ... سعود "ارتبك ..لان اسم حبيبته نفس اسم اختك ..وخاف لا يكون وائل يفكر فيها" : اجل هي من وين ...من الشرقيه ؟! وائل "حس لو تكلم اكثر مع سعود راح يعرف اشياء صعب انه يعرفها": هي هنا ا ا ا ا "واشر على قلبه"... يالله خلنا نقوم عشان نرجع البيت نتعشا ..بكره ورانا دوامات .... سعود : يالله ..بس بمر على عبير اجيبها من المول ... وائل "ابتسم ": سعود والله ارتحت لما تكلمت معاك ...احس حمل ثقيل انزاح على قلبي .." بمزح " صرت خفيف ههههههههه سعود :هههههههههههههههههههههه وائل "بملامح جديه": سعود هالكلام اللي قلناه سر بيننا ولا ابغاة يطلع لاي مخلوق ...حتى لو مت ..ما يطلع ...اعتبر نفسك ما سمعتني قلت شي ..هالمووضع لو يطلع لاحد بتصير فيها قطع ارحام ومشاكل بين الاخوان واولاد العم ... سعود : افاا عليك يا وائل لا توصي حريص...صدقني ما راح احد يدري بهالموضوع ...واسال الله ان يفرج همك وانا اخوك ... وائل : أي والله كثر لي من هالدعاء يا سعود... اصعب شي انك تفكر بشخص ما تقدر توصله ومعاك شخص هو ما يوصلك ... سعود :هونها وتهون .....يالله تاخرت على اختي ...باي .. وائل : نتلاقى بالبيت ...باي ...
سعود .. طلع سيارته ..وهو يفكر في كلام وائل ...اسم حبيبته عبير .. ويقول مستحيل يتزوجها ...لانه صعب ...وهو فعلا لو يفكر في عبير اختي صعب يفسخ خطوبته من بنت عمي ويتزوج عبير... بس لا ..لا ..وين وائل يفكر في عبير بينهم فرق خمس سنوات ..بس مو مهم الفرق ..لو فعلا هي اختي ايش صار من شهرين ...يقول جت بطريقه من شهرين ...لا لا مو اختي مستحيل ..وش هالتفكير يا سعود .. صدق راح تفكيرك غرب وشرق ...هههه ... المفروض تفكيري الحين يكون في " سمر"...لازم افكر في موضوعها بشكل جدي اكثر ... اللي سمعته اليوم من وائل فتح عيوني على اشياء ما كنت افكر فيها ... موضوع سمر لازم ما استعجل فيه ..ولازم اتاكد اذا هي فعلا تبغاني والا لا ... ما ابغى اصير محتار نفسك يا وائل ...الله يعين ...
عبير "فتحت باب السيارة ": اخيرا جيت ... سعود : الناس تسلم بالاول... عبير : وعليكم السلام ... بس ريم راحت من نص ساعه وانا لوحدي خفت اول مره اكون لوحدي كذا ... سعود : لا تفرحين ترى اول واخر مره ... عبير "تفتح اكياسها ..ومسببه دوشه وزحمه قدام ".: اوريك ايش شريت ... سعود "يبعد الاكياس من قدامه وجنبه ": هيييي انتي وش هالحوسه كلها ليه ما حطيتي الاكياس ورا ... عبير : وكيف بوريك اللي شريتهم ... سعود "ضربها على راسها بشويش": فتحي مخك انا اسوق ..كيف تبغيني اشوف اللي شريتيه ... عبير "معصبه ": طييييب هاه "لمت الاكياس عند ارجولها" ارتحت كذا ... سعود "ابتسم": كثيييير ارتحت ...." تذكر كلام وائل .. وحب يسال عبير يشوف اذا بينهم شي وهو ما يعرف "...عبير ... عبير : وت ... سعود "ايش اقول لها ايش رايك في وائل.. اخلي البنت تفكر فيه ..لا لا يا سعود ..وش جاب وائل عند عبير ..لو احنا بالرياض كان قلت ممكن بس احنا بالشرقيه من وين بيعرفها..واصلا لو كانت اختي ليه يقول لي انا بالذات .." عبير : ترى قلنا وت يعني ايش عندك .... سعود "غير الموضوع اللي بباله":.جت ريم ؟ عبير :ههههههههه ايه جت ... سعود : وجع...ليه تضحكين ... عبير : كل هالربكه والاحراج وتسال عن ريم...تراها غثيثه وثقيله دم لا تفكر فيها ..خلك على سمر احسن لك ... سعود"متفاجئ ..ووقف السيارة بسرعه":..مين قال لك عن سمر ... عبير :بسم الله ..وش فيك وقفت ..ماما قالت لي ... سعود : قلتي لسمر شي.. عبير"ببرود" : لا سعود "معصب": عبير قلتي لسمر ... عبير : وش فيك قلت لك لا...اصلا ماما وصتني الكلام ما يطلع من البيت ... "وبصوت كله فرح"..وانا مبسوووطه انك بتاخذ سمر .. سعود "ارتاح شوي لما سمع كلام اخته ..ورجع طبيعي ..وكمل سواقه " ..يعني انتي تحبين سمر ... عبير "بحماس ": الفتره الاخيره انا وسمر صرنا قريبات من بعض كثير.. ونتقابل على الماسنجر كثير ومسجات ..بس مكالمات على الخفيف وقت الضروره يعني ... سعود "انبسط من سالفة سمر": ايوا وعن ايش تسولفون .. عبير : حلوه عن ايش تسولفون ...سوالف بنات انت ايش عرفك فيها ... سعود : طيب ..طيب لا تاكليني.... عبير"طنشت سعود .. وفتحت اكياسها تشوف ايش اللي شرته ..ما عندها وقت تشوفها بالبيت .."...
موضوع: رد: رواية أنوثة خيالية بالرغم من الملابس الرجالية / كآمله الجمعة ديسمبر 23, 2011 7:34 am
....................................
في بيت ابو عبدالله ....
ام عبدالله : شيماء ...وين كنتي ...؟! شيماء "تفصخ عبايتها ..وهي مرتبكه ":..ا أ كنت عند جيراننا ام كمال ... ام عبدالله :طيب ...كلمي وائل كل يوم يتصل عليك ما تردين عليه.. شيماء "زفرت بقوه .." اووووف ...طفشتوني وائل وائل ..ماني مكلمته واصلا ما ابغى اسمع صوته ...اقرف من لما اسمعه ... ام عبدالله : وش تقصدين بهالكلام ....مو عاجبك ولد عمك ... شيماء "حست انها غلطت " : لا لا يا امي بالعكس ..بس خلوني ارتاح شوي ...مو كل ما شفتوا وجهي قلتوا وائل ..احسكم صرتوا تحبونه اكثر مني ..."قربت من امها وحضنتها" ام عبدالله "وهي حاضنتها": يا شيماء يا بنتي ...مافيه ام تحب احد اكثر من عيالها ...بس اذا شافت الخطا من بنتها او ولدها لازم توجههم... شيماء : ان شاء الله يمه ..يالله انا بطلع انام ...بكرة وراي محاضرات بدري ... تصبحي على خير... ام عبدالله : وانتي بخير يا بنتي الله يهديك يارب ...
..........................................
.. سعود ..وائل ...في مجلس الرجال .. وائل : سعود انا بكره رايح للبحرين بجلس يومين هناك ... سعود : والله ..حلو وائل : ما تفكر تيجي معاي ... سعود : لا وائل "يطالع في سعود بتعجب" : سعود ايش فيك .. تعطيني رد بالقطاره ... سعود "حس على نفسه ..وعدل جلسته ..وطالع في وائل ":... والله انت فضفضت ..وحملت انا همك عنك وخليتني احمل همي انا بعد .. وائل : وطي صوتك وش فيك لو يدخل عمي الحين ويسمعك بيقول ايش عندهم ...وبعدين تعال أي هم عندك انت ... سعود "حك راسه ": انا بعد احب ...لا لا اقصد افكر في بنت ..وانتي خليتني اعيد تفكيري فيها اكثر من مره ... وائل :هههههههههه جد .. "وبسخريه" ومين حبيبتك ..؟! سعود "بدون تفكير":... سمر اختك ... وائل "متفاجئ... وبعدين عصب" : انت تتريق على وعلى اختي .. سعود "وبلا اهتمام": لا ..بس هذا الجد .. وائل : انت تحب سمر ..؟! وسمر تحبك .؟! سعود "توه يستوعب الموقف": لا يا ابن الحلال ..والله ان سمر ما تعرف اني احبها ...انا بس فكرت فيها من كلام امي وعبير عنها ...وبعدين لا تخليني اندم اني قلت لك ... وائل "هدي شوي ":.. تفكر تخطبها يعني ... سعود :اكيد افكر .."وغمز له"مو هذي هديه ابوي لي اذا نجحت.. وائل "ارتاح":يعني عمي يعرف بالموضوع ... سعود : كل الاهل يعرفون ... وائل : انا اسف اني عصبت عليك يا سعود ..بس غصب عني .. سعود : ما عليك ..بس انا جد كنت افكر فيها بس ..انت غيرت طريقة تفكيري فيها ... وائل : من أي ناحيه ... سعود : مستحيل اتقدم لسمر الا اذا عرفت انها تبغاني او على الاقل مرتاحه لي... ما ابغى اكرر سالفتك انت وشيماء ... وائل "مفتح عيونه": وكيف بتعرف... سعود : هذي سوالف البنات ...يفهمون بعض اكثر من الامهات ... وائل : اهاا ..مضبط امورك انت ... سعود "وقف .. ومشط شعره باصابعه ..وعدل ياقة ثوبه ": الا قول لي يا وائل ..ايش رايك فيني انفع اكون زوج اختك ... وائل : ههههههه .. وربي انت موبسهل ...هههههههههههههه سعود:ههههههههههههههه وائل : تعال قول لي بلا هالهبال ...بتروح معي البحرين والا لا .. سعود : والله انا عادي عندي ممكن اجي ...بس لازم اخبر ابوي ..يمكن كلنا نروح البحرين معاك .... وائل : قصدك انت وعمي ... سعود : لا كلنا وامي واختي والشغاله ... وائل " معقول ممكن يصير وتيجي عبير البحرين" : انتو قد رحتوا البحرين كلكم ... سعود : ايه كثير...بس لنا فتره محد جاب سيرتها ... وائل : امممم ما ادري عمي صاحي تكلمه الحين وتشوف رايه وراي عمتي ... سعود: لا وين ابوي نايم من بدري ..لان بكره دوام الشركه من الساعه 7 مثل دوماتنا ... وائل : خلاص نكلمه في الصباح ... سعود "يتثاوب ": اييييييه طيب ..بس خلاص انا منتهي ...بروح انام ... وائل : وانا جاي معاك ...يالله ...
..............................
في الصباح ..
ابو سعود على الفطور ..ومعاه ام سعود ... دخل عليهم سعود وهو ماسك كتاب بيده ... سعود : صباح الخير .."وسلم على ابوه وامه على راسهم".. ابو سعود , ام سعود :.. صباح النور ... ام سعود : اقعد افطر يا سعود ..وائل صحي..؟! سعود : ايه وائل جالس بالمجلس .. ادخله هنا والا نروح نفطر برا .. ابو سعود : لا وين تفطرون برا ...ناديه ...وائل ..وائل .. سعود " راح يجيب وائل ":..تعال يا وائل مافيه الا امي وابوي .. وائل "دخل الصاله وهو منحرج ":.. السلام عليكم ...صباح الخير.. الكل : وعليكم السلام ...صباح النور ... ابو سعود : تعال يا وائل افطر انت وسعود ... تعالوا .. وائل : عمي انتو افطروا ..واحنا بنطلع نفطر برا انا وسعود..
عبير.. نزلت ركض من الدرج ..وهي لابسه مريول كحلي مع بلوزه بيضاء كم طويل من تحت ... وفارقه شعرها من النص وشادته على ورا بشباصه كبيره..وحاطه شباصتين صغار كحلي على الجهتين .. طالع شكلها بنوته صغيره وناعمه ..
ابو سعود : لا افطروا معانا و ..... عبير " قاطعت ابوها ":.. صبااح الــ ............." شافت وائل قدامها ".. يو و و ه ..." ورجعت لفوق بنفس سرعة نزولها .."..
وائل " رجع شعره بيده على ورا ..وباحراج ":. يا عمي خلينا نروح نفطر برا ..وبالحقك ان شاء الله ... سعود " يحاول يركز في وائل .. بعد ما شاف عبير ..بس ما حس بشي ..ردة فعله كانت عاديه ..":... ايه يا بوي بنطلع ... ابو سعود "بعد ما شافت عبير نزلت ": خلاص بكيفكم ...يالله روحوا افطروا ..لا تتاخرون ... سعود : ان شاء الله ..يالله يا وائل .. وائل "يأشر لسعود ينتظر": عمي ...كنت ابغى اقول لك اني ماشي اليوم العصر للبحرين ... وكنت ابغى سعود يجي معاي ...ولو كلكم تجون معاي بعد احلى واحلى ... ابو سعود : البحرين ؟!... ليه وش عندك هناك تروح ... وائل : تغيير جوا ...وش قلت يا عمي ... ابو سعود "يطالع في ام سعود ": ايش رايك يا ام سعود ..تبغون نروح البحرين ... ام سعود : والله من زمان عنها .. اذا لك خاطر يا بو سعود رحنا .. سعود: احم احم نحن هنا ...خذوا رايي طيب.... ابو سعود : انتي معروف رايك ..باقي عبير... عبير "كانت جالسه بنص الدرج وسمعت سالفة البحرين وفرحت كثير وكانت تدعي ان ابوها يوافق.. ولما سمعت اسمها ..بصوت رافع ":.. ايه يا بابا موافقه .. الكل :ههههههههههههههههههههههههههههههههههه عبير " انحرجت ...": يا ربي ما لقيت الا موافقه ...صدق غبيه ... سعود : استحي على وجهك يا بنت ولد عمك هنا ... وائل "ابتسم ... وطالع في عمه "...: وش قلت يا عمي ... ابو سعود : الحين لو جلسنا نتكلم بنتاخر ...اذا رجعنا على الغداء بنشوف الوضع. ... وائل , سعود : اجل نستاذن نروح نفطر برا ..."وطلعوا" ابو سعود "يطالع في ام سعود ":... انتو جهزوا شنطكم واغراضكم ...احتمال نروح ... عبير "نزلت تركض": اجل اكيد بنسافر ...يسسسسسس... ابو سعود : ايه يمكن ...الله يسهل ....
موضوع: رد: رواية أنوثة خيالية بالرغم من الملابس الرجالية / كآمله الأربعاء ديسمبر 28, 2011 1:05 pm
اتفقوا يروحوا البحرين على العصر... وانطلقوا في سيارتين ..لان وائل رفض يروح معاهم عشان يأخذوا راحتهم ... وائل : صعب أكون معاك يا عبير في نفس السيارة...أخاف يصير فيني شي ..وانا احس بانفاسك ..وحركاتك قريبه مني ....يارب فرج همي ...
وصلوا البحرين ...واستأجروا في فندق جناحين ...جناح لـ ابو سعود وام سعود وعبير ...وجناح لوائل وسعود ....
غيروا ملابسهم ... وائل .. لبس بنطلون جينز مع تيشرت احمر بدون اكمام ..وبوت ازرق مع احمر ..وحط في شعره جل وسرحه على ورا ... سعود .. لبس بنطلون اسود مع تيشرت ابيض بياقات ونص كم ... شعره سبايكي ...وبوت اسود ... عبير... لبست عبايتها اللي اطرافها تطريز بلون ازرق .. واللثمه ...
طلعوا على مطعم الفندق في الأعلى ...معاهم ابو سعود وام سعود ....واختاروا طاوله ...بس كان فيه مشكله عبير و وائل ...
وائل : انتو اجلسوا مع بعض وانا بتعشى في الفردي هناك ... ابو سعود : لا يا وائل مو لوحدك ....انا وسعود بنجي معاك ... سعود : دقيقه ...عبير ادخلي جوا ..."دخلت عبير قريبه من الشباك .." ...وانا بجلس جنبها ...وانت يا وائل تعال جنبي "وسحبه وجلسه جنبه "....
صار سعود بين عبير و وائل ...
ابو سعود "مبتسم ":..مرتاحين كذا يعني .. وائل "منحرج ": والله عادي لو أكلت لوحدي مو مشكله ... سعود "لف على عبير ": أنتي مرتاحة والا لا ... عبير "تحس انها متلخبطه ..من قربها من وائل وعلى طاوله وحده":..عادي بسوي طرحتي ملكي .. سعود "لف على وائل ": شفت مافيه مشكله تقول عبير ....خلاص اقعد ..."واشر على الجرسون"..المنيو لو سمحت .... ابو سعود , وام سعود : يطالعون في بعض ويضحكون ... سعود : لا تضحكون ...ترى كل مره على شخص يقعد بينهم ...مو بس انا ...احس اني قاعد بين اشباح لا صوت ولا حركه ... وائل "ضربه على راسه... وهو يطالع في يد عبير اللي مدتها تاخذ المنيو من قدام سعود ": اسكت قال أشباح قال ..من زينك انت يا مومياء ... سعود : لا تضرب ..انت وعضلاتك هذي ..اخاف تسويني كتشب ... وائل : يا ركيك ...بعدين اذكر الله على عضلاتي ... سعود : ماشاء الله .. ابو سعود : وطوا اصوتكم ....كانكم جالسين بالبيت ..يالله اطلبوا العشاء خلونا نطلع نرتاح ..
طلبوا العشاء .. وكل شخص طلب اللي يحبه ...مع بعض المقبلات والبطاطس المقلية ... كان وائل يراقب أكل عبير من خلال يدها ..اللي يتابعها ايش بتآكل ..وكان يذوق نفس أكلها ..عبير لاحظت ان أي شي تاكله وائل بعدها بشوي ياكل نفس أكلها بس توقعت انه صدفه ...لان عبير ببالها ان حبها لوائل من طرف واحد فقط ...
ونزلوا على جناحهم ... وناموا لصباح اليوم الثاني ...صباح يوم الخميس....... صحي سعود و وائل من بدري وجابوا فطور عبارة عن ساندويتشات ..ودق سعود على جناح أهله وأعطاهم الفطور ... ورجع هو و وائل لجناحهم ..وفتحوا البلكونه وقرروا يفطروا فيها .. سعود : الجو روعه اليوم ... وائل "يسحب الكراسي للبلكونه": أي والله حلو الجو نبغى اليوم نروح مكان مفتوح ..امسك الكرسي.... سعود "يسحب الكرسي ويضبط مكانه ويجلس " : وين طيب نروح .. وائل : يعني انتو اذا جيتوا البحرين وين تروحوا ... سعود :ههه السينما.. وائل :: وغير السينما ... سعود : نروح مدينة العاب وحدايق ..واسواق ...يعني ..على حسب طلبات الجميع ... وائل : اها حلو طيب ... بس مدري انتو مطولين ..والا بترجعوا بكره .. سعود : أكيد بنرجع بكرة .. لان السبت دوامات ... وائل : يالله خلنا نفطر عشان لا نتاخر على عمي ...
................................
اتفقوا يروحوا سينما ومدينه العاب ...
سعود و وائل تحدوا بعض في لعبة السيارات ...وراحوا يلعبون .. ابو سعود وام سعود وعبير ...جلسوا على طاوله في مدينة الالعاب تابعه لبوفيه ..اخذوا لهم عصيرات وبطاطس ومكسرات ...وعبير لقيت شبكه نت ودخلت من جوالها ...وجلست تسولف مع سمر وتخبرها بأخر التطورات ... عبير "مركزه على جوالها ":هههههههههههه ام سعود : يا بنت فشلتينا من الناس تضحكين لوحدك ...قفلي الجوال يالله ... عبير :هههههه هذي سمر معاي على المسن ... "قفلت جوالها" .. وهذا الجوال قفلناه ..آمري يا اغلى ام ايش تبغين ... ابو سعود "يعطيها فلوس":امسكي وروحي اشتري لكم ايس كريم .. عبير "تاخذ الفلوس": مشكور يا بابا ...انا بروح اشتري من هناك من باسكن روبنز .. باي ام سعود : الله يحفظك يا بنتي ... ابو سعود : أقول يا بدريه ..تعرفي ماجد السكرتير اللي في شركتنا في الرياض ... ام سعود : ايه اعرفه واعرف امه وخواته مو اللي زاروا بيت اخوك محمد قبل فتره وشفتهم هناك ... ابو سعود : اها ..وانا اقول من وين يعرفون عبير ... ام سعود "مستغربه": عبير ايش دخلها بالموضوع ..؟! ابو سعود "ابتسم": ابو ماجد خطب عبير لماجد ... ام سعود : ايششش خطبها ..من متى .. ابو سعود : وش فيك وطي صوتك .. مو خطبه رسميه بس كلمني على الجوال ... وينتظرنا نروح في الصيف للرياض ويجينا البيت ..ويخطبها رسمي ... ام سعود : يعني انت وافقت ... ابو سعود : لا ما وافقت بس قلت اهم شي عندي الحين تخلص دراستها واختباراتها ..وانا ما راح اكلمها بالموضوع الا في الصيف ...فقال لي اذا رجعتوا راح نتقدم رسمي وانتو وقتها شوفوا رأيي عبير ... ام سعود : بصراحه فاجأتني ... ابو سعود : وانا بعد متفاجئ...بيني وبينك ..ما ودي عبير تطلع لناس غرب ..ودي لو لها نصيب في احد من اولاد عمها يكون افضل ..وراح اطمن عليها اكثر ... ام سعود : ليه ماجد مثلا سمعته مو حلوه والا فيه عيب ... ابو سعود : لا والله الولد ماشاء الله عليه ... بس هذي بنتي الوحيدة ما ودي تروح لناس ما تعرفهم ولا يعرفونها ... ام سعود : واذا أولاد إخوانك ما فكروا فيها ..يعني البنت تعنس ... مع ان بنتي ما ناقصها شي ..بس سبحان الله النصيب... ابو سعود : انا أفكر في خالد ولد سالم ..ايش رأيك ..ما ينفع لبنتي .. ام سعود : بس بس خالد يحب بنت خاله ...منال ..وكذا مرة كلمتني ام خالد عنها ... ابو سعود"انصدم":..يعني الموضوع جد .. ام سعود : الله يرزقها باحسن من خالد ... "حطت يدها على كتفه" لا تحمل همها من الحين عبير لسى صغيره..وهي عندها طموح تكمل لا تشغل بالها بالزواج الحين ...
عبير راجعه وبيدها كيس الايس كريم ..وفجأة احد يدفها بقوه كانت بتطيح بس انها تمسكت في عربيه طفل كانت أمه ماره من جنبها ... عبير "تعتذر لام الولد": أسفه ..معليش ام الولد "ابتسمت لها" : ما عليكي ...انتبهي على حالك... عبير "ابتسمت وهي محرجه": مشكورة ..."ولفت معصبه على اللي دفها ...وشافت سعود يضحك عليها "... سعو و و و د سعود "يقلدها لما كانت بتطيح .. ويضحك":هههههههههههه عبير"معصبه حدها...ومن بين اسنانها": سعود يا الدب وربي اوريك ..."وقربت منه تبغى تمسكه" تعال تعال ..ما راح يعدي يومك على خير..."ومن كثر ما عصبت انفكت لثمتها ..ولفت لا شعوريا على الجهه الثانيه فكتها وعدلتها ورفعت عينها ...لقيت وائل واقف قريب من سعود ويطالعها ومبتسم ...انحرجت"..و ا ا ا ي يا وائل هذا حفظ شكلي ..."راحت جلست عند أبوها وامها وهي معصبه على سعود"...... ابو سعود "مبتسم ..لانه شاف الموقف": ايش فيها دلوعة بابا زعلانه ... عبير"تفك الكيس بقوه وتطلع علب الايس كريم وتحطها بقوه على الطاولة ":. هذاك الولد طفشني ..شفته كيف دفني قدام العالم كلهم... سعود , و وائل قربوا منهم وجلسوا على الطاولة ..وائل بعيد عن عبير لانها طاوله طويله ..هو في اخر الطاوله وعبير في اولها ..
