سلامي لك يالي حبيتك وخليتني بعشقك ولهانه
سلامي لك يالي خليتني أحبك ومقدر انساك
سلامي لأول منتدى طرى على بالي
اليوم جايبه لكم قصه صارت معي انا واختي ريم اللي هي القلب المنفطر وصديقتي سمر اللي هي احجية الزمن
وهم موجودين معانا في المنتدى
الملاحظه الاولى : سمر هي صديقتي وصديقة ريم يعني حنا الثلاث صديقات
الملاحظه الثانيه: انا اسمي شوق واختي اسمها ريم وصديقتي اسمها سمر (للتوضيح)
وهذي مغامره من مغامراتنا اللي ماراح ننساها طووول حياتنا الله يخيلنا لبعض
في يوم من الايام قررنا انا وريم وسمر نروح (سيتي ماكس) عشان نشتري جزمات الله يكرمكم حق المدرسه
اتفقنا نروح تقريبن بعد الاذان واللي راح يوصلنا سواق سمر
المهم انا وريم تجهزنا وكشخنا و ست الحسن والجمال ارسلت لنا السواق
وركبنا مع السواق ومرينا على سمر وتوجهنا لـ(سيتي ماكس)
وحنا داخل السياره جالسين ورا
انا جالسه جنب الباب اللي على اليمين وريم جالسه في الوسط وسمر جالسه جنب الباب اللي على اليسار
سمر: ترا ماراح نطول بس نشتري الجزمات ونطلع
انا: ليش؟؟
سمر: عشان ابوي قالي ما اتأخر في السوق وامي وخواتي يبون السواق
ريم (تبي تنرفز سمر): ابي اروح اشتري آيسكريم من بااااسكن روبنز
سمر (عصبت):وش باسكن انتي ووجهك انا اقولك مانبي نتأخر واانتي تقولي لي باسكن
انا وريم:ههههههههههههههههههههههههههههههههههه
ريم تبي تقهر سمر بزياده: يلا نبي نروح باسكن
سمر (وهي منقههره): شوق امسكيني الحين قبل لا اطق اختك واتوطى ببطنها
انا وريم:هههههههههههااااااااااااااي
انا (ابي انرفز سمر بزياده): خلينا نروح باااسكن تكفين نبي نروووووح
سمر (منقهره بقوووه وهي تناظر في ريم وتكلمها):اوووووووف قولي حق اختك تسكت لاادوس ببطنها والله انكم تقهروا
بعد ضحك وهبال وصلنا سيتي ماكس ونزلنا من السياره وسمر قالت حق السواق ينتظر لين مانخلص
المهم نزلنا سيتي ماكس وانا وريم نناظر في المكان وكل وحده فاتحه فمها وودنا ناخذ كل الملابس الموجوده<<<ياحبي للموضه
وسمر تمشي وهي تسرع كأن احد يركض وراها ههههههههه
المهم وصلنا مكان الجزمات (وانتو بكرامه) وكل وحده تناظر وتختار ووش اللي يعجبها
بعد دقايق لقينا جزمات جناااان عجبونا وقلنا خلاص راح ناخذهم وسمر المسكينه
انا وريم جالسين نحرق في دمها ونقول لها نبي نشتري الملابس عاجبتنا
سمر: خلنا نركب الطابق الثاني عشان نشوف الشنط اللي موجوده فوووق ولانبي نتأخر
انا وريم:اوكي
انا: ايووه فوق في اشياء حلووووه..... بروح اشتري
سمر:وجععع انا قلت مانبي نتأخر
انا:ههههههههه....وقطع علي ضحكتي جوالي يرن طلعت جوالي وكان الرقم غريب
انا:الو
المتصل: هلا اخباااارك كيفك؟؟؟
انا (ماميزت الصوت الا بعد دقايق وكان المتصل اخت سمر):هلااااا تمام الحمدلله
اخت سمر: امممم موجوده سمر؟؟
انا:ايوه موجوده
انا (عطيت الجوال الى سمر): خذي اختك تبي تكلمك
سمر اخذت جوالي وكلمت اختها وخلصت وعطتني الجوال
سمر: اختي تقول امي وخواتي بياخذون السواق ولا راح يتأخرون
انا وريم بنتشقق من الفرح :ونااااااااسه
ريم: ونااااسه يعني يمدي نشتري لنا ملابس
انا على طووووووووووول توجهت لقسم الملابس
