هو اسمه حلى المارس والمالتيز ..
بس انا بسميه حلى كريمه البسكووت بالمارس ههههه
لانه لززييز لعشااق البسكوت ..
طبق سويت حده ولازم معاه قهووه ..
يستحق التجربه ..

المقآدير :

الطبقه الاولى :
كيك امريكآنآ جاهز مفتت سوآء ( شوكلت او فنيليا ) ..

الطبقه الثانيه :
- 4 كريم كراميل
- 2 دريم ويب
- 4 قشطه
- 12 حبه كيري
- باكيت بسكوت مطحون

الطبقه الثالثه :
- 4 مارس
- 1 قشطه
- 1 كريم كراميل

الطريقه :

- اول شئ نجيب قالب الجيز كيك وانا استخدمت الدائري ..
- الكيك المفتت نضغط عليه عدل بالقاعده الجيز كيك ..
- عقب بخلاط الكاس نخلط مقادير الطبقه الثانيه واخر شئ نضيف البسكون ونخلطه بالملعقه لان ماراح ينخلط بالخلاط لانه بتكون كريمه البسكوت ثقيله ..
- ونحطه فووق طبقه الكيك ونحطه في الثلاجه يبرد
- وبعدين نسوي الطبقه الاخيره نذوب المارس والقشطه ولما ينخلطون ويذبون عدل نضيف الكريم كراميل ونخلط بسرعه ونصبه فوق الكريمه
- ونخليه يبرد عدل 5 ساعات ع الاقل عشان يجمد

ويزين بالمالتيز ..
انا هالمره مازينه ..

وهالطبق لذيذ وهاي تجربتي 2 له ..
اول مره جربت بالشوكلت , وهالمره بالفنيليا
وبالحالتين لزييييز ..


دمتم بود ~