سعود :هههههههه السلام عليكم ههههههههههههه ابو سعود وام سعود : وعليكم السلام... ام سعود "تخاصمه": ليه سويت باختك كذا ..يا ولدي بغت تطيح ..عيب هالحركات قدام الناس ... سعود "ومو قادر يسيطر على ضحكه ":.. هههههههه يا امي ترى والله دفة بسيطه .."ويغمز لوائل " مو قصدنا .. وائل "انحرج من كلام سعود":..الله يهديك يا سعود لا عاد تعيدها فاهم ... عبير"بصوت رافع وهي معصبه ": ..لو طحت وانكسر خشمي ... سعود وائل :ههههههههههههههههههههههههههههههه سعود :هههههه الله واكبر ياهالخشم حد السيف عاد .. وائل " تذكر ملامح عبير ..والله انها احلى منك اسكت بس".. ابو سعود "مبتسم ماحب يحرجها": خلاص يا بنتي حصل خير.. عبير :خله يعتذر .. سعود : ميييييين اللي يعتذر... عبير :انت ... سعود : وائل اللي يعتذر مو انا ... عبير "فتحت عيونها وطالعت في وائل اللي حمر وجهه": وليه وش دخله هو .... سعود "يطالع في وائل ": تكلم ... وائل "متحرج والعرق يتصبب منه ": انا اسف وربي ماكان قصدي بس "يطالع في سعود ويضحك" ههههههه .. عبير "تطالع في ضحكته اول مره تشوفه كذا وهو قريب منها .."...... وائل "مسح وجهه بيده .. وهو يضحك": استغفر الله ...ههههههههه انا كنت اطارد عصفور سعود اللي كسبه بالتحدي اللي بيننا ..بس انا فكيته ما توقعت يطير ..وطار وكنت الحقه مو مركز في اللي قدامي ...ومعليش يعني ..والله ما انتبهت لك كنت مركز مع العصفور ..ولا كنت ادري انه انتي ..عندي غيرك ولا انتي يا بنت العم .... سعود "يطالع في عبير وياشر على وائل ": سمعتي سمعتي باذنك .. عبير "مبلمه ..وما نزلت عيونها عن وائل.. تحاول تفهم " وائل "كل ما طالع فيها لقيها تطالع فيه .. لف على سعود ":..انا رايح للفندق ...خذوا راحتكم ....وقت ما حبيتوا ترجعوا ارجعوا .. "وقف"... ابو سعود : على وين يا وائل ... وائل "مبتسم .. ويحاول يتحاشى نظرات عبير": ..برجع للفندق..وانتو... ابو سعود "وقف ..وياشر على ام سعود وعبير ": يالله قوموا رجعنا الفندق ...."وقفوا بدون تردد".. وائل : يا عمي يمكن عمتي تبغى تجلس ... ترى احس اني ما خليتكم تأخذون راحتكم ...وسعود ما جلس معاكم ..ولا جلستوا مع بعض ... سعود "وقف وحط يده على ظهر وائل": اللي يسمعك يقول احنا اول مره نطلع ...بالعكس الشي الحلو بهالطلعه هو وجودك يا وائل معانا ... ام سعود : وسعود ما قال الا الصدق .. وائل "ابتسم وانحرج": والله احرجتوني بصراحه ... سعود "بنص عين": لا يكون انت اللي متضايق منا .. ما تركناك لوحدك ...جينا معاك هنا .. وائل : لا ا ا ا بالعكس لا تقول كذا يا سعود "وطالع في عبير نظرة سريعه".. عبير"نفسي أفهمك يا وائل..يا ترى بايش تفكر فيه.." ابو سعود : أجل دامنا متفقين يالله مشينا .... الكل رجع للفندق ...
موضوع: رد: رواية أنوثة خيالية بالرغم من الملابس الرجالية / كآمله الأربعاء ديسمبر 28, 2011 1:06 pm
........
في جناح وائل وسعود ... وائل "متمدد على السرير": آآه اليوم كان متتتتعب ... سعود :هههههه لأنك خسرت ...وركضت ورى عصفوري اللي طار بسببك ... وائل "تذكر لما صدم بعبير": اسكت الله يرحم والديك ... وربي احرا ا اج قدام عمي ... حتى أختك بغت تأكلني بعيونها "الا ذبت في نظراتها".. سعود : عاد عبير إذا حقدت حقدت ...ههههههه وائل "يا ساتر لا تكرهني ": والله ...!! سعود "حس بنبرة صوته اهتمام.. طالع فيه بنظرات شك ":.. بنجلس طول الوقت نسولف في هالموضوع ..؟! وائل "حس انه تضايق .. ":..ها ...لا ...بس "يغير الموضوع ".. ههههههه تذكرت أختي سمر ...نفسسسس الشي ... سعود "بس سمع اسم سمر ابتسم غصب عنه": لييييه سمر وش فيها ... وائل : حتى هي اذا حقدت حقدت ههههههههههه سعود :هههههههههههه وائل "لف على جنبه اليمن وعطاه ظهره .. غمض عينه ":.. يالله بنام شوي ..قفل البلكونه اذا بتطلع برا الجناح ... سعود "وقف .. وقفل البلكونه ..وسكر الستارة": انا بروح عند اهلي شوي بجناحهم ...نوم العوافي وائل..
سعود .. انتظر ما رد عليه وائل ..فأخذ جواله وبطاقة مفتاح الباب... وطلع ... وائل .. فتح عينه بس سمع صوت قفل الباب .. وجلس وعدل المخدة وتكى عليها ...فتح الابجورة اللي على يساره ...وسرح بفكره .." ردة فعل سعود معاي كانت تدل على انه تضايق مني ..معقول واضح اهتمامي بعبير ...المفروض انسى وجودها ..لاني لو شفت سعود يسوي نفس الشي لسمر ..كان صارت علوووم ..."..طالع لفوق .. وبكل جديه ".. عبير انا بنسى وجودك معانا .. وراح اطنشك ولا كأنك موجود .. وأكيد راح اقدر اكيييد ....."....وقطع أفكاره ... رنة جواله ....
وائل "يطالع في المتصل مو مصدق " :..شيماء ..!!! ... الو شيماء : الو وائل ... وائل "ابتسم": هلااا والله ...اشتقنا لهالصوت ... شيماء "ولا كأنها سمعته": ماما تقول انك اتصلت كذا مره ..خير بغيت شي... وائل "ضحك": قلت لك مشتا ا ا ا ق لصوتك ... شيماء "سكتت شوي .. وبلا اهتمام ":..وائل انا كنت بس... وائل "قاطعها..بكل رومانسيه ":... يا عيون وائل ... شيماء "بسخرية": ..إنت شارب شي ... وائل "غمض عيونه بألم": ..وليه اللي يتغزل بزوجته يكون شارب؟! شيماء :هههههه الحمدلله والشكر ... وائل "بضيق":.. شيماء ... مع السلامة ... شيماء "بسرعة":...باي .............."وقفلت"... وائل "يطالع في جواله .. وضاغط عليه بقوووه":..ليه ..ليه يا شيماء ...حرام عليك ..وربي تعبا ا ا ن .."زفر بقووه ...ورمى جواله بعيد على سرير سعود .... و وقف بتعب ... وفتح البلكونه .. عشان ينسى شيماء ..ويمكن ينسى عبير .."...
............ في الرياض في بيت ابو عبدالله ...
شيماء "تكتب مسج .. وتستقبل مسج ": ههههههههههههه نجوى : ضحكينا معاك ... شيماء "تكلم نفسها " :.. إي والله صادق يمكن سكراان ههههه نجوى : مجنونه ..تكلم نفسها ....الا اقول هذا بعد من كوكو..؟؟!! شيماء "طالعت فيها بعصبيه":. وانتي ايششش دخلك ..ممكن اعرف.. أي مسج في جوالي مالك دخل فيه ولا لك دخل في صاحباتي ..فاهمه.. نجوى "بلا اهتمام": ايه ايه فاهمه.. خاصة اذا كانت مثل كوكو أي شي بينك وبين وائل تخبرينها عنه ...ولا بعد تسمعين نصايحها اللي مثل وجهها ... شيماء "بسخرية ..وهي واقفة":..ههههه اذا على وجهها فانا اضمن لك انها أجمل منك .. بروح غرفتي ابرك لي..."وطلعت غرفتها" نجوى : مدري ليه أحس ان السالفة فيها شي .. الله يستر وبس منك يا شيماء ...
........................
سعود ... ما راح لأهله في الجناح مثل ما قال لوائل .. تضايق من نفسه انه شك في ولد عمه .. وعشان يرتاح ...راح مشوار ..ورجع يصحي وائل ... فتح باب الجناح...
سعود "يدخل بشويش .. ويشوف وائل يطالع في التلفزيون ":..أنت صحيت ..؟! وائل "جالس على الكنبه وممدد ارجوله على الطاولة اللي قدامه ..هز رأسه بدون رد ..بمعنى لا".. سعود : كيف يعني لا ...بس شكلك يقول انك ما نمت صح .. وائل "يهز رأسه ايه"... سعود "قرب من وائل.. ويطالعه بحرج":.. و وائل ..لا يكون متضايق مني ...ا أنا ...بس ... وائل "فهم على سعود انه يقصد عبير..قاطعه ":.. لا يا سعود مو منك...من شيماء ... سعود "متفاجئ":.شيماء ؟!... وش فيها ..اتصلت عليها .. وائل : لا هي اتصلت .. سعود :. حلو... وائل "معصب": لا مو حلوو...تخيل أقول لها مشتاق لصوتك تقول شارب شي ..هذي إنسانه مستحيييييل.... سعود : ما عليه اصبر عليها يا وائل ..أنت تعرف دلع البنات... وائل : الى متى اصبر ..ما تحس ..ما تحس فيني يا سعود شيماء ماا ا ا ا تحسسسس فييييييييييني ..فاهمني ...ما تحسسس.. سعود :يعني أنت اللي حاس فيها ..؟! وائل "طالع بغضب فيه": ايش قصدك.. سعود : يا وائل أنت تحب غيرها وهي بس مجرد زوجه .. وائل "وقف ..وهو معصب": لا لا تقول كذا ... قلت لك زواجي من شيماء راح يتم ..فاهم راح يتم ... واللي تقول عليه نزوة عارف ايش يعني نزوة .. لا عاد تقول اني احب "وبصوت كله ألم"..مافيه شي اسمه حب .. نزوة ...سامعني نزوة... سعود : طيب طيب هدي أنت هدي ... وائل : انا هادي ..."اخذ له نفس عمييق ".. ولازم أكون هادي ... سعود "يغير الجو":: أأأ ايش رايك اليوم حجزت لنا مقعدين في السينما ..لي ولك على فلم اكشن ... وائل "يحاول يكون طبيعي":.. انا وانت حلو...طيب اهلك وين بيروحون على بال ما نشوف الفلم .. سعود : لا أبوي وأمي يقولون ما بيطلعون اليوم بيطلبون عشاء من الفندق بيجلسون بالجناح .. وائل"جاء بباله يسال عن عبير ..بس خلاص قرر ينسى وجودها":.طيب ..متى الفلم يبدأ... سعود"يطالع ساعته":..يبدأ بعد ساعتين بالضبط ... وائل : حلو ..طيب ايش رايك نطلع من الحين نتمشى ونغير جو..أحس اني متضايق شوي ...
سعود ..يالله .. "رن جواله" >>>>>>>عبير يتصل بك .. سعود :....هلا عبير ..خير ..ايه بنطلع ...بغيتي شي ؟!..
وائل " سمع اسمها ولف راح الغرفه يبدل ملابسه ...وبنبرة تحدي": صدقيني يا عبير انا أقوى مما تتخيلي ..راح أنساك وأكمل حياتي مع شيماء ..وراح أنسى كل شي كل شي جمعنا مع بعض .. لأنك دخلتي حياتي بالغلط ..والغلط لازم يتصلح .."وفتح شنطته وطلع له تيشرت اخضر مقلم مع بيج وبنطلون بيج ..".. سعود "دخل الغرفة عنده .. وراح لشنطته ..وطلع له تيشرت اسود وبنطلون جينز .. وقفل شنطته وشالها بيده ..":..سعود أنا رايح شوي عند أهلي وراجع ما راح أتأخر ... وائل "يطالع في الشنطه بيده ومستغرب":.. خير فيه شي ..وليه ماخذ شنطتك معاك ... سعود :أختي كلمتني تقول ان شنطتها صارت صغيره على ملابسها بعد ما راحت السوق اليوم وتبغى تبدل شنطتي بشنطتها .. وائل "رمى ملابسه على السرير ..وجلس ": اجل بتتاخر ... سعود :لا ...أنا طلعت لي لبس ...بعطيها الشنطه ...وبرجع واذا رجعنا رحت أخذتها منها... يالله البس بسرعه انا جاي "وطلع من الجناح"... وائل : غريبة طيب تقدر تشتري شنطه جديده ....يالله ايش دخلني ""وقف يبدل ملابسه "...
........
بيت ابو وائل في الرياض ....على العشاء
الجد : كلمك وائل يا محمد ... ابو وائل : ايه يايبه كلم ...وهو الحين بالبحرين ..واخوي صالح وأهله بعد معاهم ... سمر"بزعل" : ايه عبير أرسلت لي مسج وقالت لي ... الجده :.. وشو ايش ارسلت لك ؟ ام وائل "ابتمست": مسج يعني رسالة على الجوال تقصد ... الجده : طيب قولي رسالة ... لازم هالكلام المشقلب حقكم ... سمر :ههههههه ضحكتيني يا جده وانا ابغى ازعل عشان بابا يحن علي ... ابو وائل : خير ان شاء الله احن عليك بأي مناسبة ... سمر : يرضيك يا بابا ان وائل وعبير في البحرين وانا لا .. ابو وائل "فتح عيونه": ايششش...؟! ام وائل : سمر ..؟!... ايش وائل وعبير .. قولي وائل وعمي وأهله ... سمر"بلا اهتمام": ايه اللي يهمني في السفره كلها هذولا الاثنين .. وائل اخوي ...وعبير صديقتي المقربة ... ابو وائل "ضربها على راسي" : خلصي عشاك ... بلا كلام فاضي .. سمر "بزعل":بابااا ..وش فيك علي ... الجد : أي والله تستاهلين ...لو احد سمعك بيقول انهم مع بعض لوحدهم ... سمر "بخباثه": ههههه تقصدون شيماء ..ياليتها سمعت ...هههه الجده : شيماء مو بسهله لو سمعتك ..بهذلت الولد وهو مو ناقص .. ام وائل : سمر خلاص ... سمر "تطالع في ابوها وهي مبتسمه": بابا ..متى نروح البحرين ... ابو وائل "وهو ياكل": وليه بتروحين البحرين ؟...فيها شي مو عندنا ؟! سمر : بابا الله يخليك خلنا نروح للبحرين ..او او أي مكان انت تختاره ..او او جدتي .."وتقرب من جدتها ..وتهمس في إذنها" ...قولي البحرين طيب.. "بصوت عالي".. خلاص خلو الاختيار على جدتي ..يالله يا جده وين تبغينا نروح .. الجده : والله يا بنيتي ما احب غير هواء المزرعة ..وانا مشتاقه اروح لها ... الجد : كفوو والله يا ام محمد... ابو وائل : خلاص تم ..انتي تأمرين أمر يا يمه ... سمر "تطالع جدتها بحزن": جداااااااااااااااااااه ...ليه كذا .. ام وائل :هههههههههههههههههه ..تستاهلين
موضوع: رد: رواية أنوثة خيالية بالرغم من الملابس الرجالية / كآمله الأربعاء ديسمبر 28, 2011 1:06 pm
................................
في البحرين....
وائل و سعود ... انتهوا من الفلم وراجعين الفندق .. بس دخلوا سوبر ماركت قدام الفندق .. وائل :مرة ثانيه لا عاد تختار فلم .. خلني انا اختار ... سعود :ههههههه ليه ما عجبك ... وائل : تسمي قصه سبايدر مان فلم ...خلاص ذكرتني بأيام الطفولة ... سعود :ههههههه "عند ثلاجة الايس كريم ".. نأخذ ايس كريم والا بلاش... وائل : امممم اذا تحبه خذ ..انا عن نفسي باخذ عصيرات بس ... سعود : أي والله بكرة راجعين للشرقية ...خلاص انا كمان مثلك عصيرات بس ... وائل : كلمت عمي وسالتهم اذا تعشوا .. سعود "وهما متجهين للكاشير": ايه كلمته قال تعشينا وبنام على طول لا عاد تدق علينا .."يطالع في ولد مر من جنبه .. متلطم".. استغفر الله وش هالولد ..شوف ثوبه كيف يسحب في الارض هههههههه وائل "توه ينتبه للولد": وينه ...أها ... ههههههههه يمكن ماخذ ثوب أبوه ... سعود : لو كان بالسعودية كان صارت علوم ... وائل :ليه ؟! ... سعود : مدري شكله مايع كذا ..مو عاجبني تقول بنت ... وائل "لف يطالع في الولد ..وطالع في سعود":..بنت ..!!..ههههه.. بعض الاولاد مدري كيف يفكرون .." وكان فيه شي خلاه يطالع في الولد مره ثانيه .وطالع فيه وشافه يطالع فيهم ... بسرعة لف عنهم وراح بعيد ..."... سعود "عند الكاشير ": وائل ..يالله هاتي العصيرات اللي بيدك عشان نحاسب ... وائل "يطالع في سعود وهو مبلم "... سعود : ايش فيك يا وائل ...ناسي شي ؟! وائل " يا ترى اللي أفكر فيه صح.. معقول":.. خذ ..."أعطاه العصيرات"... حاسب انت وروح للفندق ..وانا دقايق وجاي .. سعود : وين بتروح .... وائل "يبتعد عن سعود ..": بكلم ..."وغمز له"...شوشو.... سعود : هههههههه طيب ..عقبالنا يارب .." اخذ الكيس بعد ما حاسب وطلع من السوبر ماركت للفندق "...
وائل ...... وينه وينه .. .ايو و و ا ...هذا هو ....
وائل يقرب من الولد .. وتسارع دقات قلبه تسبقه .. وقف جنبه ولف يطالع في وجهه الا مو واضح منه الا العيون ... وائل : هلا والله بيوسف ... .....: "يطالع فيه بعيون مفتوحه "... وائل "بصوت واطي ":.... عبير ايش تسوين... عبير "بخوف وربكه .. وتثقل صوتها " :...انت غلطان ... وائل :هههههههههه .. ترى مو راكب الصوت الثقيل عليك ... عبير "لفت عنه"............. وائل "يلحقها": امشي قدامي ... عبير "طالعت فيه ": على وين ؟! وائل "كتف يده .. وسرح في عيونها ..اشتقت لها العيون":..على الفندق.. عبير : مالك دخل فيني .."ولفت تكمل " .. وائل "على طول مد يده ومسكها ..من يدها .:.. عبير "تطالع في مسكتة يده وتطالع فيه ":.بعد يدك ...لا عاد تفكر تلمسني فاهم ... وائل "يمسك اعصابه ..ويفك يدها ": انا أسف .. بس امشي معاي على الفندق ... عبير ""بكل تحدي" : ما أبغى .. وائل "معصب ومن بين أسنانه": بتجين معاي غصب عنك ..والا اكلم سعود يجي يشوف المسخره اللي انتي فيها ... عبير : انت ليه تطلع لي في كل مكان ..اتركني ..برجع لوحدي بعد شوي ... وائل "طلع جواله ": اكلم سعود أفضل .. عبير "مدت يدها على جواله": لا لا لا ..خلاص خلاص "وباستسلام"..اوف برجع ... وائل "ابتسم ابتسامة النصر":قدامي ..
ومشيوا عبير و وائل لخارج السوبر ماركت .. وللفندق ..بدون أي كلام شفهي بينهم ... بس عيونهم وقلوبهم هي اللي كانت تتكلم ....
وصلوا للاصنصير وينتظرونه ينزل... وائل "يفكر يطلع عبير لوحدها بالاصنصير مايبغى يبقى معاها أكثر من كذا ..لانه قرر ينساها.. وبدون ما يطالع فيها ":.. عندك بطاقة الباب .؟!.. عبير "بصوت قريب من الهمس ":.. ايه ..وائل وين سعود ؟! وائل " بتذبحني هالبنت بهالصوت .. ": ..سعود قلت له يطلع للجناح ... وانتي كيف طلعتي من غير ما احد يحس فيك ... عبير : انتظرتهم ينامون ولبست ثوب سعود ..و .. و طلعت ... وائل "يطالع فيها ويشوف الثوب عليها ..اكمامه طويله ويسحب بالارض بس هي رافعتة بيدها ..ابتسم ": الثوب اللي بالمزرعه عليك احلى ... عبير " حمر وجهها من ابتسامته وكلامه ..ونزلت راسها ":.. ايش أسوي هذا الموجود ...
وقف الاصنصير ...وخرج منه 4شباب كانهم سكرانين ..يضحكون ..واصواتهم رافعه..وما يدون عن شي ... وقربوا منهم .. يقولون كلام مو مفهوم ...
وائل .. سحب عبير لا شعوريا ورآه .. واشر للشباب انهم يروحون ... وائل : روح روح يابو الشباب ..الله يهديكم وبس ... عبير " يممممه كيف بدخل الاصنصير الحين"... وائل "دخل الاصنصير .. ": عبير تعالي .....بسرعة قبل لا يقفل ... عبير "من خوفها من الشباب ... دخلت بسرعة ولصقت في وائل ": ايش هذولا الشباب يخوفون والله ... وائل "يطالع فيها وهي لاصقه فيه ..حتى انه حاس بحرارة جسمها.. "...أ أ..الله يهديهم ..."ضغط على زر الطابق السابع .. ورجع شعره على ورى بيده .. وبعد عن عبير " عبير " انتبهت انها كانت لاصقه فيه .. وهي بعدت كمان .. وانحرجت ":.. أ ..أ ..اسفه ... وائل "ركز فيها .. وبصوت حنون": عبير الله يرحم والديك انتي ايش قاعدة تسوين بنفسك ... ليه هالمغامرات بهالثياب .. انتي كذا ممكن تعرضين نفسك للخطر .."عينه بعينها ..وكله لهفه لهالنظرات ".. انا خايف عليك ..لو احد عرف انك بنت ما راح يتركوك بحالك ... عبير "وهي تطالع في عيونه وترمش بين كل ثانيه والاخرى ": حبيت اتسلى واغير جو ...بعدين ما عليك محد كلمني ..معناه مو واضح اني بنت ... وائل "يطالع فيها من فوق لتحت ..بتدقيق".. عبير "انحرجت من نظراته ..":.هيييي وش فيك ... وائل "ضيق عينه وابتسم": انا أشوف قدامي أنوثة كاملة الملامح .. عبير "فتحت عيونها وترمش بسرعة ..وحطت يدها على خصرها" : وا ا ا ا ا ا ا ائل .. وائل " يا عيون وائل .. وبنفس النظرات والابتسامة ":.. حتى ..حتى ...ملابسك الفوقية الأنثوية "وشد ابتسامته حتى ظهرت اسنانه .. ويده على دقنه"..وا ا اضحه .. عبير "لا شعوريا طالعت في صدرها وسحبت الشماغ تغطي صدرها ..." وائل "ابتسم على حركتها " :..
وقف الاصنصير...
عبير : أخيرا ..."وطلعت بسرعة"... وائل "لحقها بسرعة":.. عبير ..عبير .. عبير"وقفت ومن دون ما تطالع فيه " : نعم ..؟!... وائل "سبقها ولف عليها وصار وجهه مقابل لها":.. اوعديني آخر مره تسوين هالحركه ... عبير "لسى منحرجه منه من كلامه في الاصنصير ..ومن دون ما تطالع فيه ..":..انا أسوي اللي أبغى ...وماني مضطرة أوعدك لأنك صدتني مرتين ..المره الجايه ما راح تقدر .. وائل "ميل رأسه وابتسم": معناه انك بتكررينها ...وان شاء الله أصيدك بعد في الثالثة ... عبير "طالعت فيه .. وما قدرت على نظراته ":.. لو سمحت أبغى أروح الجناح ... وائل "بعد من قدامها .. وبدون ولا كلمه ..وتابعها بنظراته ..حتى فتحت الباب "... عبير ""فتحت الباب ..ولفت تطالع في وائل اللي شافته يطالع فيها بنفس الابتسامة ..ابتسمت له ... ورفعت يدها له دليل الشكر ..ودخلت بسرعة ...". وائل "جمد مكانه من رفعة يدها .. وبسرعة ردها ورفع يده لها قبل لا تنزل عيونها وتدخل ": ابتسمت لي ..متأكد ..عيونها ما تكذب ..
"سند جسمه على جدار الممر ... وتكى برأسه ..وغمض عيونه ..مدري انا بحلم او بعلم ..ليه كل ما جيت بنساك طلعتي لي بشكل أقوى من قبل .. "طالع في الباب اللي دخلت منه "... خايف افشل في التحدي مع نفسي ...الظاهر انك أقوى مما تخيلت ..وانك مو نزوة ..أخ يا قلبي .. " وبخطوات ثقيلة دخل الجناح .. وطالع في سعود اللي نام بملابسه لان شنطته عند عبير ..."ابتسم ".. ورمى جسمه على السرير ..وغمض عيونه ... وكأن حب عبير اكبر من ان يتحمله جسم وائل اللي استسلم للنوم بسرعه ...
عبير ... جالسه على الكنب قدام التلفزيون .. والشماغ في حضنها ..وثوب سعود جنبها .."ابتسمت ".. ليه أنت اللي تكشفني يا وائل...الظاهر صرت تعرفني .. وكمان حافظ ..حافظ جسمي "حمر وجهها وغطته بالشماغ لما تذكر كلامه في الاصنصير" ..معقول هو كذا يتكلم مع الكل والا بس انا ... يعني نجوى وفاء وشيماء يكلمهم كذا .. مع اني من لما صرنا نتغطى عن أولاد عمي ما صار يجمعنا لا مكان ولا سواليف ...والا يمكن وائل يعتبرني بزر ..مثل ما قال لسمر هذاك اليوم ...اوف انا ليه أفكر فيه وهو خاطب .. وكيف ما افكر فيه..آه بس ..آه .. وانا لما اشوفه اشوف أجمل وأوسم رجل بحياتي ...
......................... صباح اليوم الثاني ... ابو سعود ..وام سعود ..وسعود وعبير ...في سيارتهم متوجهين للشرقية ....ويودعهم "وائل "...اللي خبرهم انه بيجلس يومين زياده في البحرين وبعدين يلحقهم على الشرقية ...في نهاية إجازته ...
وائل ..هالمره قدر يودع عبير بعيونه اللي لما تلاقت عيونهم ..رفع لها يده بنفس حركتها امس له... هذا الشي حسس عبير ان وائل فاكر كل شي يصير بينهم مع انه ما يتعدى النصف ساعة ..او اقل ..ولكن يتذكر كل شي ...ما كان بيد عبير غير أنها تغمض عينها له بقوه ..وكأنها تحاول تطبع صورة وائل الاخيره في عقلها ...
موضوع: رد: رواية أنوثة خيالية بالرغم من الملابس الرجالية / كآمله الأربعاء ديسمبر 28, 2011 1:07 pm
<<<<<<<<<<<<<<<<<<<<<<<<<<<<<<<<<<<< الجزء الثاني عشر <<<<<<<<<<<<<<<<<<<<<<<<<<<<<<<<<<<
قضى وائل يوم الجمعة ويوم السبت والأحد في البحرين .. كان متملل وطفشان.. وقرر يوم الاثنين انه يرجع للشرقية .. يخلص باقي إجازته عند عمه صالح ... وصل وائل الشرقية الساعة 8 مساء..
وائل "بالجوال ":.الو و ..السلام عليكم ..كيفك سعود ؟ سعود : هلا والله وعليكم السلام ..انا بخير ..كيفك انت ..؟؟ ..وينك يا رجال ؟ وائل : انا وصلت الشرقية .. عشر دقايق وأكون عندكم بالبيت ... سعود : لا محد بالبيت ..تعال في الشركة .. وائل : اها ا ا طيب ..انا جاي عندكم ..مع السلامه .. سعود : حياك الله ...
... في الشركة ...
ابو سعود : مين كنت تكلم .. وائل ؟! سعود : ايه يا يبه يقول وصل قبل شوي وكان رايح للبيت قلت له يجي الشركة ... ابو سعود : خير ان شاء الله ..انا بعد بغيت وائل في موضوع .. وابغى اكلمه هنا مو بالبيت ... سعود : أي موضوع يبه ... ابو سعود: الحين اذا جاء وائل كلمتكم مع بعض ... سعود : اللي يريحك يبه ... ابو سعود : متى أمك وأختك قالوا لك تأخذهم من الحفل ...؟! سعود : يقولون يمكن ما يخلص الحفل إلا الساعة 10 ونص إلى 11.. وحيتعشون هناك .. ابو سعود : أجل لما يجي وائل نروح نتعشى مع بعض او نأخذ عشاء ونروح البيت .. سعود : ان شاء الله يبه ...
.........................
... في الرياض ...
وداخل إحدى المطاعم العائلية ..." شيماء ".. و "رندا" السورية جارتهم ..ومعاهم ...أخوها "كمال ".. صاحب الجسم الطويل والعريض ..بشرته بيضاء ..لون عيونه وشعره بني فاتح .. وحالق شنبه ودقنه ...
رندا "طالعت في كمال وشيماء اللي كانت تتوسطهم": امممم انا بطلع لدورة المياه خدو راحتكم ...ماشي .."وابتسمت لشيماء وطلعت "... كمال "ابتسم": كيفيك شيماء ... أخيرا.. شيماء "منحرجه.. وابتسمت": انت عارف يا كوكو ما اقدر اطلع من البيت الا بعد ما أعطي أهلي تقرير مفصل وين بروح .. كمال "وقف وجلس مكان رندا جنب شيماء": بس انا بشتاق لك .. شيماء : بس إحنا نشوف بعض على الماسنجر ..ونكلم بعض كل يوم ونرسل مسجات لبعض .. كمال "مسك يدها": بس انا بدي أحس بيك جنبي .."وقرب منها".. واشم عطرك .. "سحب الطرحة من على راسها .." شيماء "ارتبكت ... ومسكت طرحتها ":.. لا كمال ... كمال : شو لا ..انا بدي أشوفك متل ما اشوفك على الماسنجر بدون طرحه ...بدي اشوف شعرك ... شيماء "ابتسمت .. وشالت الطرحة ..": ما اقدر ارفض لك طلب .. كمال "مسك يدها وباسها ":... بمو و و وت فيكي .. شيماء "ذابت من حركاته .. ومن عيونه اللي تدوخ ..": تصدق فيه مشاعر ما أحس فيها الا معاك ... كمال :بتقصدي ما بتحسيها مع وائل ..؟! شيماء "بحزن": لا .... كمال : قلت لك اعتبريه شي جديد بحياتك مو شرط تحسي معاه بشي .. شيماء : لو وقت ما صارت الشوفه كنت موجود ..كان ما وافقت عليه ... وما خليت اهلي يقنعوني به .. كمال : انتي بتعرفي ان سفرنا وقتها كان منشان تيته لما توفت .. شيماء : بس انا مو متخيله أكون مع شخص غيرك ... تعودت عليك صعب اتعود على وجود وائل بحياتي .. كمال "ابتسم": انا بحبك وراح اضل احبك تزوجتي او لا ... شيماء "ابتسمت": وانا بعد ..بس وائل ... كمال : لا تهتمي خلاص محدا بيعرف بكره ايش مخبي لنا .. وبعدين راح نضل نتكلم عن وائل .."غمز لها"..وننسى انفسنا .. شيماء : وين رندا تأخرت .... كمال : هلا خلصنا من سيرة وائل رجعنا لرندا ... شيماء :ههههههههههه كمال "مد يده لها .. وسحبها": قربي قربي يا عمري ..ومابدي اياك تفكري بشي غيري انا وانتي بس ..
..........................................
في الشركة بالشرقية ...
وائل "يدق باب مكتب عمه": السلام عليكم ... ابو سعود وسعود :وعليكم السلام ...حياك الله يا وائل ... سلموا على بعض ...وجلس ابو سعود على المكتب ..وسعود و وائل مقابلين بعض قدام العم ابو سعود ... ابو سعود : الحمدلله على السلامة ...هاه كيف البحرين من غيرنا هههه وائل : الله يسلمك يا عمي ...والله انتو اللي كنتو محلينها يا عمي .. سعود :ايييييه بدينا بالمصالح .. والله وجهك منور .. وائل : ههههههه لا والله جد أتكلم ... ابو سعود : اذا بغيتوا الجد فهو عندي انا ... سعود : ايه يا يبه ايش الموضوع اللي قلت بتكلمنا فيه انا و وائل .. وائل "مستغرب من ملامح عمه اللي قلبت جد": خير ان شاء الله ..صار شي بالشركة ... ابو سعود : لا لا من هالناحيه تطمنوا ..الموضوع ما يخص الشركة ... وائل : تفضل يا عمي ... سعود : ايش الموضوع يبه ... ابو سعود : الموضوع فيه شخص خطب عبير بنتي ... وائل "كان احد صب عليه مويه باردة"... سعود: ومين اللي خطبها ..؟! ابو سعود "طالع في وائل": وائل يعرفه ... وائل "لسى منصدم .."... سعود "طالع في وائل .. بس ما شاف رد فعل ..ورجع طالع في ابوه ": مييين يبه ...يعني انا ما اعرفه ... ابو سعود : الا تعرفه بس ما تعرفه بالشكل اللي يعرفه وائل ...هو ماجد سكرتيرنا في شركة الرياض ... وائل "صدمته أقوى ..بس تفاجأ": مييييين...... ماجد ....؟! سعود :تقصد السكرتير. ..؟! ابو سعود :ايه .... سعود : وهذا على أي أساس يخطب عبير ... من وين يعرفها ..؟! ابو سعود : أمك تقول قد قابلت امه وخواته من فتره لما زاروا اخي محمد ... وائل : اييييه تذكرت .. زارونا في عيد الحج ..لما جدتي سوت عمليه المويه الزرقاء في عينها ... سعود : ايو و وا ... ومتى خطبها يبه ... ابو سعود : ابو ماجد كلمني على الجوال وقال الموضوع بشكل مبدئي ... اني أفكر فيه واسأل عن ماجد .. "طالع في سعود"..طبعا لحد ما تخلص أختك المدرسة ... سعود :ايه يبه لا تكلمها الحين أول تخلص اختباراتها وبعدين يصير خير... وائل "يهز ارجوله بسرعه ..دليل توتره ..ويده على شفايفه يعضها بقهر.. " سعود "لاحظ حركه وائل " ... ابو سعود : واكثر شخص يعرف ماجد هو انت يا وائل ... وائل "طالع في عمه بنظرات قويه.. وبعصبيه ": انا ..انا ما اعرف عنه أكثر مما انتو تعرفون عنه .... ابو سعود : يعني كيف أخلاقه وتعامله .. وائل : عمي ...انت تعرف ماجد ..ليه تسألني انا ... سعود " ملاحظ تغير وائل " ابو سعود : ايه انا اعرفه بس ما اعرف عنه أكثر من انه سكرتير يؤدي واجبه بكل إخلاص .. وائل : انا ما عمري جلست معاه او طلعنا مع بعض ...حتى اني اقدر أقول لك عنه على أساسه يربط مصير شخص برأيي فيه... ابو سعود : على العموم انا حبيت اخذ فكرة عن الولد .. مع ان الوقت سابق لأوانه باقي على الصيفيه شهر تقريبا او أكثر ...وقتها يصير خير ... سعود : انت ايش رأيك يا يبه .... ابو سعود : هذي حال الدنيا الزواج ..بس أكيد الرأي الأخير لأختك ..بس لازم نقول لها الولد ايش فيه وايش مافيه وهي تقرر ... وائل "مو قادر يضبط اعصابه ..وقف": عمي استأذن انا راسي مصدع .. بروح انا وسعود للبيت ... ابو سعود : محد بالبيت يا وائل ..اذا تبغى تروح روح ... سعود "وقف ..وطالع في الساعه ":..الساعه الحين 10 وربع ..أكيد أهلي بيدقون علي .. أروح أجيبهم من الحفل ... وائل : حفل !... أي حفل ؟! سعود "ابتسم ": حفل تخرج عبير ...اليوم ..وراحت هي وامي ... وائل : ايييه ...طيب يعني أسبقك على البيت ... ابو سعود : دامك تعبان يا وائل ..نطلب عشاء من المطعم ونتعشى بالبيت مع بعض ....بس بتأخر ساعة وألحقكم على البيت ... وائل : خلاص انا بجيب عشاء وسعود يجيب عمتي من الحفل .. وانت يا عمي خلص شغلك..ونتقابل في البيت ... سعود : لا يا وائل انت توك واصل روح البيت وانا بجيب ... وائل "ماله خلق للمناقشة ": براحتك ...يالله مع السلامة ... سعود : انتظرني جاي معاك .."ياشر لابوه" .. فمان الله ... ابو سعود : مع السلامه ..."ورجع يخلص شغله "...
............ وائل طلع من الشركه و وقف عند سيارته وفك ازرار ياقة ثوبه ..وتحسس رقبته بتوتر ... سعود .."لحق وائل ": وائل ..وائل ... وائل "حول يده من رقبته الى جبهته":. هلا سعود بغيت شي ... سعود : الظاهر انت من جد مصدع ... وائل : وليه يعني بضحك عليك ..والا على عمي ... سعود : مدري حسيتك من لما جت سيرة ماجد تغيرت وتوترت ... وائل "يحاول يكون طبيعي ": لا وليه أتوتر .. بس متفاجئ ..شوي بس ما علينا ...يالله روح لا تتاخر على عمتي وأختك .... سعود : يالله .. بس دقيقه .."وطلع مفاتيحه من جيبه "..امسك هذي مفتاتيح البيت ... وائل "يطالع في المفتاح ": لا لا بنتظرك بالسيارة حتى ترجع ... سعود : أخاف يتأخرون ...ترى الشغالة بالبيت بس أحيانا أمي تسكر عليها بالمفتاح ...او يمكن تكون نايمه ...روح ألحقني وخذ لك دش كذا تصحصح معانا ..حتى ويجيك العشاء... وائل "استسلم":..هات ..يالله مع السلامه .."ركب سيارته وانطلق بسرعة "
سعود ....ايش اللي صار لك يا وائل ..دخلت بوجه وطلعت بوجه ثاني...يكون له علاقة بماجد ...يالله أكيد بعرف الموضوع عاجلا ام اجلا..
>>>>>>>> أمي الغالية يتصل بك سعود : هلا يا يمه .. انا بالشركة ..جاي الحين ...يالله اذا وصلت دقيت عليكم ...باي .. "طلع سيارته .. وراح لمقر الحفل"..
موضوع: رد: رواية أنوثة خيالية بالرغم من الملابس الرجالية / كآمله الأربعاء ديسمبر 28, 2011 1:07 pm
....................................
الرياض ..فلة ابو عبدالله
شيماء..دخلت بهدوء ..وطلعت غرفتها بسرعة سكرت على نفسها الباب ..وهي تحمل بيدها هديه كمال ...كانت طايرة من الفرحه .. رمت بنفسها على السرير ...وتذكرت كل لحظاتها مع كمال وكيف هو يحبها ... وللاسف ما فكرت في وائل ابدا ..مع ان وائل ما يقل عن كمال من ناحية الجمال ولا الوسامه ..
..........ولكن "كمال" وبحكم عاداتهم كان شي عادي عنده انه يجلس مع صديقات أخواته ..فتعرف على "شيماء" من لما كانت صغيره بحكم الجيرة ..وخاصة انها كانت تزورهم كثيير .. ويعرف كل شي يخصها .. وقدر انه يوصل لقلبها قبل ما تتم الشوفه بينها وبين وائل ..ولكنه في هذا الوقت كانوا مسافرين لسوريا بسبب وفاة جدته ...بس لما رجعوا وعرف بخطبتها من ولد عمها وهي بعدت عنه .. ضل يلاحقها حتى ورجعها له مره ثانيه ... لانه فعلا حبها من قلبه ...ولكن عدم تركه" لشيماء" وهي بحكم المتزوجة ..أفقدت كمال كثير من مصداقيته في العلاقة اللي بينهم .....
.................
.........وائل ...متضايق لأبعد حد ومو عارف وين يروح او يفضفض لمين ... راح للبحر يمكن يقدر يقول له اللي بباله واللي يحس فيه ...
نزل من سيارته وتوجه لا شعوريا لحد ما صارت أمواج البحر تغطي رجله ..وهو ساارح في البحر ..والقمر والنجوم ..ويتذكر كلام عمه .. "يعني عبير ..راح تتزوج ...من شخص ثاني وتكون ملكه لوحده .. معقول يعني راحت مني .. لا لا وائل ..كيف يعني راحت منك ..انت خاطب ...بس ...بس انا أحب عبير ..مستحيل أخليه يأخذها "
غمض عيونه وقبض يده بقوه .."أحس لو ماجد قدامي كان عطيته بقس ينسيه اسمه .."..وبلا أي مقدمات نزلت دمعه من عينه حس بحرارتها وتفاجأ من نزولها حتى انه مد يده يمسحها وهو يرجف ..."انا ... انا... تنزل مني دمعه عشان بنت ..آ آ آ ه يربي صبرني ..انت تعلم اللي فيني فسهل لي أمري ...يارب انا ما ابغى اغلط ...حلها من عندك يارب ..يارب ..يارب "...
حاول ياخذ نفس بس حس ان صدره ضيق مو قادر يتنفس... جلس على رجله ...وغسل وجهه من مويه البحر .. حتى المويه اللي دخلت فمه بالرغم من ملوحتها ..ما اثرت فيه لانه حس ان كل شي بالدنيا ما صار له طعم...
.......................
سعود ... نزل أمه وأخته عبير في البيت ورجع يأخذ عشاء ... ورجع البيت حصل سيارة ابوه في الكراج وسيارة وائل مو موجودة ... سعود "دخل البيت وهو حامل العشاء ":.. وين وائل ما جاء ؟! ابو سعود : لا ما شفته .... سعود :.عبير امسكي رتبي لنا العشاء ... عبير "قامت بسرعة تأخذ الأكياس من عند أخوها ":.. حاضر من عيوني ...مع إني ما شفتك علقت على لبسي ..والدرع والهدية اللي جتني .... سعود "طالع فيها وتوه يركز ..ابتسم":::اوف اوف ايش هالجمال والحركاات ...
عبير كانت لابسه تنورة بني جلد قصيرة لعند الركبه وبلوزه سكري مع جاكيت بني جلد ..مع اكسسوارات طويله وحزام بني ..وجزمه بنيه بشرائط تنربط على الساق ...وشعرها سوته بالفير ..ومعاه قبوع سكري..والمكياج بني خفيف .. وطالع شكلها مرره رووعه انيقه وشيك لأبعد حد ..
عبير "اخذ لفه على نفسها": حلو مو و و و... سعود : هييي يا بنت لا تدورين والعشاء بيدك ...لا الحين ننام بدون عشاء ...ههههههههههه ابو سعود : الا صدق يا بنتي الحين جلستي كذا والا بعباية التخرج ... ام سعود : عباية التخرج ما يلبسونها الا وقت المسيرة بس ..وبعدها كل وحده لابسه اللي تبغى ... سعود : ايشششش ..بس وقت المسيرة..ولها شهر وهي كل يوم عند المشغل عشان عباية التخرج ..وبالأخير ما لبستها الا ساااعه ... ام سعود : اقل من ساعة بعد ... عبير : يوووه ..بروح اجهز لكم العشاء ..."لفت بتروح المطبخ".. ام سعود : طيب غيري ملابسك اول ... عبير : يا ماما خليني انبسط فيها ...اليوم التخرررج ..."راحت المطبخ " سعود : صدقتي ترى لسى ما اختبرتي .. ام سعود : الا على طاري الاختبارات انت اختباراتك الأسبوع الجاي والا اللي بعده ... سعود : والله الاسبوع الجاي ... ابو سعود : وين وائل كلمته ... سعود "ضرب جبهته ": لا والله نستني عبير هي ولبسها هههه... "طلع الجوال ..من جيبه"...الحين بادق عليه ...
ام سعود : دقيقه انتظر ...انا اسمع صوت الكراج انفتح ... سعود "وقف وراح يشوف من الشباك": أكيد وائل .... ابو سعود : وكيف دخل ... سعود : انا عطيته المفاتيح ..لانه قال بيرجع البيت وبينتظرنا برا ..بس انا قلت له يأخذ المفتاح ويدخل البيت حتى ونرجع .... ام سعود : اجل ليه تأخر ... سعود : هذا هو بيدخل ...يالله يا يبه بروح عنده في المجلس .. ابو سعود : طيب يا ولدي روح وانا شوي بالحقكم ...
سعود .... دخل بسرعة مجلس الرجال ...وفتح لوائل الباب ...اللي كان واقف بالحوش .... سعود "يطالع في وائل ": هيييي انا فاتح الباب تعااال ... وائل "انتبه له ..ابتسم ..وحاول يكون طبيعي.. ": ماشاء الله متى جيت هههههههه..."مد يده يعطيه المفاتيح"... تفضل مشكووور ..خسارة ما استفدت منها الا باب الكراج بس ... سعود "اخذ المفاتيح ":..اهم شي استفدت ....حياك ادخل. ..
سعود ..يطالع في وائل ما عجبه وضعه واضح انه يمثل عليه انه طبيعي بس عيونه كاشفته ... سعود "بصوت واطي ": ايش فيك يا وائل ... وائل "ضغط على عيونه بيده ": تعبا ا ا ا ا ان .. "ابتسم"..عندي صداع ذابحني ... سعود "بشك": عيونك حمراء ... حتى أحس لونك تغير ...سمرت بزيادة ... وائل : لا لا عيوني عادي من الصداع .. اما لوني ههههههههه باخذ دش وبرجع مثل اول ... سعود "ما ضحك معاه": وائل منت مضطر تمثل علي انك مبسوط .. ترى مافيها شي لو الشخص زعل او تضايق او او حتى بكى ...ترى حتى احنا الرجال بشر نحس ..وعندنا مشاعر .. وائل "متفاجئ ": سعود ..!!..ايش دخل المشاعر الحين ومدري ايش ...ترى الموضوع كله اني تعبااان من السفر لاني من الصباح صاحي وقررت فجأة ارجع للشرقية عشان كذا ما أخذت راحتي ..
دخل ابو سعود عليهم في المجلس .... ابو سعود :. سعود روح شوف أمك تبغاك .. سعود : طيب ...."طلع لامه في المقلط "... وائل ""حس ان عمه يطالع فيه ..وخاف يسمع نفس كلام سعود له ..": ا ا ا عن إذنك عمي ..."وقف"... بروح أبدل ملابسي .. وارجع.. ابو سعود :طيب ...روح ولا تتأخر عشان العشاء جاهز ... وائل "ابتسم": ان شاء الله ...
.... اجتمعوا على العشاء .. وكان وائل يحاول يكون طبيعي قد ما يقدر .. عشان عمه ما يلاحظ عليه شي .. وسعود اللي بين كل فتره والثانية يركز في وائل ونفسه يعرف ايش اللي مزعله ومخليه متضايق لها الدرجة .. ..وائل انتهي من العشاء ..وعلى طول استأذن يروح ينام متعلل بانه توه واصل من السفر اليوم ومعاه صداع ....وطبعا ماحد أصر عليه يجلس أكثر لان شكله فعلا تعبان ..حتى سعود ما حاول يروح ورآه للغرفة ..وتركه على راحته ..
وائل ... دخل الغرفة بخطوات ثقيلة .. ورمى نفسه على السرير .. وجلس يطالع في السقف ..وهو مو مستوعب اللي جالس يصير له ... "معقول هذا حالي لما عرفتك يا عبير.. ثلاث شهور ..وانا مو عارف ايش ابغى ..ما ادري ابغى ارضي اهلي او ارضي نفسي او ارضيك ..آ آ آ آه.. ما توقعت يجي اليوم اللي تنخطبي فيه بهاسرعه ..توقعت ما يجي وقتها الا انا متزوج ..ووقتها اكون نسيتك......"
سعود .. فتح باب الغرفة ..وطالع في وائل اللي متمدد على السرير ومسرح ..حتى انه ما انتبه لسعود لما فتح الباب ..حس سعود ان وائل محتاج يكون لوحده اليوم ...لأنه لو يبغى يتكلم كان تكلم من اول ..طلع من الغرفة مثل ما دخل .. بكل هدوء بدون ما ينتبه وائل لوجوده ......
............وائل تعب من كثرة التفكير ... ومع تعبة الجسمي استسلم للنوم وهو بملابسه..وحتى اللمبات ما سكرها ...وراح في نومه عميقة ...........
................................................
في الرياض ... الساعه 12 الظهر شيماء تتصل بوفاء ....
شيماء : الو وفاء كيفك..؟ وفاء : تمااام ..انتي كيفك ..؟ شيماء : انا بخير ..وعبدالله بخير ... وفاء "انحرجت": الحين من جاب سيرة عبدالله ... شيماء :ههههههههه هاه لا تبدين ترى اقول له ...اصلا هو جنبي .. وفاء "بصوت واطي ": احلفي .... شيماء :ههههههههه لا لا امزح ... وفاء : ياثقل طينتك انتي ومزحك الثقيل ... ...دق جرس باب بيت ابو خالد .... وفاء "متعجبه": غريبه مين يدق الجرس..شيماء دقيقه أشوف مين عند الباب ... شيماء :ههههههههههه انا اعرف مين ..هذي نجوى ... وفاء : من جدك انتي ...نجوى ..طيب دقيقه أروح افتح لها .. شيماء : لا خلاص قفلي بس تحديت نجوى أقول لك قبلها ...ان عبدالله أرسل لك بطاقة وهي مع نجوى وأصرت تجيبها ... وفاء : شيماء مو وقت مزحك الحين ... شيماء : والله ما امزح يالله روحي شوفي بنفسك ...سي يووو "وقفلت التلفون" وفاء .. قفلت وراحت بسرعة تفتح الباب..وتلاقي نجوى قدامها ... وفاء : هلاااا والله بنجوى ..."سلموا على بعض".. نجوى "مبتسمة بقووه": هلا فيك يا زوجة اخوي .... وفاء "حمر وجهها": ادخلي ادخلي ..بلا كثرة كلام ... نجوى : لا مو داخله انا اعرف ان عندك اختبارات السبت الجاي فما راح أعطلك ...بس هذي بطاقة من عبدالله لك خصيصا ..يقول ..قولي لها .."تفكر"..امممممممممم اممممممممممم..ايش قال ايش قال.. وفاء "ارتفع ضغطها ": ايوووه ايش قال ...خلصيني ... نجوى :ههههههههههههههه ..ما قال شي ...قال عطي وفاء البطاقة وبس..."مدت يدها لها بالبطاقه" وفاء "مقهورة منها..سحبت البطاقة": صدق ما تستحين ... نجوى :ههههههههههههههههههههههه ..اوكي يعني أقول له كذا ..اقول لما أعطيتها البطاقة قالت صدق ما تستحين ...! وفاء"فتحت عيونها": نجوى لا ..انا أقصدك ما اقصده..وبعدين كنت امزح معااك ....قولي له "وارتبكت و انحرجت"..مشكور ... نجوى : طيب بقول له تقول له صدق ما تستحين ومشكور ... "ورمت غطوتها بسرعة على وجهها ..وطلعت "...بااااي وفاء : نجوى نجوى ....يوووه منها هالبنت بتفشلني متأكدة ..ما تركز تقول اللي ببالها .."قفلت الباب ..وطالعت في البطاقة .." بفتحها فوق بالغرفة .."طلعت الدرج تركض بس ما قدرت تصبر وفتحتها ..وجلست على الدرج تقرا اللي مكتوب فيها "
((( أتمنى لك التوفيق والنجاح في دراستك .. شدي حيلك ...وهدية نجاحك موجودة .. موفقه حبيبتي )))
وفاء ...بس قرأت حبيبتي ..حست انها مو قادرة تاخذ نفس .. وحمر وجهها ...وتذكرت انها بالدرج ..تطمنت انه ما احد شافها ..وركض لغرفتها ..والحماس يغطيها بعد بطاقة عبدالله لها ....
موضوع: رد: رواية أنوثة خيالية بالرغم من الملابس الرجالية / كآمله الأربعاء ديسمبر 28, 2011 1:08 pm
..........................................
في الشرقية ..وقت الغداء ....
دق سعود باب غرفة وائل .. ما جاه رد .. فتح الباب بشويش ..وحصل وائل نايم على السرير مثل ما تركه أمس .. حس بخوف لا يكون صار له شي ...قرب منه ببطء.. سعود "بصوت هادي": وائل ..وائل .."حط يده على صدر وائل.. وبصوت أعلى "... وائل ...وائل ... وائل "فز بخوف وفتح عيونه الحمراء... ويطالع في سعود ": ها ها ..ايش فيه ... سعود "خاف عليه وخاف منه .. ": الله يهديك ياخي احد ينام كذا ... وائل "عدل جلسته ويحك شعره بكسل":.. سعود فجعتاني .. سعود :ههههههه والله مدري مين فجع مين ... وائل "تذكر سالفه عبير ..وخاف لا يكون تكلم وهو نايم ":ليه ايش سويت ...لا يكون تكلمت وانا نايم ... سعود : والله مدري عنك ..بس انا ما نمت معاك نمت في غرفتي .. وائل "يبغى يتأكد من كلامه طالع في السرير اللي جنبه وطلع فعلا مرتب مثل أمس ": عشان كذا نمت مضبوط هههههه سعود : يالله يالله قوم ..عشر دقايق وابوي جاي من الشركة ..قوم الغداء ... وائل "انفجع": ايششش غداء ..ليه كم الساعة ..."طالع في ساعته"..اوف اوف الساعه 2 ونص...نايم كل هالوقت ..ومحد صحاني ... سعود : انا توي جاي من الجامعة ... وائل "وقف بكسل": الجامعه ..؟!...ليه متى اختباراتك ؟ سعود : السبت ... وائل : مو المفروض ما عندك محاضرات آخر أسبوع قبل الاختبارات ... سعود : ايه اصلا خلصنا بس كنت أشوف الجدول وعندي بعض الملازم ناقصتني ..وكذا يعني ... وائل "اخذ المنشفه على كتفه .. ":..بالتوفيق .. سعود : اتركك الحين تاخذ راحتك ..ووقت الغداء ..راح اناديك ... وائل "هز راسه بالموافقه "......
وائل ..اخذ له دش بارد ..وحاول ما يفكر في عبير ...طلع من الحمام ونشف شعره ..ولبس ثوب رمادي قماشه خفيف ...وترك شعره بدون جل .. وهو يسكر الشنطه ..لفت انتباهه الغتره اللي غسلتها عبير .. غمض عيونه وسكر الشنطه بدون ما ياخذها ويشمها مثل كل يوم ...وفتح الجيب الصغير اللي بالشنطه.. وطلع دبلته .. ولبسها في يده اليمنى ...وما حركت فيه أي مشاعر ..وطلع من الغرفة وحصل سعود كان جاي يناديه للغداء ..وتقابلوا في المقسم اللي بين مجلس الرجال والمقلط والغرفه اللي نام فيها ...
سعود "ابتسم": كنت جاي اناديك...يووه عيونك مررره حمراء.. وائل "رد له الابتسامة ..يحط يده على عينه ":.ا ا يمكن من الشامبوا.. سعود : يا حساس ما ناسبك الشامبوا تبعنا هههههه...طيب انتظر دقيقه "راح عند الباب اللي يفتح على الصالة ..بصوت عالي".. عبير ...عبير ... جيبي قطرة العين اللي في غرفتي ...دوري عليها ..بسرعة انا انتظرك هنا ... وائل "واقف مكانه": ايش هالقطره ... سعود "لف عليه .":قطره حلوه تريح العين وكمان تروح اللون الأحمر ...ترى طبيه لا تخاف .... ابو سعود .".من داخل مجلس الرجال ..": سعود ..سعود ..وينك يا ولدي... سعود "راح لابوه بسرعة ودخل المجلس ..":..هنا هنا يا يبه ...بس .. وائل "كان بيدخل ورا سعود ...بس سمع الباب يفتح بشويش ... وتطلع له يد ماسكه القطرة ....وتحرك يدها يمين ويسار للفت الانتباه ."...وائل .."بلع ريقه ..." سعود ... سعود خذ القطره .." ..آه يا قلبي هذا صوتها ....الا هي عبير ...
عبير ... واقفه ورا الباب وماده يدها تنتظر سعود ياخذ القطره ... تأخر عليها ..فقررت تفتح الباب بشويش وتطالع يمكن يسوي فيها مقلب ...دخلت راسها بشوووويش ..
وائل ..حس ان فتحة الباب كبرت وكانها ناويه تدخل ..وقف قلبه ..لف وجهه بيدخل المجلس ...بس ..بس ما قدر ...رجع لف يطالع في الباب ...مره وحده بس ابغى اشوفك مره وحده قبل لا أسافر ..
دخلت عبير راسها .. وبعيون متردده ....لمحت وائل واقف ومنزل راسه ... وائل ..رفع شعره من على وجهه بحركه سريعه و..وطالع في الباب .. وصار اللي تمناه ..تلاقت عيونهم مع بعض ... هي كلها ثواني معدوده ..بس كانت كافيه ان وائل يرجع يشعر بالفرح والنشوه ...اللي افتقدها من لما عرف بخطبتها ... و عبير ما كانت تختلف عنه كثير ... منظر وائل بالثوب وشعره بدون جل يذكرها بأول مره شافته عن قرب لما كانوا بالمزرعة .. هذا الشي عطاها إحساس حلو ..أول مره تحسه بحياتها.. رجعت عبير بسرعة على ورا ...وهي مرتبكة ..ويدها على قلبها ..
فجأة ...سعود في وجهه ..: أبوي ينتظرك يا وائل ... وائل "لف عليه مرتبك ..": ايه داخل ..بس "يأشر على الباب"..كلم اهلك .."ودخل بسرعة .. وهو مبسوط انه لمح على الاقل عيونها "...
دخل على عمه .... سلم وجلس ... وبعدها دخل سعود بالقطرة ... سعود : يالله تمدد خليني أقطر لك ... وائل "ابتسم ... تمدد..بدون ولا كلمه ..قطر له بعينه .. ".:..أح والله تحرق... سعود : ايه شوي بس نتايجها حلووه ... ابو سعود: سلامات يا وائل وش فيك .... وائل "وهو مغمض عيونه": الله يسلمك يا عمي بس عيوني حمرا ..وسعود يقول عنده الحل .. ابو سعود : ما ودكم تجون اليوم الشركه بالليل .. وائل"مغمض عينه" : خير يا عمي فيه شي .. ابو سعود : لا بس اذا ما عندكم شي تعالوا احضروا الاجتماع اليوم .. وائل "فتح عيونه وجلس ": الا يا عمي اذا فيه اوراق للشركة بالرياض ياليت تجهزها ...لاني رايح اليوم المغرب الرياض .. سعود : ليييه اليوم لسى الثلاثاء... ابو سعود : عندك شي بالرياض حتى وتستعجل ... وائل : لا والله يا عمي بس اختبارات سعود السبت ...وانا ما ابغى اشغله ....وكمان امي تكلمني كل يوم متى بترجع ..خلاص ماشاء الله جلست أسبوع .. سعود :اذا علشاني بتروح صدقني عادي .... وائل : معليش خلوني على راحتي ... ابو سعود :خلاص خير ان شاء الله ...بجهز لك الملفات ..وقبل ما تسافر مرني الشركة وخذها ... وائل : ان شاء الله عمي ... سعود :...يالله نقوم نتغداء الحين ولاحقين على الشركه والملفات ..... الكل قام للغداء ..............
......................................
.. في الرياض ..
بيت ابو عبدالله ...شيماء تكلم بالجوال ... شيماء "بصوت واطي ": ما اقدر يا كمال ما اقدر ... عندي اختبارات ... كمال : شيماء بدي شوفك ... حرام عليكي شو أسبوعين كتير ... شيماء : حتى اهلي ما راح يخلوني اطلع من البيت ... صعب ايش اقول ... كمال : طيب عندي فكره .... انا بطلع السطوح تبع بيتنا .. وانتي من البلكون ... شيماء : امممم ..فكره مش بطالة ....بس مو الحين خلها بالليل او العشاء ... كمال "بفرح": اووكي حبيبتي ... حاكيني بس تشوفي الوضع بيسمح ...يالله انتبهي ع حالك .. شيماء : ان شاء الله ...با اي..
............................................
وائل ..في طريقة للرياض بعد ما ودع عمه و ولد عمه .... اما عبير للاسف ما قدر يودعها حتى من تفكيره ... لان كل شي قاعد يصير مو بصالحه لا هو ولا عبير ...الأمور بينهم صارت صعبببه ... والمواضيع دخلت ببعض ... و وائل مو قادر يسوي شي ... غير انه يجلس ينتظر لعل وعسى شي يصير يغير سير حياتهم للشي اللي يتمنوه ..
....................................
احمد ..وخالد ..وعبدالله انتهوا من صلاة العشاء ..و واقفين عند كراج السيارات يتكلمون ... ....
شيماء ...طلعت للبكلونه ...ولمحت الأولاد متجمعين ...بس يعتبرون بعيدين عن فلتهم .. .... شيماء "تكلم بالجوال بصوت واطي ": كمال انا بالبلكونه انتظرك ... كمال : دقايق واكون فوق .. وطلع كمال على السطح ... اللي مساوي للبلكونه بفلة ابو عبدالله ...لان بيت ابو كمال .. دورين فقط ..وبالنسبه لفلة ابو عبدالله يعتبر صغير ... تبادلوا النظرات ... والابتسامات ...والبوساات من كمال لشيماء من بعيد ...لحد ما لفت انتباههم صوت سيارة وقفت في الكراج ... وصراخ أولاد عمها واخوها عبدالله .....
.......................
خالد ..عبدالله ..احمد ...:. هلا ا ا ا ا اا ا ..حيا ا ا ا اك الله ...من طول الغيبات .... نزل ..وائل من سيارته ..وهو مبتسم لهم ....
شيماء ..بس عرفت ان وائل رجع ..ارتبكت ..وأشرت لكمال بيدها .. بمعنى انا نازله ..باي ... كمال ... مسك جواله وكلمها بسرعه ... شيماء "وهي طالعه من البلكونه":.. نعم ... كمال : ليه رحتي بس شفتي وائل وصل .. لا يكون اشتقتي له .. شيماء : لا ما اشتقت له ...بس تضايقت لما شفته ... انت تعرف اني ما احس معاه باي مشاعر .. كمال "ارتاح": يعني انتي فعلا ما بتحبيه ...؟! شيماء : لو احبه ما كلمتك ....يالله مضطرة اقفل ...باي ... كمال : باي ... "وغير مكانه بالسطح وصار يشوف الشارع ..وركز نظرة على وائل .."...طيب يا وائل .. وهذي شيماء صارت لي .. و وريني اش راح تقدر تسوي ..
.........................................
مع رجعة وائل ..للرياض ...بكذا مضت ثلاث شهور .. من لما دخلت عبير في حياته من أول نظره .. بالرغم من ملابسها الرجالية التي تفوح منها الأنوثة ..بجميع أشكالها من تفاصيل جسديه او عطور جذابة او عيون ذات رموش آسره ... او ضحكه مع غمازات فاتنة ... لم يستطع الا ان يفكر فيها .. دخلت عقله وقلبه في وقتا واحد .... بعد شهر ستنتهي الاختبارات ...وستبدأ الإجازة الصيفية ...وستعود عبير للرياض ...عبير الغائبة الحاضرة في خيال وائل ...الذي ينتظر قدومها بفارغ الصبر .... الجزء القادم .... أحداث الإجازة الصيفية ...
موضوع: رد: رواية أنوثة خيالية بالرغم من الملابس الرجالية / كآمله الأربعاء ديسمبر 28, 2011 1:08 pm
>>>>>>>>>>>>>>>>>>>>>>>>>>>>>>>>>>>> الجزء الثالث عشر
>>>>>>>>>>>>>>>>>>>>>>>>>>>>>>>>>>>>
الصيفية أخيرا بدأت ... ورجع ابو سعود واهله للرياض ... وبمناسبة نجاح الكل و وصول ابو سعود ...قرر العم ابو وائل "محمد" انه يجمع أخوانه في بيته على العشاء ...
الكل في فلة ابو وائل .. شيماء و وفاء جالسات في المجلس مع الحريم .. نجوى وعبير في غرفة سمر ... نجوى "جالسه على سرير سمر ": يالله .. الحين كل وحده تقول ايش أحلى هدية نجاح جتها .... سمر : انا الصراحة طلبت أشياء كثيرة بس لحد الحين ما جاني الا "وتأشر على التسريحه ".. هذا العطر من خالتي ...وبسسس نجوى : ايه عجبتني ريحته ... عبير "جالسه على كرسي التسريحة": ليه وش طلبتي هدايا... سمر :هههههههه قولي ايش اللي ما طلبته ...اسمعوا "وتعدد على أصابعها".. لاب توب ..ايباد .. جوال جديد ..واهم اهم شي ابغى أسافر برا السعوديه ...مثلكم ..."وتأشر على عبير "... عبير : حلوه مثلنا هههههههه قصدك البحرين ... سمر "بزعل": ايه ... نجوى : عبير ما عليك منها ...تعالي قولي لي وانتي ايش الهدايا اللي جاتك .. عبير : بصراحه كل اللي جاني وراح يجيني ..ما يجي شي عند هديه عمر ."ورفعت حواجبها بشكل متكرر"..بس احلموا اقول لكم ايش هي ... سمر : ايش يعني تشويق هذا ...الا بتقولين غصب عنك ... نجوى : عبير قولي عادي ترى ..ما بنعلم احد ... عبير : لا ا ا ا مستحيل اقول لكم ..بس انتو قلتوا احلي هديه .. وقلت أنها اللي من عمر ... سمر : عاد عمر في الإمارات ..أكيد طلبتي شي وشويات ... نجوى : طيب هي الهدية مثلا في الطريق قد شحنها ... عبير : ههههههههههههههههههه نجوى : ليه تضحكين ...وجع ... عبير : شكلكم ما تدرون ان عمر وصل المطار وجاي بالطريق على هنا ... سمر , نجوى :.. والله ... عبير : ايه بس ما قال الا لي ولسعود اللي راح يجيبه ... نجوى : احلللى ... سمر " بس سمعت اسم سعود .. ابتسمت":.. يالله يوصلون بالسلامة ..."وكانها تذكرت شي "..بنات تعالوا اوريكم التورته هالسنه مممميييزه ... نجوى : لا يكون مثل العام بالفواكه ... عبير : انا احب اللي بالجالكسي روعه ... سمر "تأشر لهم وتفتح باب الغرفة":ألحقوني على المطبخ بسررعه ... نزلت عبير ونجوى ورى سمر على المطبخ وعلى طول على الثلاجه ...بس فتحتها سمر .... نجوى وعبير :... وا ا ا ا ا ا ا ا ا و... فضيعه ...
كانت توتتين ... بشكل مربع ... بالشوكولاته ..التورته الاولى مرسوم عليها خمس قلوب حمراء ..وكل قلب غارس فيه قلب بالشوكولاته ومكتوب عليها اسماء الناجحين ..."شيماء , نجوى , عبير , وفاء , سمر"... والتورته الثانيه اربع قلوب حمراء "خالد , احمد , عبدالله , سعود "....
عبير : جد جد شكلها مر ر ر ه ر و وعه ... نجوى : أي وقسم خيال ..يا زين اسمي بس ... سمر : فضيعه صح .. انا انهبلت عليها بس جابها وائل ... يقول انه سال عن احلي حركه لتورتة التخرج ... وانا استغربت كلمني يقول قولي لي أسماء بنات عمي اللي نجحوا ... واكد لي اللي نجحوا .. عبير " مستمتعة وهي تسمع القصة "... نجوى : اشوا اني نجحت ... والا كان طاح وجهي قدام زوج اختي ههههه... ما سال عن التقدير ..هههههههه سمر : ههههههه الا سال... عبير : والله ... وانتي قلتي له ... سمر "بلا اهتمام" : ايه قلت له ..بس للأسف ما اعرف الا تقديرك وتقدير نجوى .. اما شيماء و وفاء فتعرفين جامعه ما يقولون الصدق هههههههه.. عبير " لفت تطالع التورته وكانها تشوف وائل ": بصراحة ذوق هالتورته من جد... بس خسارة تورتة الاولاد ..مافيها اسم عمر .. سمر : ما عندنا خبر انه جاي ...يالله هو و وائل مو مكتوبه اسمائهم .. نجوى : ان شاء الله يرجعونها له في زواجه .. ويكتبون اسمه واسم شيماء على تورته معتبرة مثل هذي ... عبير "طالعت في نجوى بقهر.. وسكرت باب الثلاجة بقوه":.. ان شاء الله ...."ابتسمت".. يالله نروح نجلس مع عماتي ... نجوى , وسمر : يالله ..............
...............................
وصل سعود من المطار ومعاه عمر ...ودخلو مجلس ابو وائل ...والكل تفاجأ بعمر ...اللي حب يسويها لهم مفاجأة ....
.......... بعد العشاء جاء وقت التورته اللي الكل أعجبه شكلها وطعمها من الرجال والحريم .... وفعلا كانت مميزه ...
انتهى العشاء .. وكل واحد راح لبيته ... ما عدا الشباب وقفوا برا يتكلمون شوي مع بعض ..........
وائل : اليوم تنام عندنا يا عمر طيب .... عمر : لا يا وائل انا بنام عند خالي صالح ... سعود : ايه عمر بينام عندنا .."حط يده على كتفه".. أخويه الصغير ..ههههههههه احمد : ههههه اجل تسمح لآخوك الصغير يجي معاي في الكوفي شوب ... عمر "عصب": احمممد ... عبدالله : خذ الموضوع بروح رياضيه عمور...منت بشين تكون الأخ الأصغر هههههههه خالد : ههههههه .. انا استأذن يا شباب ... صاحي من بدري ودي أنام ... احمد : لا ا ا ا ا ا خالد... تعال معنا .... وائل : و اعذروني حتى انا ابغى أنام وراي بكرة دوام في الشركة .. عبدالله : وانا كمان ... احمد : يؤؤؤ منكم ليه كذا تخربون الطلعة... عمر : خلاص يا احمد مع اني تعبان بس جاي معاك ... احمد "زعلان": لا ايش ابغى فيك تنام في الكوفي شوب وارجعك .. شايلك على ظهري ... الكل :هههههههههههههههههههه عمر : خلاص وربي بكرة نعوضها .... "يطالع في الشباب"..اوكي شباب بكره كلنا معزومين في أي مكان يحدده احمد ... الكل : موافقين ... احمد"انبسط": ... طيب بكرة اوديكم مكان جديد ومتأكد راح يعجبكم .. ........................................
في صباح اليوم الثاني ...... بيت العم ابو عبدالله ..... شيماء : يا أمي والله ما راح اتاخر ... ام عبدالله : لا ... لوحدك لا ...خذي نجوى معاك .. شيماء : ايش اخذ نجوى تسوي معاي ..هي أصلا ما تحب رندا .. وبعدين يا امي .. بنروح للخياطه ونرجع ... ما راح نتاخر ... ام عبدالله :.ومع مين بتروحون ...؟! شيماء "ارتبكت": أ أ... يمكن ابوها او احد من إخوانها ... ام عبدالله "تطالع في بنتها بعين قويه"... شيماء : يوه يا امي لا تعقدين الموضوع .. رندا ساعدتني كثير يوم ملكتي ..."بزعل" يعني الحين يوم تطلب مني اني أروح معاها عند الخياطة أقول لا ... ام عبدالله : يا بنتي ما يصلح تروحين مع أي احد ...انتي مخطوبه ...والله عيييييييييب... شيماء "دمعت عيونها بقهر": يا ربي... ايش يعني المخطوبه ما تطلع تموت يعني بالبيت ... يعني حرام انبسط شوي واغير جو ... ام عبدالله "حزنت لبنتها": طيب ايش اقول لأبوك لو سالني عنك .. شيماء : قولي له راحت عند رندا وبس ..ماله داعي تقولين خياطه وغيره ... ام عبدالله "باستسلام" : طيب ... باخليك تروحين ..بس بشرط ما يجي الساعة عشرة الا انتي بالبيت ..فاهمه.. شيماء "بفرح": الله يخليك لي يا أحلى ام ..."وطلعت تركض لغرفتها .."...."وبسرعه أخذت الجوال كلمت رندا ..وقالت لها ان امها وافقت ... واتفقوا يروحون بعد صلاة العشاء "...
.................................بيت ابو سعود ....
عبير و عمر في الصالة ...ويتكلمون بصوت واطي ... عبير "بفرح": متى متى يا عمرر ترى وعدتني ... عمر : قلت لك بشوف الوقت المناسب ... خلاص لا تزنين... عبير : والله مو قادرة اصبر ...بس حدد وقت قول مثلا بكرة بعده ...قول تكفى عمر ... عمر : ترى أبطل هاه .. لو ما غيرتي الموضوع ... عبير : يوه طيب... بس اخر اخر سؤال يعني ممكن يكون بكره .. عمر : مدري على حسب بس خلاص وطي صوتك ... وراح أقول لك من بدري .. عبير : يسسسسسسسس... وناسه ...
دخل " سعود " عندهم ... وبعيون مشككه ... لان شكلهم ارتبك لما دخل وسكتوا فجأة ... سعود "بشك": خير وش عندكم تتكلمون بصوت واطي ولما دخلت سكتوا ... عبير "ارتبكت": ها ...أ و و ولاشي .." وقفت وابتسمت ..." ..بروح اكلم سمر ...باي ..."وهربت "... سعود "طالع في عمر ":...؟؟؟؟؟؟!!!!! عمر "وقف وشمر عن أكمامه": بروح اتوضا قربت الصلاة .... سعود "يطالع في الساعة ": ههههههه تونا صلينا المغرب ...بس يالله روح توضا واذن للعشاء قبل مؤذن المسجد .... عمر "ارتبك .. وبعدين":ههههههههه يعني انت كاشفني كاشفني ....ياخي باقي ما تعودت على وقت صلواتكم لسى مبرمج على توقيت الإمارات .... سعود "ناظره بنص عين":.. ما ودك تقول لي شي ... عمر : ها ..... ايش أقول لك ..ما عندي شي ..."وطلع وبعدين رجع "...ايه نسيت أقول لك لا تتاخر على عزيمة احمد طيب ... سعود : متى ؟! عمر : اممممم يقول لازم لازم الساعة عشرة وربع تكونوا متجمعين عند الكراج ... سعود : اها يبغانا نروح مع بعض ...اوكي .... عمر "تنفس براحه ...": الحمدلله ما سمعني انا وعبير ....
موضوع: رد: رواية أنوثة خيالية بالرغم من الملابس الرجالية / كآمله الأربعاء ديسمبر 28, 2011 1:09 pm
........................................
في فلة ابو وائل .....................
وائل "توه راجع من صلاة العشاء .. والمفتاح بيده ..وجلس بالصاله وحط رجل على رجل ... بصوت عالي ":..يماااه ... سمر ...سمر ... سمر "من أعلى الدرج ..":.. طيب ..طيب نازلين ... وائل : مو قلت لكم اجي من الصلاة ألاقيكم جاهزات ... ترى ورانا عشاء ما ابغى أتأخر عن الشباب ... الجده "طلعت من غرفتها ": وائل وش بلاك تصارخ ... وائل "ابتسم لها ...و وقف وسلم على رأسها": ياهلا والله بأمي ...اول شي مساء الخير ...ثانيا ليه ما تجين معانا السوق ... الجده : لا والله الا السوق ما ابغاه ... وائل : ما تبغين تشترين لك فستان ..هههههههه الجده "ضحكت": لا يا وليدي الفستان خليناه للمتشببات هالايام .. وائل : انتي شباب يا امي ..لا تدفنين نفسك بالحيا... ام وائل "لابسه عبايتها ونازله من الدرج ": يالله يالله يا وائل جينا جينا ... وائل "وقف .. ": يالله وين سمر ..؟! سمر "نازله ..وهي ماسكه الكعب في يد وشنطتها في يد وعبايتها مفتوحة ..والطرحة مرمية على كتفها ..ونازله ركض.": جيت جيت ... ام وائل : بسم الله عليك يا بنتي ...وش فيك متصربعه كذا ...اهدي ... سمر "تجلس على آخر الدرج تلبس الكعب": دقيقه بس البس ..دقيقه... وائل "معصب": الحين بالله كم لي من يوم رحت أصلي ...ليه ما تجهزتي ايش كنتي تسوين ... سمر : والله كله من عبير اتصلت علي وأخرتني ... وائل "يطالع في سمر .. وهديت نظراته لما قالت عبير": طيب طيب ..يالله اخلصي ...انا بالسيارة ...."لف يطلع برا وغصب عنه ابتسم .."
..................................طلعوا السيارة ..وقالت سمر لوائل على مول ..يروحون له ... وبعد تردد وافق وائل ...لأنه ما يحب المولات ...وخاصة وقت الإجازات لأنها تكون زحمه ... نزلوا المول .. وائل يمشي قدام و ورآه امه وسمر .... سمر : وائل ..وائل ..هذا المحل ..."وتأشر على محل فساتين".. وائل "لف لها": هذا ...طيب يالله ادخلوا ..وانا بروح اخذ لي كوفي من هناك .."واشر على كوفي شوب "............. ام وائل : طيب ...روح وبدق عليك اذا خلصنا ... وائل :طيب. .."وراح للكوفي شوب ."
وائل ... كان ماشي بكل هيبته ورفعة راسه .. اللي خلت بعض البنات يحاولون يلفتون انتباهه بس كانت نظراته بارده للكل .. وبلا أي اهتمام ... وصل للكوفي شوب ...وطلب كوفي ...ورجع للطاولات عشان يجلس على بال ما يخلص طلبه ....
رفع بصره على طاوله بعيده عنه شوي ..."" فتح عيوونه .. وقف .. ويطالع يمين ويسار .. ويرجع يطالع فيها يمكن تكون سراب او خيال .. بس هي قدامه ما اختفت مثل ما توقع او كان يتمنى انه وقع .... ومشى بخطوات بطيئه .. ومركز عينه على هالطاوله ...لحد ما قرب منها ... وهو مو مستوعب اللي شافها قدامه ....""
موضوع: رد: رواية أنوثة خيالية بالرغم من الملابس الرجالية / كآمله الأربعاء ديسمبر 28, 2011 1:10 pm
شيماء ...اللي كانت كاشفه وجهها وجالسه مع " كمال "..في الكوفي شوب في المول .. بس سمعت اسمها ... ورفعت عيونها تمنت ان الأرض انشقت وبلعتها ولا شافت اللي شافته ... شيماء "بخوف ..وعيونها مفتوحة ": و و وائل .. وائل "حمر عينه عليها.. بصوت رافع": ايش تسوين هنا .."ويضرب بيده على الطاولة " ..وبعد كاشفه ...تغطي بسرعة تغطي ... شيماء "تغير وجهها ومن الخوف أخذت النقاب ..وتغطت" وائل "يطالع في اللي جالسه معاه": كمال ؟!!!... يا حقير ... كمال "متفاجئ": وائل ..دقيقه بفهمك ...أختي رندا معانا بس راحت المحل الـ .... وائل "بقهر وعصبيه": اسسسكت انت ما ابغى اسمع صوتك .."لف على شيماء".. قومي معاي قو و و و و وو مي ... شيماء "تبكي": وائل .. والله رندا معانا ...وائل ..انا .... وائل "سحبها من كتفها ..ومن بين أسنانه":.. قومي معاي الحين لا اسوي شي عمرك في حياتك ما حلمتي فيه ... كمال "وقف": يا وائل بلاش فضايح ..هدي.. وائل "يطالع في كمال بنظرات قويه ومن فوق لتحت": انت لا تدخل بيني وبين خطيبتي ...... ما ابغى اسمع صوتك اسكت ... كمال "عصب": لا ما راح اسكوت ..شو بدك تعمل يعني ...شيماء اجت معي وراح ترجع معي ... وائل : قسم بالله لو ما بعدت عني يا كمال الحين لأذبحك .. سامعني .. شيماء : خلاص خلاص جايه معاك يا وائل ...بس استر علي ..استر علي ..."وتبكي ".............. وائل "يطالع في كمال بقهر": انت حسابك بعدين ...
................ مشى وائل بخطوات سريعة ... وهو ماسك يد شيماء المنهارة تبكي ..طلع من الكوفي شوب .. وحس انه لفت انتباه الناس عليهم بس ما كان يقدر يتحكم في أعصابه والمنظر اللي شافه .. ان خطيبته جالسه مع شخص غيره وكاشفه بعد .........
وائل "وقف فجأة ...تذكر أهله ... طالع في شيماء.. وبصيغة الأمر ..": اجلسي هنا ........."واشر لها على الكراسي اللي بممرات المول ...".. دقيقه وبرجع ...فاهمه ... شيماء "تهز رأسها موافقة..وجلست بسرعة "............. وائل "طلع جواله من جيبه وكلم أخته سمر ..وتلاقوا قريب من الكرسي اللي جالسه عليها شيماء .." شيماء "تطالع في وائل اللي رايح وجاي .. وشافت الحرمتين و وائل يكلمهم": يا ويلي هذي عمتي منيره وسمر ..."وضربت خدها وبكت "... انفضحتي يا شيماء ...يا ويلي ..انفضحت عند أهلي وأعمامي ...
وائل "يحاول يضبط أعصابه": أمي اسمعيني ..اطلعي انتي وسمر وخذوا تكسي ...وروحوا للبيت ... سمر"فاتحه فمها": هاه ...!!! ام وائل : وش تقول ... نروح بتكسي .... وائل "يمسح وجهه ": امي الله يسعدك مافيني حيل اشرح زيادة... خذي سمر وارجعوا البيت بالتاكسي الحين ... سمر : ليه وانت ..؟؟.واصلا باقي ما خلصنا ... وائل "بعصبيه": بعدين خلصيها ....قلت اطلعوا من المول الحين ... ام وائل : طيب طيب ... وائل : يمه اذا وصلتوا البيت كلميني ..."حاول يهدا شوي " امي لو الموضوع مو ضروري ما طلعتكم لوحدكم بالتاكسي ..بس انتي عارفه لو اطلع من المول ما دخلوني لوحدي ..عشان كذا اطلعوا انتو الحين ... سمر : طيب طيب ...بس انت بخير ...شكلك مو طبيعي ... وائل : ايه ايه انا بخير يالله اطلعوا .... ام وائل ..وسمر ... طلعوا من المول ..و وائل عين على أهله وعين على شيماء من الدور اللي فوق لحد ما تأكد ان أهله طلعوا سيارة تاكسي كانت واقفة قدام المول ..... رجع بسرعة لشيماء ..اللي كانت متجمدة على الكرسي مثل اللي ينتظر حكم الإعدام .....
وائل .... سحبها من يدها ... بدون ولا كلمه ..وطلع من المول ...وعلى مواقف السيارات .. وطلع سيارته ...وطلعت شيماء ... ومشى بسرعه .. وهو مو عارف وين رايح ....
شيماء تبكي طوال الطريق... و وائل ضاغط على شفايفه ... وبين كل دقيقه ودقيقه يضرب الدركسون بقهر .....لحد ما وقف قرب حديقة .. وقف سيارته .... وطفاها ... وهدي المكان الا من صوت بكاء شيماء ... وائل "بدون ما يطالع فيها": ..ممكن تفهميني ايش بينك وبين كمال ..؟! شيماء "تبكي بقوه"................. وائل "بصوت أعلى .": اسمعي وفري البكا .. ما راح تهز فيني شعره ..."وبضحكه سخريه".. ما هزيتيها من قبل ولا راح تهزيها الحين .. شيماء "وقف بكا .. وانقهرت منه": وليه اجل خطبتني ... وائل : لا تغيري الموضوع ... ايش بينك وبين كمال .... شيماء "بلعت ريقها": و ولاشي .. ا ا اصلا رندا كانت معانا .. وهي راحت ...امممممم... دوة المياه ...و......... وائل "ببرود": تحبيه ..؟!! شيماء "طالعت فيه وهي مفتحه عيونها ".......... وائل : جاوبي ....انتي تحبي كمال ....؟! شيماء "نزلت راسها .."........... وائل "لمح رجفة يدها": انتي تحبيه ..صح ... شيماء "مرتبكة ... وبكت "......... وائل "عض على شفايفه ": ... تكلمي فهميني انسي اني خطيبك ... " طالع فيها بكل احتقار".. لانك ما صرتي تهميني ... بس ابغى افهم ايش براسك ...تكلمي ...ليه ساكتة ... شيماء "بقهر ..": حتى انت اصلا ما تهمني ..."وبصوت أعلى"..ولا كنت تهمني اصلا ....ولو ان اهلي جبروني عليك ما وافقت عليك ...."طالعت فيه بكل تحدي"..ايه انا احب كمال وهو يحبني ...من قبل لا تخطبني ومن قبل الشوفه من لما كنا صغار ... وائل " حس انه دايخ من كلامها... يحاول يستوعب": ..طيب ليه ما قلتي لي ...ليه ما رفضتي .. شيماء : حاولت اتكلم او اوضح لك اني ما احبك بس انت ما تفهم .. ومحد فهمني ..يقولون الحب بعد الزواج...مافيه حب قبل الزواج ...
وائل "غمض عينه .. وجع راسه على ورى ...وسرح شوي "
وبعد دقايق صمت بينهم .............>>>> عمر يتصل بك ...
وائل "يطالع في جواله ... وعطاه مشغول": شيماء .. بسالك سؤال وجاوبيني بصراحة ...اعتبريني أي شخص ثاني يسألك ...لو خيروك بين وائل وكما مين تختاري ...؟! شيماء "نزلت راسها..".......... وائل "بهدوء": مييييين تختاري ...وائل والا كمال ؟..صدقيني ما راح يصير الا اللي تبغيه ... شيماء "طالعت فيه ...":..انت ما اعتبرك الا ولد عمي وبس ... وائل :يعني انتي اخترتي كمال ... شيماء : ....................
خالد >>>>>>>>>> يتصل بك .."عطاة مشغول"
وائل "سحب نفس بقوه": شوفي يا بنت العم ... مستحيل أتزوج وحده ما تحبني او على الأقل تحترمني ... وانا كنت بقول انك غلطتي او احد ضحك عليك...بس انتي اعترفتي انك تحبيه ... يعني انتي عارفه ايش قاعده تسوين ... شيماء : انا ..... وائل "قاطعها": خليني اخلص كلامي .... اذا انتي تحبينه وهو يحبك ... فانا مكاني بينكم غلط .... والحل اللي بيريح الجميع اننا ننفصل ..انتي تشوفي حياتك وانا اشوف حياتي ....
سمر >>>>>> يتصل بك ...
وائل "رد عليها": هلا سمر ...وصلتوا ...طيب كويس ... لا طلعت من المول ...انا بخير وكل شي تمام ...يالله انا مشغول الحين ...مع السلامة ....
شيماء "بخوف": وائل استر علي الله يستر عليك .... ابوس يدك لا تخبر احد ... وائل "بلا اهتمام":..انتي مهما كان بنت عمي ...وسمعتك من سمعتي وسمعة اهلي واعمامي وجدي وجدتي ... شيماء : بس انا قابلته في مكان عام و ..... وائل "قاطعها":عندك أربع أيام ... تقنعين اهلك إنهم يفسخوا خطوبتك مني ...ويكلموا جدي وأبوي ... شيماء "طالعت فيه ": كيف ما قدرت قبل ما راح اقدر ...
عمر >>>>>>> يتصل بك "عطاه مشغول"
وائل : هذا شغلك انتي .... بس بعد أربع أيام لو ما انفسخت خطوبتنا ..انا اللي راح افسخها بطريقتي ... وقتها انتي اللي بتتحملين زعل ابوي وأعمامي وكمان فضيحتك .... شيماء "بعصبيه": فضيحتي ...!!!!!!!!؟ وائل : ايه مين بيفكر يتزوج وحده ولد عمها فسخ خطوبته منها .. حتى كمال وقتها يمكن يتبخر الحب اللي بينكم ... شيماء " بقلة حيله": لا يا وائل لا تسويها تكفى ... انا مهما كان بنت عمك ..."دمعت عيونها".... وائل : و لانك بنت عمي قلت هالكلام .... خلي فسخ الخطوبة منك انتي ....بس اسمعي "وبنبرة تهديد قويه".. لو استخدمتي أسلوب وسخ في فسخ الخطبة او طلعتي علي كلام او شوهتي صورتي قدام ابوي وجدي وأعمامي ...والله والله والله ما راح اسكت وراح اطلع الأول والتالي ...والبادي اظلم .... شيماء "خافت من تهديده ".: تتوقع بيسمعون كلامي .. وائل "انتبه لخوفها ": ...مثل ما ضحكتي علي وعلى اهلك واستغفلتيهم ...ما راح تعجزي تطلعي سبب لفسخ الخطوبه ..."طالع فيها بسخريه"...صح يا بنت العم ... شيماء "هزت راسها بالموافقه ":...
عبدالله >>>>>>>>> يتصل بك
وائل "ابتسم ... وبفرح عشان يغيض شيماء": ... هلا عبدالله .. شيماء "شهقت .. وطالعت في وائل بخوف..وحطت يدها على فمها "......... وائل "يتكلم بصوت هادي ": لا موجود ... ما رديت عليهم كنت مشغول ... وينكم ... قدام الكراج "شيماء معاه لازم ما احد يشوفهم مع بعض " .... لا لا تنتظروني انا بلحقكم ...قلت لك لا احد ينتظرني كلكم روحوا وانا بلحقكم ....يالله مع السلامه ...
شيماء "طالعت في الساعه عشرة وعشر": ممكن ترجعني البيت ...مستعجله لان امي قالت الساعه عشرة لازم أكون بالبيت .. وائل "ببرود": حتى انا مستعجل ياليت بكرة تتم فسخ الخطوبه ...ابغى أروح أدور لي بنت نظيفة قلبها ابيض ..ما عمرها فكرت تخون ثقة اهلها فيها ...تحبني انا ....انا وبس خطيبها اللي مملك عليها بعقد شرعي .... شيماء "بقهر": ...آخر من افكر فيه انت ...روح تزوج ..أحد ماسكك ؟!
وائل ... لمح الدبلة اللي لبسها لشيماء يوم الملكة في يدها اليمين ... وطلب منها الدبلة ...اللي بدون تردد رمتها له ...أخذها وائل ..وضعها على راحة يده ... وقبض عليها بقوه مليئة بالقهر والخيانة ... ... تلاحقها نظرات شيماء الخايفه من ردة فعله.. لحد ما انكمشت الدبلة في يده... وبكل برود شغل السيارة ... ولمح اقرب سلة نفايات ...ورماها بلا اهتمام .... وكأنه يطوي صفحة شيماء من حياته ... ويوجه لها رسالة بان اللي بينهم انتهي ...
موضوع: رد: رواية أنوثة خيالية بالرغم من الملابس الرجالية / كآمله الأحد يناير 08, 2012 7:41 am
>>>>>>>>>>>>>>>>>>>>>>>>>>>>>>>>>>>>
الجزء الرابع عشر
>>>>>>>>>>>>>>>>>>>>>>>>>>>>>>>>>>>>
بعد ما اكتشف وائل شيماء مع كمال ... التزم الصمت بانتظار مرور الأربع أيام المهلة لشيماء بان تقنع أهلها بفسخ الخطوبة ....
من ناحية عبير كانت تخطط هي وعمر ..لشي لا احد يعلمه ... وهي هديه نجاحها من عمر ...
فلة ابو سعود ..................
ابو سعود ..ام سعود .. سعود ..عبير ...عمر ....في الصاله ... سعود : يبه رحت الشركة اليوم ؟! ابو سعود : ايه رحت .. خلصت الملفات اللي باخذها معاي للشرقية .. عبير : انت مسافر يا بابا ..؟!. ابو سعود : ايه مسافر بكره ..انا وسعود... عبير "طالعت في عمر وابتسموا".... ام سعود : مو تعب عليك يا صالح كل أسبوع وانت مسافر للشرقية ...اذا ضروري تكون متابع الشركة هناك خلينا نرجع الشرقية .. ونهاية كل أسبوع نيجي الرياض ... عبير "بزعل": لا ا ا ا يا ماما نبغى نتهنى بالصيفية هنا مع اعمامي ... عمر : أي والله تعودنا على وجدودكم بالصيف هنا ... ابو سعود "ابتسم": لا ما عليك يا ام سعود ... اقدر أتابع شغل الشركة وأنا ابعد من الرياض ... سعود : كلام ابوي صحيح.. هي بس هالفتره فيه صفقات لازم تواجده وتواقيع .. ابو سعود : ان شاء الله أسبوع أسبوعين وبعدين خلاص ... ام سعود : الله يعطيك العافيه .. ابو سعود "وقف": انا بروح عند اخوي سلطان ... ام سعود: خير وش عنده ... ابو سعود : والله ما ادري .. سعود : يبه تبغاني اجي معاك ... ابو سعود : لا لا بروح لوحدي ...يالله مع السلامه ....
ام عبدالله "تكلم من تلفون البيت بالصاله": طيب يا رندا مشكورة .."قفلت السماعة"... نجوى "نازله من الدرج وسمعت أمها ": ماما كنتي تكلمي رندا ..؟! ايش قالت ...؟ ام عبدالله "والحزن بعيونها": تقول ما صار شي بينهم وشيماء كانت عاديه مثل كل مره ... نجوى : قلت لك ما راح تتكلم ... ام عبدالله : ما فتحت الباب ...؟ نجوى "تهز راسها بمعنى لا"......... ام عبدالله "نزلت دموعها": ياربي ايش صار لبنتي ... نجوى "راحت جلست جنب امها ..وهي تبكي معاها": ماما لا تخافين عليها ...شيماء بخير ... "وحضنوا بعض وبكوا"
....دق جرس الباب ................. عبدالله "دخل الصاله وتأثر لما شاف امه ونجوى حاضنات بعض ويبكوا": لا حول ولاقوه الا بالله ...تعوذوا من الشيطان... نجوى ...! نجوى "تطالع فيه وتمسح دموعها ": نعم ... عبدالله : عمي صالح بالمجلس ... روحي جهزي القهوة ... نجوى : طيب ..."وراحت للمطبخ "....... عبدالله : يا امي صلي على النبي مافيها الا كل خير ... انتي ادعي لها وبس ... ام عبدالله : يارب يارب ...
................ في مجلس الرجال عند سلطان "ابو عبدالله "
ابو عبدالله "بحزن": والحين لها يومين وهي قافلة على نفسها الباب .. لا أكلت ولا شربت ..بس تبكي ... ابو سعود : لا حول ولا قوة الا بالله ... طيب ايش فيها ما تكلمت معاكم ..؟! ابو عبدالله : كل ما سألناها ما على لسانها الا .. ما ابغى وائل ..ابغى افسخ الخطوبه ...ومدري ايش.. ابو سعود "متفاجئ": تفسخ الخطوبة ... ليه ايش صار بينهم ...وائل زعلها والا قال لها شي ... عبدالله "دخل بالقهوه ": يا عمي وائل له أكثر من شهر ما شاف شيماء ...هو ما له دخل ... ابو عبدالله : فعلا ..وائل له فتره ما شافها ... ابو سعود : طيب ما يكلمها في التلفون ..... عبدالله "بضيق": امي تقول اخر مره كلمته لما كان في البحرين .. ابو سعود : قبل شهر ونص ... مو معقول .... طيب هي من الأول كذا والا فجأة ... ابو عبدالله : انا ما لاحظت شي اذا كلمتها وسألتها قالت اللي تشوفه .. ما عمرها اعترضت على وائل .. عبدالله : كانت احيانا ترفض مقابلاته ..او مكالماته ... ابو عبدالله : المهم عندي الحين ترجع شيماء مثل قبل ...حتى امها مو مستحمله شكلها كذا ... ابو سعود : طيب لا يكون البنت فيها عين او حسد ... ابو عبدالله : مدري مدري ...بس لو تشوفها ضعفت مرره ما تاكل وصارت تدوخ ...ويالله انها تفتح لنا الباب خمس دقايق وبعدها تصارخ وتسحب شعرها ..حتى ونطلع من الغرفة... عبدالله : المشكله كذا فجأه .. ابو سعود : طيب كلمتوا وائل ... ابو عبدالله : لا... ابو سعود : تبغوني اكلمه ...واشوف اذا صار بينهم شي .. عبدالله : انا بكلمه يا عمي ...والحين بعد ..."وطلع من البيت وهو ماسك جواله ".....
................. وائل بالشركه .....
>>>>>>>>>>> عبدالله يتصل بك ... وائل : هلا عبدالله .... عبدالله : هلا وائل ...وينك ..؟ وائل "حس ان صوته متغير": بالشركة ...خير يا عبدالله ايش فيه صوتك ... عبدالله : آ آ ه يا وائل ...شيماء ... وائل "أنفجع لا يكون سوت بنفسها شي": خير وش فيها شيماء ... عبدالله : لها يومين مقفله على نفسها بس تبكي وما تاكل .. وائل "اخذ نفس وارتاح ..": سلامتها وش فيها .... عبدالله : مدري ... وكلمتك قلت يمكن انت تدري ... صار بينكم شي تزاعلتم والا شي... وائل : لا ..وانت تدري لي فتره ما شفتها .. ليه هي قالت لكم شي ... عبدالله : بقول لك بس لا تزعل ... شيماء ما على لسانها الا تبغى تفسخ الخطوبه ... وائل "ابتسم ..غصب عنه .. منتي بسهله يا شيماء ":............. عبدالله : وائل ادري صدمتك ...بس يمكن بينكم عين او حسد .. احنا بنوديها لشيخ ... بس حبيت امهد لك يا وائل ... لان وضع شيماء اذا استمر كذا ...فراح نسوي اللي تبغاه ...أبوي وأمي حالتهم حاله من يومين ... وائل "حزن لما قال ابو وامي": الله يكتب مافيه الخير .... عبدالله : المفروض ما اتكلم معاك بهالموضوع في التلفون بس محنا قادرين نتركها لوحدها بالبيت .. والله حالتنا بالبيت ما تسر لا عدو ولا صديق... وائل "كيف لو عرفتم باللي كانت تسويه من وراكم":ايش في يدي اسوي يا عبدالله ..عشان ترتاحون .... عبدالله : مدري ..مدري انا ملخبط ...والله يا وائل انك تنشرى بالفلوس ..وانك رجال كل واحد يتمناك لأخته او بنته ...بس وضع شيماء الان مختلف.. وائل : تسلم يا عبدالله ... وحتى لو صار شي محنا حاسبين حسابه .. راح تضلوا أولاد عمي واصدقائي وشيماء راح تبقى بنت عمي ..وعلى عيني وراسي كلكم ... عبدالله "بارتياح": يالله قد ايش ريحتني يا وائل ... وائل : كل شي يجي بالغصب الا الزواج ... عبدالله : وائل ابغاك تعذرني لان فعلا حالة شيماء مره صعبه ... وائل : ولا يهمك يا عبدالله .. عبدالله : يالله انا مضطر اقفل الحين ...عمي صالح عندنا ... وائل : ليه ..؟! .. عرف عن حالة شيماء ...؟ عبدالله : ايه ابوي قال له .. بس نبهه ما يجيب سيرة لاحد حتى نشوف الوضع كيف ... وائل : خير خير ان شاء الله ... وانا بكلمك بعدين اطمن عليها .. عبدالله : اوكي يالله مع السلامه ... وائل :....مع السلامه ...."قفل الجوال... وابتسم ".. قال حسد او عين قال .هههههههههههه ... منتي بسهله يا شيماء "غصب عنه تحولت ضحكته لحزن "... الأمور تقريبا ماشيه في الطريق الصح .. وفسخ الخطوبة قرب ...
...دق باب مكتبه ..... ماجد "فتح الباب .. وبيده ملف ..ابتسم ": أستاذ وائل .. محتاج توقيعك على هذا الملف ... وائل "طالع ماجد بنظرات تدقيق .. وهو يتذكر كلام عمه ابو سعود انه خطب عبير ":... ماجد "بشك": فيه شي أستاذ وائل ...؟!! وائل "ببرود": لأ ... اترك الملف واذا خلصت مراجعته .. عطيتك خبر ... ماجد : بس انا مراجعه بنفسي .. ومتأكد منه ..و وائل "قاطعه.. وبصوت عالي ": قلت لك اترك الملف واطلع برا ... ماجد "مستغرب ": أمرك ...."وطلع وهو متضايق "........ وائل "أخذ الملف ورجع رماه على المكتب بضيق ...": الحين ليش عاملته كذا ...معقول لانه خطبها صرت اكره اتكلم معاه ... والله ما صرت اعرف انا ايش ابغى ....بس الله يفكني من شيماء وبس ... تبدي الغريب على ولد عمها ...قال ايش تحبه من صغرها ...أخ يالقهر .. وانا الغبي اللي استعجلت بالملكه ..عشان انسى عبير .. ومو مكفيتني شيماء بعد يجي هذا يخطبها ..على ايش مستعجل عبير توها خلصت الثانوي بدري عليها الزواج ....أوف ..
................................
اليوم التالي ....فلة ابو سعود .....
عبير "تدخل عند امها بالغرفه": ماما ...بابا وصل الشرقية ..؟!... ام سعود : ايه ..ابوك كان مشغول فاتصل سعود ..يقول انهم وصلوا.. عبير "بابتسامه عريضه": الحمدلله على سلامتهم... ماما وانتي متى بتروحين عند جدتي ...؟! ام سعود : والله خالك تركي اتصل يقول عندهم عشاء اليوم ويبغاني اروح لهم من عصر ...بس لانك لوحدك بالبيت بروح وقت العشاء وارجع ...الله يهديك لو تجين معاي وتريحين قلبي ... عبير : يا ماما والله ما ارتاح عند أخوالي .. وبعدين خالتي الجوهره مو فيه وهي الوحيدة اللي عندها بنات من سني ... اجلس مع مين اذا رحت .. ... ام سعود : خلاص خلاص ..لا تجين ...بس لا تنسين تقفلي الأبواب مضبوط .. وسوي عشاء لك انتي وعمر .. عبير : من عيو و و ني .. فيه شي ثاني ... ام سعود :سلامتك .."وطالعت فيها وابتسمت"... عبير "ابتمست لامها" : ... ماما وش فيك تطالعيني وتبتسمين ... ام سعود : اسمعيني يا عبير ..انتي كبرتي ماشاء الله .. وجوك خطاب .. عبير "مفتحه عيونها ":.خطاب !!!! ام سعود : ايه ..وكلموا ابوك من قبل اختباراتك حقت الثانوي ..بس أبوك اجل الموضوع .. واحتمال أي وقت يجون يطلبونك رسمي من أبوك وجدك وأعمامك ... والولد ما شاء الله سمعته حلوه .. عبير "أكيد مو وائل ...نزلت رأسها بزعل ..": مين ..؟!؟!!! ام سعود "ابتمست": هذا واحد يشتغل في شركة جدك هنا بالرياض اسمه ماجد ... قابلنا امه وخواته عند عمك محمد لما جدتك سوت عملية عينها .... عبير :مو فاكرتهم ... ما علينا .."تضيع الموضوع ..ابتسمت".... بروح أسوي لك كيك تروحي فيه لبيت اخوالي .... ام سعود : طيب يا بنتي ...بس هاه فكري بالموضوع ... عبير "وقف وطالعت في امها .. ابتسمت لها ... وطلعت ":.. يا ماما دامني ما راح اكون لوائل فما فرقت عندي أي شخص ثاني ....
موضوع: رد: رواية أنوثة خيالية بالرغم من الملابس الرجالية / كآمله الأحد يناير 08, 2012 7:43 am
..........................................
فلة ابو عبدالله ...
ابو عبدالله ..وام عبدالله ... وعبدالله ..ونجوى ....الكل واقف عند باب غرفة شيماء ....
عبدالله ..."يدق على باب الغرفة": شيماء ... شيماء ..؟! افتحي الباب يا شيماء ...ابغى أكلمك ... شيماء "من ورى الباب .. وبصوت باكي ..": ما ابغى اكلم احد ... روحوا من هناااا .. عبدالله "بحزن": يا شيماء ...انا أخوك و أوعدك ما راح يصير الا اللي تبغينه ... شيماء : ما ابغى وائل .. افسخوا الخطوبه منه ..ما ابغا ا ا ا ا اه .."ورجعت تبكي بصوت عالي "..... عبدالله : شيماء انا قلت لك وعدتك انه راح يصير اللي تبغين بس ابغى أتكلم معاك ... شيماء "بشك": احد عندك ..؟!!... عبدالله "يأشر على اهله انهم يبعدوا ": الحين مافيه الا انا افتحي .. شيماء "قربت من الباب وفتحت الباب بشويش .. وطلعت عيونها ..شافت بس عبدالله واقف ..بعدت عن الباب..وراحت لسريرها جلست عليه .."................. عبدالله "طالع فيها بنظرات حنونه .. وقرب من سريرها وجلس جنبها ":.. شيماء ..حرام عليك ليه تسوين فينا كذا ...خوفتينا عليك ... شيماء "نزلت دموعها": ... محد فاهمني ..ولا احد وده يفهمني ...لازم اسمع وانفذ وبس ..مالي رأي حتى بزواجي...تعبت تعبت ... عبدالله : يعني الموضوع كله يتعلق بوائل ... شيماء "بسرعه": ايه ....ما ابغاه ولا ابغى اسمع اسمه ....تكفى يا عبدالله تكفى "بدت تبكي بقوه"... تكفى ما ابغاه ...قول لابوي اني ما ابغاه ...اكرهه ومستحيل أتزوجه ... وابغى اليوم قبل بكرة افسخ الخطوبة ... عبدالله "حزن على شكل أخته ..": طيب ... ايش السبب ...كنتوا متفقين .. يعني ايش نقول لوائل ..او جدي او أعمامي ايش السبب .. شيماء : عبدالله انت وعدتني توقف معاي ... مافيه سبب الا اني ما احبه ... عبدالله : بس مو شرط تحبينه ..وائل رجال ونعم الرجل ... ومتأكد انك بتحبينه بعد الزواج لما تعرفينه مضبوط .... شيماء "وقفت بعصبيه ... واخذت عطر من التسريحه وكسرته بالارض .. وبصوت عالي ": يعني اقتل نفسي.. اقتل نفسي ...عشان تقتنعوا اني ما ابغاه ...ما ابغاااه "وانهارت تبكي "..ما ابغا ا ا اه ... عبدالله "أنفجع من ردة فعلها قرب منها ومسكها":..طيب طيب خلاص ... اهدي بس اهدي ...تعوذي من الشيطان ..ايش تقتلي نفسك ...بسم الله الرحمن الرحيم ... شيماء"باصرار" : الحين الحين .. تقول لي انكم بتفسخون الخطوبة .. عبدالله : ...بكلم ابوي ونشوف .و... شيماء "قاطعته ...وبصوت عالي": ..انتحر يعني انتحر ... عبدالله : خلاص خلاص اهدي ...والله مالك الا طيب الخاطر ... ابشري ...بس اهدي انتي ... شيماء "هديت":عبدالله متأكد من كلامك ... عبدالله "بملامح قاسيه": متأكد ... متأكد وانا أخوك ..كلام رجال .. اذا انتي ما تبغي وائل ..والله محد يقدر يغصبك عليه وراسي يشم الهوا ... شيماء "ابتسمت بارتياح ":الله يخليك لي ياخوي ... عبدالله "ابتسم بحزن.. وحط عينه بعينها": خلاص اعتبري موضوعك منتهي انتي و وائل .. بس اهم شي ترجعي شيماء اللي نعرفها ...فاهمه ... شيماء "ابتسمت له ..وهزت راسها بمعنى طيب"................. عبدالله "باس راسها ... وطلع من غرفتها ..وهو مقتنع بان فسخ الخطوبه هو الحل الافضل لاخته ... دامها رغبتها "... .... .............................................. فلة ابو سعود ....
عمر .. ينتظر عبير ...تنزل من غرفتها ..لانهم بيطلعون مشوار ..اللي هو هدية النجاح .... عمر "يدور بالصاله بتوتر ...وبصوت عالي ": عبير يالله .... عبير "نزلت من الدرج .. متردده ": ا انا خلصت ...ايش رأيك ...؟! عمر "فتح عيونه فيها ... وضحك ": هههههههههههه قسم مجنونه ..وربي مهو و و و ويه ... توقعتك تمزحين .....ههههههه
عبير ...كانت لابسه الثوب الرجالي اللي لبسته في المزرعة ...ولابسه الشماغ اللي بكتل ...وداقه اللطمه ...ومو واضح الا عيونها ....
عبير "بكل تحدي": لا ما امزح ... بس كيف شكلي ولد .... عمر "مو مصدق اللي يشوفه":هههههههههه العاده الأولاد يقولون كيف انا رجال ...وانت تقولين ولد هههههههههه... عبير : عمرررررر.... وش فيك بس تضحك ... عمر "جلس على الكنبة": مدري ليه اضحك ... يمكن بديت أخاف ...لما شفت الجد .... عبير ""تحطمت ...وفكت الطمه ": لا لا تقول ... عمر : يا بنت شكلك مرره حلووو بالثوب ...كأنك ولد مدلع ..ياي...هههههههه .. خايف ننكشف ... والا يقولون عمر مصاحب له ا ا اا ...هههههههه عبير "بنص عين": مصاحب له ايششش ...؟!.... عمر "بجديه": جد والله يا عبير شكلك مره ناعم ..حتى ملامح الانوثه فيك واضحة .. وخاصة في الـــ... عبير "قاطعته ..وهي تتذكر كلام وائل لها بالاصنصير لما كانوا بالبحرين":... ادري ادري ...خلاص ...اجل ليه طلبتك الجاكت تبعك .... عمر "يوقف ويأخذ الجاكت اللي كان حاطه على أول كنبه بالصالة ":.. هذا ....ترى الجو حار كيف بتستحملي ... عبير "أخذته ":.. ما عليك بتحمل ..."وغمزت له ".. عشان عين تكرم مدينه .... عمر : أي عين يا بنت الناس ...هذي فيها "ويأشر على رقبته ".. قص رقا ا ا ا اب ... عبير"طنشته .. ولبست الجاكت":.هاه ايش رأيك حلووو ... عمر "ابتسم ": هو كبير شوي عليك ...بس شمري أكمامه ويمشي الحال .."طالع فيها من فوق لتحت "..الحين صرتي ولد صدق ...هههههههههههه عبير"انبسطت":.... عمر "بخوف": ما ودك نبطل من هالمغامره ؟... مدري ليه عندي إحساس بننكشف ... عبير : لا ما ابغى ....يالله نطلع قبل لا ترجع ماما .."تمسك يد عمر وتسحبه ..."..لا تخاف ما بنطول ....يالله... عمر "باستسلام": أمرنا لله ... مشينا .... عبير "طالعه من البيت وهي في قمة الحماس والفرح": يسسسس ..ياهو و و و و و و ... عمر ......ضحك على شكلها ...بس ما كان مرتاح ابدا ......
عمر وعبير ..اتجهوا إلى الكراج ...بعد ما تأكدوا ان الشارع شبه فاضي ... بخطوات سريعة و بسرعه طلعوا سيارة عمر اللي استأجرها ... وكان عبارة عن سيارة بيك اب .....شغل السيارة و انطلق طالع من الكراج ....وبس ابتعدوا عن الفلل ....
عمر وعبير ..طالعوا في بعض : هههههههههههههههههههههههههه عمر "ماسك على بطنه": آه يا بطني ... أول مره اضحك كذا .... عبير : ههههههه كاننا حراميه ... عمر: لا بس بصراحة انتي حراميه عارضه ازياء ههههههههههه بالله عليك احد يمشي مشيتك واحنا ورانا هالمصيبه ... عبير "تضربه في راسه": اجل كيف تبغاني امشي .... عمر : لا والله بتفضحينا ... من الحين اقول لك ..لا تفكرين اني بنزلك مكان ...مثل ما وعدتك نروح عند التفحيط تشوفيهم من بعيد نرجع .. عبير : لااااا ..انت قلت ممكن نفحط ... عمر "طلع عيونه فيها": وين وين تفحطين بعدين ما قلت لك كذا ..والا لا والله أرجعك البيت ... عبير"بزعل": او وف منكم يالرجال تحبون تغيرون كلمتكم بسرعة .. عمر "ابتسم غصب عنه":.. لا عاد تقولين كذا ...بعدين احد يسمعك ويفكرك بنت ... عبير:هههههههههههه.."ثقلت صوتها"..طيب يا قدع ... عمر :ههههههههههه عز الله رحنا فيها ... قلبتي مصري...اقول شكله مافيه لا تفحيط ولا غيره ..والله معي إحساس انك بتودينا بداهية من حركاتك وصوتك .. عبير : خلاص لا تعقدها عموور ... عمر "بجديه": من الحين اقول لك لو صار شي تسمعين كلامي فاهمه وبلاش عناد ...احنا بنروح مكان كله شباب من كل الأجناس والأعمار والألوان ... يعني لو شموا "يأشر على خشمه "شوفي شموا ريحة بنت انا وانتي راح نكون في الماضي ... عبير"بخوف": لا تخوفني عااد ...انا ابغى اننبسط واغير جو .. عمر : ايه بس أنبهك .. لان أي حركه محسوبة عليك.. عبير : اووكي فهمنا ...بس قولي قربنا والا لسى .... عمر : خمس دقايق ونكون هناك ...الا ما قلتي لي ..ايش اقول لك ... عبيد مثلا ... عبير : لا وش عبيد ..قول لي ..اممممممممم ..يوسف... عمر "يطالعها بنص عين": مثل ما سماك وائل .. عبير"انحرجت":لا تجيب سيرة وائل ..تكفى لا يطلع لي الحين من تحت المقعدة ... عمر :هههههههههههه مسبب لك رعب ... عبير: جد والله لا تجيب سيرته .. وترى متحلف فيني انه يصيدني كل مره البس فيها ثوب واطلع ... عمر : الله يستر ...لا والله ما ودي يصيدك وانا اللي مطلعك ... عبير : خلاص انهي الموضوع واللي يعافيك .... عمر :عدلي لطمتك .... احنا وصلنا ...............
طلع الجد ,ابو وائل,ابو خالد , وائل , خالد ..من الشركة رايحين للبيت ...وقت العشاء .... اما ابو عبدالله وعبدالله فكانوا في البيت بسبب شيماء وحالتها ... وابو سعود وسعود في الشرقية طبعا ...
في فلة ابو وائل ...
جهزوا العشاء ... وجلسوا الكل على السفرة ... الجد : ياليتكم ناديتوا عمر يتعشاء معانا ... وائل : كلمته يا بوي بس يقول ان "ارتبك مو عارف ليه"..مع ..أ ...عـ سمر "تطالع فيه بنص عين": وشو كمل .... وائل "يكح .."............. ام وائل : بسم الله عليك وش فيك ..شرقت ... وائل "يالله قد ايش اسمك صعب انطقه قدام أهلي..": لا لا عادي شرقة بسيطه ... الجده : وشفيه عمر ؟! وائل : يا امي ..يقول عمتي بدريه راحت لاهلها ..وهو بيقعد مع اخته ... سمر : قصدك عبير ... وائل : اجل مين أخته ..شوق هنا مثلا .؟!.... سمر : لا بس مدري وش فيك ما تبغى تقول عبير ... وائل "يطالعها بنظرات قويه ..": ايش تقصدي ... سمر "خافت منه": لا لا ولا شي ... ابو وائل : وش فيكم قلبتوا الموضوع ..الله يهديك يا سمر ... سمر "بزعل": بابا انا ايش سويت ...دائما انتو مع وائل ... وائل "يطالع فيها ويطلع لسانه لها": ...احسسسسسسسسن...
>>>>>>>>>>>>>>>عمر يتصل بك
وائل : هههه ولد الحلال عند ذكره .... الجده : عمر ..؟!.. وائل : ايه ...."يرد على الجوال".. هلا عمر ...كنا بسيرتك يا شيخ ..وينك .. .. طال سكوت وائل...و وقف من على السفرة .. وتغيرت ملامحه ...وبعد عنهم... الكل : يطالع في بعض وحاسين انه فيه شي ...
وائل "بصوت واطي .. ومخنوق من اللي يسمعه": ايششششش تقول انت ... وينها الحين .... عمر "مرتبك ..": يا وائل ... اقول لك خليتها في مطعم على طريقي ... مدري وين أوديها خفت عليها .... وائل "معصب": توك تخاف عليها .... وانت وينك ... عمر : انا جالس احوس في الشوارع ان شاء الله اقدر افلت منهم ...بس أهم شي عبير لا يصير فيها شي ... وائل "بسرعة اخذ مفتاح السيارة .. واشر لأهله بسرعة عشان لا يسألونه":.. انا رايح .. اتعشى مع عمر ..مع السلامه ..."طلع من البيت وراح لسيارته ... وعمر معاه على الجوال ...".... عمر : هاه .. طلعت ... وائل "معصب": ايه طلعت ... انت وين وهي وين ...بأي شارع .. عمر : احنا .احنا ..كنا عند الفحيط اللي بالشمال ... وائل : يالله يا عمر .... من جدك انت تروح بعبير أماكن مثل كذا ..كأني فهمت الموضوع ..عبير طالعه بثوب هاه... عمر :ايه ...طالعه بثوب وشماغ ...... وائل ...السيارات ....ضيعت نصها الحمدلله ... وائل : كم سيارة وراك ... عمر :ههههههه والله مدري بس كثير ... وائل "معصب": وتضحك بعد ....والله انت وهي ما راح تسلموا مني فاهمين ...والله راح تتعاقبوا .... قول لي وين المطعم اللي نزلت عبير فيه ...ايش اسمه ... عمر : تصدق مدري بس هو مطعم ..اممممممممم... دقيقه بدق عليها ... وائل : هي جوالها معاها ؟! عمر : ايه ....بدق عليها باقول لها تدق عليك ... وائل : خلاص انا بكلمها ... عمر : تعرف رقمها ؟!!!! وائل "متضايق ما حب يجاوبه ": مع السلامة .. وائل "وقف عند الاشارة ": كم كم رقمك يا عبير ... ايوا ا ا ..."يضغط على الأرقام ..وهو يتذكرها وهي تنقله في المزرعة.. غصب عنه ابتسم"...
عبير .... في المطعم .. دخلت قسم العوائل ... ولما شافت عائله طلعت من الطاولة تبعهم جلست مكانهم بسرعة ...قبل لا يجي تبع النظافة ويشيل أكلهم ...حتى تضمن ما احد يدخل عليها .. جلست هي ترجف .. عبير "وهي تبكي": يارب سلم عمر من شرهم يارب ...كله مني انا السبب ...
>>>>>>>>>> (رقم مميز) يتصل بك
عبير "تطالع في الرقم .. مشبهه عليه":..يمكن عمر يتصل علي من جوال ثاني ..او ...برد .."فتحت الجوال .. وبصوت واطي"..الو.. وائل "دق قلبه ..وغمض عينه بقوه": عبير ...انا وائل ...انتي وينك ... عبير "بس سمعت صوته وتأكدت انه وائل ...بكت وبصوت حزين": وائل ..تكفى الحق على عمر .. مدري ايش بيسوون فيه .. وائل "تأثر من صوتها": عبير ..اهدي عمر بخير ... وهو اللي اتصل علي عشان أرجعك البيت ...بس قولي لي انتي وين بالضبط ... عبير : انا ...انا مدري ...بمطعم ... وائل : ايه ادري انك بمطعم ...طيب شوفي ما راح تلاقي منيو ..او ..او اسألي بالضبط انتي وين ..او اسم الشارع على الاقل ... عبير "كانها توها استوعبت ": ايه ايه ... دقيقه ...ايه لقيت المنيو ...خذ العنوان ..........xxxxxxxx........... وائل : طيب ..خلاص عرفته ...انتي بقسم الرجال ..؟. عبير : لاا ا ا ا...انا بقسم العوائل ... وائل : يالله انا قريب...دقايق وأكون عندك .... عبير "بارتياح": طيب...
موضوع: رد: رواية أنوثة خيالية بالرغم من الملابس الرجالية / كآمله الأحد يناير 08, 2012 7:44 am
وائل .. وصل للمطعم ودخل قسم العوائل ..بس ما لمح عبير ولا احد يشبهها ... دق عليها ..وقالت له رقم الجلسة اللي هي فيه .. دخل وائل عليها الجلسه ... وهو معصب كثير منها ومن عمر ....وكان ناوي يسمعها كلام ..عشان تتوب من اللي تسويه ... وائل "دخل عليها في الجلسة .. وجت عينه في عينها .. وراح كل الغضب اللي بداخله.. وقف لثواني يطالع فيها .. وتحول لشوق ولهفه وخوف عليها..": عبير ... انتي بخير .... عبير "فزت بسرعه ": وائل ..وين عمر .... وائل "يا ا ا ا ه قد ايش اشتقت لك يا عبير ..نفس الثوب ونفس الشماغ ..": لا تخافين عمر بخير .. عبير : ادق عليه ما يرد ليه .... وائل "ابتسم ..يطمنها": مشغول يشتت السيارات اللي وراه... عبير : كله مني .."وبكت"...توبة ...توبة أعيدها مره ثانيه .. توبه ... وائل "مبسوط انه معاها..حب يخفف عنها ويغير الموضوع لان دموعها تخليه يضعف .. .. طالع في الطاولة ." : كل هذا الأكل أكلتيه لوحدك..؟!! عبير"تمسح دموعها ": لا وين أكله .. ما طلبت ولا أكلت ... وائل "بحماس": ايش رأيك نطلب شي وناكل ... عبير : لا لا ..ما راح اقدر اكل وعمر ما سمعت صوته ... وائل "اخذ الجوال .. وكلم عمر وفتح الاسبيكر": عمر ...كلم عبير ..عشان تطمن ... عمر : هلا وائل ...طيب طيب...عبير ..ههههههههه ...دوختهم يا عبير ... عبير "قربت من وائل .. وهي تعدل لطمتها ": ايوا يا عمر .. كيفك ..ليه ما ترد على اتصالاتي .... عمر : معليش كنت مشغول ...بس انا عارف ان وائل وصل عندك عشان كذا تطمنت ... وائل "قربي أكثر يا عبير والله اشتقت لك ولريحتك ":...قربي عشان يسمعك مضبوط ... عبير "تطالع في الجوال ومو منتبه قد ايش قربت من وائل ..": طيب وينك الحين ...بترجع البيت ..والا بتتاخر .... عمر : اذا قدرت باوقف سيارتي في أي مكان وباخليكم تمروا علي ...ايش رايك يا وائل ... وائل "مو منتبه للكلام ..مركز على عبير ..يتأملها".. عبير"لما حست ان وائل ما رد عليه ..رفعت عينها .. شافت وائل يطالعها بنظرات .. ارتبكت ..وحمر وجهها من قربها منه ..بعدت": كلم عمر ..."ولفت رجعت جلست على الكرسي .. قربها من وائل ..خلتها مو قادرة توقف على رجلها ".. وائل "لاحظ ربكة عبير .. وخجلها.. عض على شفايفه ...و": يالله يا عمر ..قول لي وين بتوقف سيارتك وانا جاي عندك...."طالعت فيه عبير بسرعه"... اقصد انا وعبير "وغمز لها ".......مع السلامه ... عبير "حست ان قلبها بيطلع من صدرها من شدة دقه ... نظرات وائل وتصرفاته معاها ..مو قاجرة تستحمله ...وخاصة انهم في مكان شبه خالي لوحدهم..": خلينا نروح السيارة ... وائل "طالع فيها بتمعن ..وكانه يبغى يشبع منها ...وبعدين": اوكي يالله .... عبير "لفت تاخذ الجاكت ...ولبسته" وائل "طالع فيها وهي تلبسه": هذا جاكيتك ....؟!! عبير"مشغوله تضبط الجاكت والشماغ": ايه....... وائل : بس الجو حار ... "بخبث"..ليه تلبسيه ..خايفه احد يشوف شي.. عبير " لفت عطته ظهرها وفكت الشمااغ بشكل كامل ... ": مو خايفه من احد .. وائل "حس برغبه يسحبها ويشوف وجهها ".. عبير "لفت الشماغ.. و بسرعه "...خلصت يالله ..."..وطلعت من الجلسه ".. وائل ...تنفس بقوه ارتاح انه ما تهور ..طلع يلحقها على السيارة ...
...عبير راحت بتفتح الباب الخلفي للسيارة .... وائل : وين وين بتركبين ... عبير "بلا اهتمام": هناا ..ورا... وائل "طلع السيارة": تعالي هنا قدام... ايش بيقولوا الناس لو احد شافك ورا... خطف ولد وخاشه ورا ... عبير ".فتحت الباب وطلعت جنب وائل ..بضيق": اوف ...طفشتوني ...لا تسوين وسوي لا تسوين وسوي ...انا مالبست كذا الا عشان ارتاح من الأوامر واسوي اللي ابغاه ...."كتفت يدها ولفت تطالع في القزاز".... وائل "طالع فيها وابتسم ": بنروح ناخذ عمر ...وتقدري وقتها ترجعي ورا وهو يركب قدام ..."شغل السيارة ومشى"...
عبير........ساكته طوال الطريق... وائل .. جلوس عبير جنبه فكره بشيماء ..الي ما يدري ايش وصلت بنتيجه عند اهلها ... اليوم رابع يوم ..لازم تكون قررت يا هي تنهي الموضوع يا انا انهي الموضوع ...مستحيل أتزوجها وهي تحب غيري....آه من الحب .."وغصب عنه طالع في عبير"...
عبير : خير ...ليش تطالع .... وائل : اوف اوف زعلانه ...لا لا ما اقدر على زعلك انا ... عبير "حمر وجهها": لا تكلمني بهالطريقه ...ما اسمح لك ... وائل : اقول عبير ... ممكن اسالك سؤال ... عبير"بصوت عالي": وائل ترى تعبت اليوم بما فيه الكفايه ... ريحني من الاسئله ..وشوف عمر وينه .... وائل "تضايق انها ردته ..": طيب بس لا تصارخين انا مو سواق عندك وعند عمر .... عبير "تأشر بعيد ..ولا شعوريا حطت يدها على يد وائل اللي ماسك الدركسون ".. شوفه شوفه هناك وقف وقف ...."طايرة من الفرح .." وائل "ارتبك من مسكتها ليده ... اللي ما فكته": طيب طيب شفته ...
...وقف وائل ... جنب عمراللي كان واقف على الرصيف ...و بسرعه طلع ورا ... عمر : حرك حرك ..بسرعه .............. عبير"لفت تطالع في عمر": الحمدلله انت بخير عموري... عمر "قرب بينهم في النص ...ولمح يد عبير على يد وائل..":..الله يسلمك بس ... وائل "لمح عين عمر على يدهم من المرايه ... وقاطعه": عبير خلاص ترى شفنا عمر ووقفنا وركب وانتي لسى ماسكه يدي ... عبير"فكت يدها بسرعه... وباحراج": وي وي اسفه .... عمر "ضربها في رسها": وي وي هاه ...والله لاوريك لو عدتيها مره ثانيه ...فاهمه .... عبير:أأأأأأي .. عورتاني ...انا ايش سويت ... عمر "يدخل يده تحت شماغها ويسحب شعرها": ولا كلمه ولا كلمه فاهمه...رفعتي ضغطي ... عبير "دمعت عيونها":آآآآآآآآآي ... وائل "مو قادر يتحمل ضرب عمر لها... بصوت حازم وعالي ": ..ما اسمح لك تضربها فاهم ......... عمر "طالع فيه ":وخير مين انت عشان ما تسمح لي ... عبير"صدمها رد وائل .. مسحت دموعها وركزت فيه".. وائل "حس انه تورط ..فحب يرقعها": هههههههه انا بس اضربها ...مو قلت لك يا عمر راح اعاقبكم انتو الاثنين ... عمر "ارتاح .. ورجع يتكي ظهره": وربي اني مو مصدق اننا بخير... وائل : ترى لحد الحين ما قلتوا لي ايش الموضوع ...ايش صار لكم في التفحيط ... عمر : معقول يوسف ما قال لك هههههههههه.... عبير"طالعت في وائل ..منحرجه": لا ما قلت له شي... وائل "يوسف ...هذا انا اللي مسميها يوسف بالمزرعه ..يا قلبي يا عبير ".: والله لا يوسف ولا عبير قالت لي ..........هههههه....... عمر : هذا يا طويل العمر ...قلت لها بنروح نشوف التفحيط ... ووصيت عليها ما تتكلم ولا تطلع ... صوتها انت عارف شبهه ما يجي جنب صوت الرجاجيل شي. .. وائل "أي والله صوتها يدوخ": كمل .... عمر : وقفنا في مكان قريب شوي من التفحيط .. ونزلت انا ورحت اتكي على باب السيارة من عند عبير ... طبعا هي فتحت القزاز وطلعت راسها وتتفرج ... بس بدا التفحيط ... وبدات عبير الصراخ من هنا ..."يقلدها بطريقه مضحكه"..يؤ ؤ ؤ ؤ ؤ ...يمممما ا ا ا ا اه... عمرعمرعمر ..بيصدمون يا ويللللللللللي ....شوف شوف كيف يسوي ..بيطيح بيطيح ....يا ويلي ويلاا ا ا اه .. وائل "مو قادر يمسك نفسه انفجر ضحك":ههههههههههههههه عبير "لفت تطالع في عمر": وجع وش هالصوت معاك ...والله صوتي أحلى من كذا ... وائل : معنى كذا انهم سمعوها ... عمر : يو و وه ..أكيد سمعوها ...قريبين مره والشباب فوق بعض من الزحمه ...الكل لف ..يطالع مكان الصوت ...وبداو يقربون مني ... عبير :هههههههههههههههه عاد لو شفت عمر وقتها ...بسرعه لف وطلع وسكر القزاز ...ويفحط ويضرب بواري حتى وبعدوا الشباب من قدامه ...وبسرر ر ر ر رعه .. وائل "عجبه وصف عبير": اوف لها الدرجه ... عمر : وحسيت انه بيصيدوني بيصيدوني ...فقلت انزلها أي مكان تهرب منهم او تاكسي ...بس لقيت المطعم ونزلتها فيه بسرعه ...ورحت أتوهم في الشوارع... وائل "يطالع في عبير ": هاه عجبك التفحيط ... عبير "سرحت في عيون وائل ..": كثير ...عجبني كثير... وائل "رجع شعره على ورى .. وابتسم": شفتي كيف اني صدتك للمره الثالثة ...هههههه عبير "بضحكه تدوخ":ههههههههه... عمر "لفت انتباهه نظرات وائل وعبير لبعض ...فجلس يراقبهم " وائل "فديت الضحكه انا ...يارب صبر قلبي":..أول مره المزرعة وبعدين سوبر ماركت والحين تفحيط...اشوفك كل مالك تجربين الأصعب ... المره الجايه قولي لي وين راح تكوني ... عبير: هههههههههههه .. عمر : راح تكون في السجن ...بس عاد الله اعلم سجن رجالي والا نسائي.... وائل , عبير :هههههههههههههه عبير : لا خلاص ...ما عاد فيه تجربه ... اللي صار اليوم كفايه .. احس اني كنت بكابوس ... لحد ما شفت وائل ... عمر "بزعل": ايه انا كابوس .. و وائل ملاك الإنقاذ... وائل "بفرح": ايه ملاك غصب عنك ....ههههههههه عبير "انحرجت": لا مو قصدي يا عمر ...بس جد كنت لوحدي خايفه وافكر فيك... بس ارتحت لما شفت وائل .. عمر"قرب بينهم .. وصار راسه موازي لراسهم قدام ...لف على عبير ": أشوف الاخت مستانسه هنا قدام وسواليف مع ولد عمها ... عبير "بعصبيه": عمر لا تبدأ.... عمر : بس بس قال لا تبدا قال .... ابلعي لسانك وما ابغى اسمع صوتك ..."ولف على وائل".. وقف على جنب عشان عبير ترجع ورا ... وائل : خلاص ياخي قربنا من البيت ... وبعدين وش فيك قلبت فجأة .. عمر : لا والله ما بتجلس جنبك .. عبير : عمر خلاص ... عمر : لا مو خلاص ..تراه مو محرم لك... يعني يقدر من بكرة يتزوجك ...وتصيرين حلال له ... عبير "انحرجت": مهبول انت ... وائل "جنب السيارة .. وبفرح": والله اقدر اتزوجها بكره ... عبير"حمر وجهها بس سمعت كلامه و بسرعه فتحت الباب.. ورجعت ركبت ورا .." عمر " طلع جنب وائل" :....لا تتريق ترى اتكلم جد ...اشوفكم اخذتوا راحتكم بالكلام ... وائل : لا تبالغ يا عمر ......"طالع في المرايه يشوف عبير".... تحبوا اخذ لكم عشاء..؟!! عبير "متكيه راسها على القزاز ومسرحه":......... عمر: ايه وقف هنا عند الشاورما ..."نزل عمر.."..........
وائل "بتردد": عبير ... انتي متاكده ان هذي اخر مره تلبسي فيها هالثوب ... عبير "بصوت قريب من الهمس": مدري ... وائل : عبير ..انتي ..."اخذ له نفس بقوه".. شوفي بقول لك شي ..وأتمنى ما تفهميني غلط ... عبير"بلا اهتمام": قول .... وائل : انتي .... انتي..."ضحك بحرج"... والله مدري كيف اقولك .."شاف عمر راجع للسيارة ..".. برسلها لك مسج ... طيب ... عبير"هزت راسها موافقه .." عمر"طلع السيارة": وهذا العشاء ..جبته ...ترى حسبت حسابك يا وائل ... وائل : ليه ماله داعي انا تعشيت...على العموم مشكور
........... وصلوا البيت ....و وائل وقف قريب من فلة عمه صالح ...عشان عبير تدخل بسرعه .. ولحقها عمر ...اما وائل فرجع يركن سيارته في الكراج ... ومسك جواله وكتب رساله لعبير وارسلها .. "تم ارسال الرساله.. و وصل له تقرير باستلامها... ابتسم"...تكي بيده على القزاز ..ميل راسه .. ومدخل اصابعه بين شعره ... ويطالع الجوال ويدعي ان عبير ترد عليه ....
عبير ... دخلت البيت وطلعت بسرعه لغرفتها .. سمعت صوت رنه مسج ..فتحت المسج وكانت من الرقم المميز ...
>..عبير ...انتي بنت جميله ... لك عيون ذباحه .. وصوت يدوخ .. وجسم جدا جدا مثالي .. وحركاتك ناعمه... هذا كله ما راح تقدري تغطيه بثوب رجالي وشماغ .. انتي انثى بكل ما تحمله الكلمه من معنى ... وانتي مثال للبنت اللي يحلم بها أي شاب ...اهتمي بنفسك ولا تعرضي هالجمال للذئاب ..بسبب حبك للمغامره .. اتمنى ربي يحقق اللي ببالي ...موفقه يا بنت الشرقيه ...<
عبير"حمر وجهها ..": ياربي هذا وش يقول ... "ورجعت تقراها مره ثانيه"... آه يا قلبي حرام عليك يا وائل ...والله عذبتني ..كل ما اقول بنساك شهامتك واخلاقك وذوقك تشدني لك أكثر ... بس خسارة احنا مو لبعض ولا راح نصير لبعض ... "رجعت تقرا اخر شي من المسج "... يقول يارب يحقق اللي بباله ..!!! طيب انا وش دخلني فيه هو وشيماء ...لا يكون بس حس اني أحبه ..ياربي.... "بحيره"...ارد عليه والا لا ....امممممم برد .. حرام ..اللي سواه معاي اليوم انا وعمر ما راح انساه طول عمري... "كتبت له مسج ... ورمت جوالها ..وراحت تاخذ لها دوش ..وتغير ملابسها "....
وائل ... بس سمع رنة المسج ... قفز بسرعه يفتح الجوال ..حتى انه تلخبط وهو يكتب الرقم السري كذا مره ..من فرحته ...فتح المسج اخيرا ...
>.. وائل ..اللي سويته لنا اليوم جميل راح اذكره لك طول عمري...كلامك وصلني ... وخلاص بطلت مغامرات عن قناعه.. الله يوفقك مع شيماء ..ويوفقني مع اللي اهلي وافقوا عليه ..<
وائل ..."رمى الجوال بالمقعده اللي جنبه "::.أخ بس ...فهمت كلامي غلط ...تفكرني اتمنى قرب شيماء ...والله ما اتمنى الا قربك وحبك يا عبير ...."قبض يده بقوه وضربها على الدركسون" .. ماجد أخ بس ..وربي ودي اذبحك ... آه ...ليه كذا ...ليه كل مالك تبعدين عني يا عبير ...وحبك يكبر بقلبي ....
الحارس ... لما شاف وائل تاخر في السيارة ...راح لعنده ... بكر "يدق قزاز سيارة وائل ":.. مستر مستر ...فيه موشكيله.؟! وائل "طالع فيه بفزع ..وفتح القزاز": لا لا بكر روح ...انا كويس.. بكر "ياشر له على فلتهم ": هدا بابا كبير هناك ... يسال انت وين .. وائل "فتح باب السيارة وطالع شاف جده ينتظرة عند بوابتهم.. وبصوت عالي ": جاي جاي يابوي .....
الجد ...انتظر وائل ..لحد ما سكر سيارته ..و قرب منه ....وهو يطالعه بخوف ... الجد : يا ولدي وينك جدتك مو راضيه تنام حتى تطمن على عمر ...ما اشوفه معاك ... وائل "ماسك كيس الشاورما": شوف اخذنا عشاء ودخل هو عند عبير ..."ارتبك"... عند عمي صالح في بيتهم هو واخته ... الجد : خلاص بروح اشوفه بنفسي ...خليه يجي جدته تشوفه تعبتني تقول امه دقت تسال عنه و وصتها عليه... وائل : خلاص ادخل يا جدي وانا بدق عليه يجي تشوفونه ...وبعدين الله يهديكم ترى عمر مو بزر .... الجد : عاد قول لجدتك لا تقول لي هالكلام ...
....دخلو البيت ... و وائل دق على عمر يجي يشوف جده وجدته ... اللي جاهم على طول ... وتطمنوا عليه ....ورجع عند عبير ...اللي كانت زعلانه منه ....
عمر "دخل البيت راجع من بيت ابو وائل ": الله الله تتعشين طيب انتظريني .... عبير "ما عطته وجه تاكل الشاورما وهي ساكته"......... عمر"يمزح معاها" : يا ليتك جيتي معانا انا وصديقي يوسف يا صار لنا مغامره ..ولا في افلام الاكشن ...هههههههههه عبير :............................ عمر "بجديه": عبير انتي زعلانه مني ...؟!... والله اسف مو قصدي..بس تدرين اللي صار فيها رقاب تعرفين ايش يعني ... وانتي تدرين كم عدد السيارات اللي كانت تطاردني ...تراها فوق العشر سيارات اذا ما كان اكثر ...يعني فعلا الموضوع ماكان لعب ..والله لو مسكوك ...بتروحين فيها ...والا يختطفونك او توصل اكبر من كذا ....فمعليش كنت بوضع لا احسد عليه ...لانه لو صار لك شي مسؤوليتي ...لازم تعذريني لما عصبت عليك ... عبير"بزعل": طيب ليه تضربني وتسحب شعري قدام وائل ..؟!!! عمر : الله وكبر ....الحين ما زعلك بالموضوع كله الا هذا ...ليه تستحين لها الدرجه من وائل .. عبير "ارتبكت": لا بس وش بيقول عني بزر ...؟! عمر "بنص عين": يهمك رأيه فيك ...؟!.... انتي تحبينه ...؟! عبير"مصدومه ": ..عمر ايش هالكلام .... ترى وائل مخطوب .. عمر :ههههههههه قصدك خاطب .... عبير : ايه خاطب ...شيمووه ... عمر "بشك": وش رايك في شيماء ..؟ عبير: ترفع الضغط ..بصراحه ..وبنت مدري كيف دفشه ...النعومه بجهه وهي بجهه.. عمر "ركز في عبير": يعني اللي افكر فيه صح ... نظراتك لوائل نظرة إعجاب ....عيني بعينك ... عبير "بعصبيه": عمر .. ..."جت بتقوم ...وسحبها عمر يجلسها".. عمر : ماني تاركك حتى تقولي ...انت تحبيه صح ...طيب قولي لي عادي ...طيب هو يحبك والا يحب شيماء .. عبير "مفتحه عيونها": هييييي هييييييي ... وش عرفني عنه اذا يحب شيماء والا لا ...اتركني ابغى اطلع انام ...واذا جت ماما لا تقول لها شي فاهم .............. عمر "وهو يطالع فيها وهي تطلع الدرج":... والله يا نظراتكم لبعض ...نظرة عشاق .."وبتحدي".والا انا ما افهم ....
موضوع: رد: رواية أنوثة خيالية بالرغم من الملابس الرجالية / كآمله الأحد يناير 08, 2012 7:44 am
.................................................
اليوم التالي ...........
... بعد وصول ابو سعود وسعود من الشرقيه ... ابو عبدالله كلم ابوه واخوانه بدون الشباب ما عدا وائل طبعا ... انهم يجتمعوا عنده بالبيت بعد صلاة المغرب ...
الكل في بيت ابو عبدالله ...
بعد ما وزع عبدالله التمر ... وقام معاه وائل يصب القهوه ...جلسوا جنب بعض ..... وائل "يطالع في عبدالله يبغى يعرف ايش صار.. وبصوت واطي": ايش الاخبار..؟! ... عبدالله "وجهه كان متغير ومو قادر يحط عينه بعين وائل .. نزل راسه وهز راسه": مافيه جديد ....
ابو عبدالله "وجه متغير": يا يبه حبيت اجمعك انت واخواني و وائل ... بسبب موضوع بنتي شيماء... الجد : خير وش فيها شيماء ... ابو عبدالله "بحزن": لها ثلاث ايام او اكثر ما تاكل وبس تبكي وقافله على نفسها الغرفه ....وما على لسانها الا انها تبغى تفسخ خطبتها من وائل ....... الجد ..ابو وائل .. وابو خالد ..: متفاجئين ...ويطالعون في وائل ... اللي نزل راسه مو قادر يشوف نظراتهم له .. ابو عبدالله : والله وديناها لشيخ ..ويقول يمكن حسد او عين صار بينهم ...و..."وطالع في ابو سعود".. ابو سعود "حس ان اخوه مو قادر يتكلم": ...فعلا اخوي سلطان كلمني من يومين يقول انها تعبانه ...وانا حاولت اكملها بنفسي البنت مره متضايقه ...وما تطلب الا فسخ الخطوبه ... ابو وائل "وجهه تغير": انتو جابرينها من أول ياسلطان ... ابو عبدالله : لا ما جبرتها كل شي سويته شاورتها فيه ...بس الله اعلم وش صار لها ... ابو خالد "يطالع في وائل": .. انت زعلتها والا قلت لها شي ...؟!!! وائل "رفع عينه بصعوبه .. وهو يطالع في وجيه اعمامه المتضايقه ": لا ...ولي فتره ما تكلمني ولا ترد على اتصالاتي ... عبدالله : وائل ماله دخل ...البنت هي اللي ما تبغى تتزوج الحين ..لا من وائل ولا من غيره .... وائل "لا تصدق يا عبدالله هي تحب كمال وتتمنى تتزوجه اليوم قبل بكره ... بس يالله قد ايش صعب هالموقف ..." ابو عبدالله "يطالع في ابو وائل": والله يا محمد ولدك ينشرى بالفلوس .. وانه نعم الرجل ... بس هذي حكمة ربك ... ابو وائل : والله مدري ياخوي ..."طالع في وائل" الموضوع الحين في يد وائل .. وانا والله زعلت عليهم لاني فعلا ودي بشيماء لوائل ...بس ..اذا البنت ما تبغاه ...عاد ..الشكوى لله .. وائل "حس ان الجو متكهرب والكل متضايق وزعلان ..وخاصة انه له دور في فسخ الخطوبه ..وقف وبكل ثقه ورفع راسه ..": اذا الموضوع صار بيدي مثل ما يقول ابوي ... فانا اقول دام شيماء ما تبغى نكمل مع بعض ...فصعب نتم الزواج ومافيه تفاهم ولا حب بيننا ... مهما صار بيننا راح تضل انت عمي وفي مقام ابوي ..وشيماء اختي بمكانة سمر... وعبدالله ولد عمي واخوي وصديقي ... والزواج قسمه نصيب ... والله يوفقها مع واحد يسعدها ويقدرها ..."وبخطوات سريعه لعند عمه سلطان ...باس راسه ".. ابو عبدالله "متاثر": الله يسعدك يا ولدي ...وانت بعد الله يرزقك باحسن من شيماء ... وائل "ابتسم له": مشكور يا عمي ... والله يوفق الجميع ... "ورجع وائل لعبدالله ..اللي حضنوا بعض بقوه "..... عبدالله : الله يريحك يا وائل ...مثل ما ريحتنا ... وائل : الحمدلله على كل حال ... "في قلبه ...انتهينا يا شيماء .."
الجد ..ابو وائل .. وابو سعود ..وابو خالد ... ماكان بيدهم بعد ما شافوا تصرف وائل اللي كبر في نظرهم الا انهم يدعون لشيماء بالزواج اللي يسعدها ...ويرزق وائل بالزوجه اللي يتمناها ....
موضوع: رد: رواية أنوثة خيالية بالرغم من الملابس الرجالية / كآمله الأحد يناير 08, 2012 7:46 am
<<<<<<<<<<<<<<<<<<<<<<<<<<<<<<<<<<<< الجزء الخامس عشر
<<<<<<<<<<<<<<<<<<<<<<<<<<<<<<<<<<<
انتشر خبر فسخ خطوبة وائل وشيماء بين الكل ... اللي تفاجئوا كثير .. وخاصة ان ملكتهم ما صار لها ثلاث شهور ....اكثر شخصين تأثروا من الموضوع "عبدالله "و"سعود".... لانهم خايفين يكون مصيرهم مثل مصير وائل ....
...........فلة ابو سعود .......
مجتمعين على قهوة المغرب ...بوجود عمر .. ابو سعود "يطالع في عبير": وين دلوعة ابوها ما صرت اشوفها ...من لما جاء عمر وانتي استغنيتي عنا ... عبير : لا والله يا بابا ما فيه احد يقدر ياخذني منك ... بس مشغولة مع التقديم في الجامعات عن طريق النت ... عمر : شفت يا خالي الجامعه هي اللي مشغوله فيها مو انا ... سعود"بزعل": الله لنا ...لو نغيب أسبوعين محد سال عنا .... ابو سعود "مبتسم ":انت بالذات يا سعود ما نسيت موضوعك انت وسمر .. كنت باخطبها لك مثل ما وعدتك واسويها لك مفاجأه ... بس موضوع وائل هو اللي أخرنا شوي ... عمر "متفاجئ": أحلللللى ...بتخطب يابو صالح ...حركااات ..هههههه سعود "انحرج": يبه الله يهديك ..لا تتكلم قدام الكل ...راعي مشاعري شوي ... الكل :ههههههههههههههههههههههه ام سعود : ليه يا سعود والله اتمنى عرسك اليوم قبل بكره .... سعود"بجديه": معليش أخروا الخطوبة شوي ... ابو سعود : ناخرها لمتى يعني ...؟؟...لبعد العيد ...؟!!! سعود "وقف": مو مستعد الحين يابوي ...الله يخليك خلني على راحتي ....وقت ما اتأكد راح اكلمك ... مع السلامه انا طالع مع وائل ..."طلع من البيت"
ابو سعود : وش يقول الولد يتاكد من ايش ...؟؟! عمر : من مشاعره يمكن ...هههههههه ابو سعود : يا هذا الجيل اللي مو راضي يفهم ان مافيه حب الا بعد الزواج ...."وطالع في عبير"... عبير "فهمت نظرات ابوها ... وقفت ": بطلع غرفتي ...."وطلعت تركض لغرفتها "................. عمر "أنحرج قاعده بينهم لوحده": طيب اتساذن انا بروح عند احمد ..ولا تنتظروني للعشاء ....مع السلامه ......
ابو سعود : انتي كلمتي عبير عن ماجد .... ام سعود : ايه كلمتها ... ابو سعود : وايش كان ردها ...!!! ام سعود : ما علقت على الموضوع ... قالت انها ما تتذكر امه واخواته ...وبس.. ابو سعود :ترى كلمني على أساس يجون بكرة بس راح اقول لهم الاسبوع الجاي .... ام سعود : خير ان شاء الله ............
................................
شيماء .. رجعت لطبيعتها .. والكل فرح عشانها ...وما يحاولون يجيبون سيرة وائل قدامها ابدا ....عشان لا ترجع تنتكس ... عبدالله ..حس انه مخنوق له اكثر من اسبوع وهو يفكر في "وفاء".. خايف لا تكون غيرت رأيها فيه ...واكثر وحده راح تساعده في هالموضوع هي شيماء ...بعد تردد .. قرر يروح لغرفتها ...
شيماء : ادخل .... عبدالله "فتح باب الغرفه": فاضيه اتكلم معاك شوي ... شيماء: فاضيه .......تعال .... عبدالله "جلس على كرسي التسريحه": شيماء ... انا تعبان لي اسبوع بس افكر في وفاء ... تكفين يا شيماء ..طمنيني هي تبغاني .. يعني تحسين انها معجبه فيني مثلا .."حط يده على راسه"..والله راسي بيتفجر ... شيماء "حست ان سبب خوف اخوها ..من فسخ خطوبتها..ابتسمت له":..تطمن وفاء وافقت عليك بقناعه .... عبدالله "ناظرها بشك"......... شيماء : اشوفك مو مصدقني .."أخذت جوالها ...ودقت على وفاء وحطته على الاسبيكر .."... عبدالله "توقع انها طنشته ...بس شافها تاخذ الجوال ...وقف بيطلع من الغرفه بزعل..بس تجمد لما سمع ...."... شيماء : الو.. وفاء ....."ابتسمت لما شافت عبدالله لف وهو مطلع عيونه ..ورجع جلس مكانه يسمع المكالمه ..".........كيفك يا وفاء .. وفاء : بخير الحمدلله ...كيفك انتي ...معليش يا شيماء والله كل يوم اقول بجيك بس اعذريني ما فضيت ... شيماء : مو مشكله يا وفاء ...بعذرك ...مو انتي زوجة اخوي ... وفاء :هههههه يا زينها من فمك .... عبدالله " وقف قلبه ..وحط يده على قلبه.."... شيماء "ضحكت على شكل عبدالله": ههههههه المهم ..وفاء ..اللي بينك وبين عبدالله خطوبه رسميه.... يعني ان شاء الله تتم الملكه قريب .. صح... عبدالله "يطالع في أخته مو فاهم وش تقول".. وفاء "باستغراب ": صح ... ايش الجديد يعني ...شيماء فيه شي .. شيماء : ايه فيه شي ... وفاء: خير... ترى قلبي وقف... عبدالله "يدق شيماء وياشر لها ...بمعنى وش فيك "... شيماء "طنشت عبدالله":وفاء ....عبدالله يحبك ..وانتي اعرف انك تحبينه .... فياليت تقولوا لبعض هالكلام وتسمعون بعض ..عشان ترتاحوا ...لان اللي صار بيننا انا و وائل المفروض يكون درس للكل ... عبدالله "ياشر لها لا "... وفاء "تغير صوتها" : شيماء ..قولي لي عبدالله غير رايه ...؟! شيماء: وفاء عبدالله هنا جنبي .. تكلموا مع بعض ...."رمت الجوال بشكل سريع في حضن عبدالله .. وطلعت من الغرفه"... وفاء : شيماء ...شيماء ... لا مستحيل اكلمه ...شيماء... عبدالله "مرتبك .. اخذ الجوال ..وحوله على السماعة... وبصوت مرتجف":. و و وفاء .... وفاء "مرتبكه":هلا... عبدالله "اخذ نفس ":... وفاء اسمعني انا ابغى منك كلمه وحده بس ... انتي موافقه تتزوجيني ...؟! وفاء :...................... عبدالله : وفاء الله يخليك ...لي اسبوع وانا بس افكر فيك .. اللي صار لشيماء خوفني .. ما ودي تكوني مجبورة علي ...انا ابغى اتزوجك وانتي تحبيني مثل ما انا احبك ... "تغير صوته بشكل واضح " ..تكفين يا وفاء ريحيني.... وفاء " تأثرت.. بكلامه ":... انا وافقت عليك وانا مقتنعه ..وبعد ما استخرت كذا مره ...محد جبرني على شي ... عبدالله " براحه": الله يطمن قلبك يا حياتي .... قد ايش كلامك ريحني ...وفاء انا احبك والله احبك من زمان وبعد الشوفه حبيتك اكثر...الله يخليك لي ...الظاهر بعد ما سمعت هالصوت .. بتهور واكلم ابوي عن ملكتنا مافيني اصبر اكثر.... وفاء "انحرجت .... جت بنقفل الجوال بس حست مو حلوه تسكر في وجهه بدون ما تقول شي ..سكتت تفكر ..وبعدين" :....مع السلامه... عبدالله "طالع في الجوال ..واستوعب انها سكرت ": ههههههههههه "اخذ نفس.. وباتسامه عريضه.."... الحين الواحد يقدر يعيش مرتاح ...متى اشوفك يا وفاء اشتقت لك ...........
.................................
وائل .. وسعود ... في الكوفي شوب ... سعود "يطالع في وائل .. وهو يشرب الكبتشينو". وائل "ابتسم": وش فيك تطالع فيني ... سعود"باحراج": هههه لا ولا شي ... وائل : تبغى تشوف انا مبسوط والا لا ...انا بقول لك ..."اعتدل في جلسته"...انا متاكد كل شي صار لي مع شيماء خير ...لاني استخرت ربي اكثر من مره ... سعود : ليه ما كنت تحبها ..؟! وائل : مافيه شي اسمه حب يا سعود ... سعود "بنص عين":... طيب وعبير ..؟! وائل "ارتبك .. وكان بيطيح كوب الكبتشينو من يده ": أ ..أ. .ايش تقول انت ... سعود"ابتسم": انا اسف اني قلت اسمها كذا فجأة لك...بس انت مره غلطت وقلت اسمها بدون ما تحس ... وائل "مقطب حواجبه .. وقاطعه": متى ...؟!... سعود : لما جيت الشرقيه اخر مره .... لا تزعل سرك في بير..ما راح اعلم احد ... بس قولي هي وينها الحين من حياتك ... وائل "يفرك جبهته .. بتوتر": .. باقي بعيده ...وبعيده كثير... سعود: تكلمها ...والا انقطعت علاقتكم ... وائل "مو قادر يحط عينه بعين سعود": غير الموضوع يا سعود تكفى ... سعود : اسف .. وائل "حاول يكون طبيعي ": مافيه داعي تعتذر ..ما صار شي .. اشرب اشرب قهوتك .... .............................
بعد اسبوع .. في فلة ابو سعود...
عبير... نازله من الدرج تركض.. وسمر وراها ...واتجهوا لمجلس الحريم ...اللي كان عندهم جدتها وجدها .. عبير"بفرح": باركوا لي.... باركوا لي ....قبلوني في الكلية ... ام سعود "فرحت .. ووقف تطالع في بنتها":.. صدق يا عبير ... سمر : أي والله يا عمتي تو جاها رساله على جوالها وايميلها ... الجد , الجده : مبروووك ...الف الف مبروك يا عبير ... عبير "سلمت على امها ..وجدها وجدتها": الله يبارك فيكم .... الجد : يعني خلاص اكيد اكيد ..والا لازم تروحي الشرقيه ... عبير "جلست جنب جدها ": لا لازم اروح اقدم اوراقي .. سمر : والمقابله الشخصيه ... الجده : أي الله يعينكم ..وانتي يا سمر متى بتبشرينا ... سمر : ادعي لي يا جده ... ام سعود : ان شاء الله يا سمر بكرة او بعده يجيك الموافقه ...نسبتك مره حلوه .. سمر : انتي الحلوه يا عمتي ... الله يسعدك رفعتي معنوياتي ... عبير "كانها تذكرت شي": سمر تعالي ....يالله استاذن انا وسمر بنروح لغرفتي .... الجده : روحوا يا بناتي ...بس لا تتاخرين يا سمر شوي ونرجع البيت ... سمر : طيب يا جده ..."وطلعت مع عبير لغرفتها "...
ام سعود : منتو طالعين يا امي انتي وابوي حتى يجي ولدكم صالح ...وبتتعشون عندنا ...والا صالح والله بيزعل منكم .. الجد : وينه صالح ... ام سعود : راح يسال عن ماجد واهله ... الجد : والله عبير ما تستاهل تطلع برا العائله ...كان ما عندنا اولاد.. الجده : والله لو يسمع كلامي وائل ..ما ياخذ الا هي ... ام سعود : الله يكتب مافيه الخير ....
.....................
عبير "متردده": امممممممم .. شوفي يا سمر ... سمر"مركزه فيها ...": قولي ...وش فيك ههههههههههههه لك ساعه شوفي واسمعي ..... عبير: انا ايش دراني غشيمه في هالمواضيع بس باقول لك من الاخر ... سعود يحبك ويبغى يخطبك ....وسالني اذا انتي تحبينه ؟! هاه .. قولي لي تجبينه والا لا ... سمر "فتحت عيونها ..وبلعت ريقها ": انتي ما عمرك سمعتي بالمقدمات ...بتمهيد الموضوع ...كذا خبط لصق ...يمممممه منك... عبير :هههههههههه انا ايش عرفني .. سعود يقول جسي نبضها ايش شعورها من ناحيتي ... سمر : والله كلامه احسن من كلامك .."وتقلدها"... يحبك انتي تحبينه ...ماالت ..الله يخلف على اللي بتتزوجينه.... عبير: ما عليك في اللي بتزوجه بس انتي قولي لي ...وش رايك ... سمر "نزلت راسها ... وابتسمت":... عادي... عبير: وشو عادي .... سمر "تضربها على راسها ": ...يا بنت استحي ... عبير : قولي ...طيب ما فهمت ...ايه والا لا .... سمر : اخنقها هالبنت والا ايش ....قلت لك خلاص طيب عاادي ..افهميها ... عبير "فتحت فمها": هاه ............. سمر "بعصبيه": يعني .. سعود ولد تتمناه أي بنت .... عبير : ايه هذا اخوي ادري ...بس انتي .. انتي قولي لي تحبينه ..؟! سمر "عضت على شفايفها": اذبحك انتي الحين ..والا كيف... عبير : هههههههههههههههههههههههههههههههههههههه سمر "حمر وجهها": اوريك يا عبير ..والله يجي لك يوم واردها.... عبير :هههههههههههههههههههههه
............................................
عمر واحمد ... يتمشون على الرصيف قريب من بيتهم......... عمر : خلاص قدمت هناك بالامارات وكل شي تمام ...وانت ايش اخبار البعثه ... احمد : لسى مافيه جديد ...بس قدر ابوي يتابع موضوعي وعرف ان اسمي ضمن المرشحين .. وقريب ان شاء الله تيجي الموافقه .. عمر : بالتوفيق يا احمد ... قرار دراستك برا الصراحه قرار حلو .. واختيارك للطب قرار جري .. احمد :اكيد اختيار جري والا ما كان ضيعت سنه من حياتي وعدت ثالث ثانوي ... و الكل عارض بالبدايه ..لان ابوي واعمامي يبغونا نطلع تجار مثلهم ..بس الحمدلله خالد وقف معاي ...واقنع ابوي .. .... عمر : الله يعين .... احمد : عمر بسال سؤال وابغاك تجاوبني بصراحه.. عمر : اسأل .... احمد "بتردد":.. انت .. انت قد فكرت باحد من بنات عمي ... عمر "يحاول يفهم":.. قد فكرت ....كيف يعني ... احمد "بصوت اعلى": يعني انت قد حبيت ..؟! عمر :هههههههه ... اها ..فكرت يعني حبيت ...من بنات عمك ..اللي هما بنات اخوالي .."وبلا اهتمام"..طبعا ...لا ... احمد"تضايق من رده": وليه تقولها كذا ... طبعا لا ...مو قد المقام والا ايش ...!! عمر : لا ا ا ا .. وين رحت انت ...بس اقصد اني اعتبرهم كلهم مثل خواتي ... تعرف كل بيت من بيوت خيلاني قد جلست عندهم فترات طويله ...وخاصة اني كنت وحيد امي قبل ما تيجي شوق اللي فارق العمر بيننا حوالي 8 سنوات ..فكانت امي تقول لي بنات اخوالك كلهم خواتك .....فما عمري فكرت فيهم كـ كـ كزوجات.. ههههههه احمد "ارتاح": هههههههههه عمر :وبعدين تعال هنا ...انا لو حبيت اكيد بحب وحده من سني او اصغر ..فنستبعد عبير لانها اختي ...بقيت سمر ونجوى ...بس سمر انخطبت فترة لياسر ولد جيرانهم ..ما تكلمت ...في هالحاله .."يطالع فيه بنص عين"... مابقي الا نجوى ... بصراحه مناسبة هي اصغر مني بسنه ...واصغر منك بسنتين .... احمد "حط يده على قفاه ..وباحراج": والله ولا محلل رياضي ... وين الجزيرة عنك ... عمر :هههههههههه .."بجديه"..تحب نجوى ...؟! احمد : مدري بس انبسط اذا سمعت اختي وفاء تسولف عن حركاتها ...واذا شفتها او تذكرتها ابتسم غصب عني ... والله احيانا اكون متاضيق ...واتذكر بعض المواقف معاها ... اضحك ويتغير مزاجي .. عمر"زفر بنعومه": يا عيني على الحب .... احمد " ضربة على كتفه ": لا تتريق ... عمر :أأأأي هههههههههه... والله انك طايح ومحدش سمى عليك ... توكل على الله وروح كلم ابوك يخطبها لك ..ترى البنت حدها ثالث ثانوي ويجوها الخطاب من كل مكان ..وانت ولد عمها ...وأولى فيها ... احمد : هذا الشي اللي مخوفني ... دراستي برا راح تخليني ابعد عنها واخاف تروح مني .. عشان كذا افكر في اني اقول لابوي خطبه بس ..والزواج بعد ما تخرج ...ان شاء الله ... عمر : الله يوفقك يا احمد .... احمد : الجميع ان شاء الله ...
...............................
رواية أنوثة خيالية بالرغم من الملابس الرجالية / كآمله