وبعد الهبااال والضحك والمصخره والوناااسه
خلصنا اشترينا الاشياء اللي نبيها وخلصنا محاسبه وقلنا بندق على السواق يجي يوصلنا
سمر:شوق دقي على السواق قولي له يجي لنا
انا: اوكي
ومن الدلاخه الزااااايده تذكرت ان جوالي مافيه رصيد وسمر وريم ما اخذوا جوالاتهم معاهم
انا:يوووووو جواالي مافيه رصيد
سمر:يووو كيف نتصل الحين؟؟
ريم: بسيطه نروح البقاله نشحن
انا: وش بقاله انتي ووجهك هذي المنطقه مافيها بقالات
سمر:هههههههه غبيه الحين كيف نتصل؟؟
ريم: اممممم نروح أي مكان ونشوف اذا عندهم تلفون ونقول لهم نبي نستخدم التلفون
مـــــــــــــــــلاحظه: ريم تخاااااااف من الرجال مدري ليه مع ان مافي رجال اساء لها او مسها بضر
سمر: لا مستحيل.....استحي
انا: ههههههه والله وحطينا نفسنا في موقف محرج وش نسوي الحين؟؟؟
ملاحظه: المنطقه اللي حنا موجودين فيها ما كان جنبها بقالات
واول مانطلع من سيتي ماكس نلاقي قدامنا شارع تمر فيه سيارات سريعه
يعني مستحيل احد يخاطر ويمر على هذا الشارع لأن اكيييد راح تصدمه سياره
ريم (مستانسه): وناااسه الحين بنسوي مغامره
سمر: هههههه غبيه والله انك فاضيه الحين وش نسوي؟؟؟
كان جنب سيتي ماكس مكتبه وقررنا ندخل المكتبه ونسأل الرجال وين اقرب بقاله
داخــــل المـــكتــبه
سمر: لو سمحت وين اقرب بقاله موجوده في هذي المنطقه؟؟؟
الرجال:ما اتوقع موجود بقالات هنا
الرجال الثاني: اممم في بقاله موجوده بس بعيده
سمر: اهااا مافي بطاقة شحن؟؟<<<ههههههه وين جالسين حنا بقاااله خخخ
انا من زود دلاخة سمر كنت شوي وبفطس من الضحك
انا وسمر وريم توكلنا على الله
سمر: خلاص بنمشي ليييين نلاقي بقاله اوكي
انا: لا ياشيخه ما ابي امشي
سمر: بتمشي غصب عنك ماعندنا غير هذا الحل واذا مامشيتي براحتك خلك تخيسين في الحر
ريم: الساعه كم؟؟؟
انا: الحين السااعه 9 وربع
ريم: حرااام نمشي في الشارع في هذا الوقت اخاف يصير لنا شي
سمر: لاماراح يصير شي انشالله
انا: اوكي توكلنا على الله
انا وريم وسمر مشينا واحنا نمشي كنا نسولف ونضحك
ومرينا على منطقه فيها مطاعم<< ( شارع القدس ).....بس كانت الساعه 9 باليل وماكان في المنطقه ناس كثير
وكان في سياره فيها رجال هنود وريم تناظرهم وشوي وبيفقع قلبها من الخوف
ريم (ودها تبيكي):يووووو شوفو الهنود يناظرونا اكيد بيسوون فينا شي يممماااا
انا: وش بيسوون فينا شي انتي ووجهك يعني لما شفتي هنود خفتي
سمر: يوووو ريم ماتوقعتك جبااانه
ريم (عن جد كانت بتبكي): خلاااااااص ابي ارجع يمممه خااايفه او ندخل مطعم ونتصل
وفي هذي اللحظه زاااد خوف ريم لما الهنود نزلوا من السياااره.....للعلم ان الهنود كانوا متجهين جنب المطاعم
ريم (تبكي ودموعها بعينها ):يمممه ابي ارجع ابي ارجع خلاص رجعوني
سمر: يوووو ماهقيتك جبااانه كذا والله ماتوقعتك خوااااافه
ريم تبكي
انا: امسكي ريم لايغمى عليها ونتورط فيها
سمر مسكت ريم لايغمى عليها ونروح في ستين داهيه
سمر: ريم يا الجباااانه والله انك جبانه ماتوقعت انك جبانه لهذي الدرجه
والله راح اعايرك وطول الوقت بقولك يا الجبانه
سمر(تأشر): شوفوا هناك في بقاله ومحلات جوالات
البقاله اللي كانت تأشر عليها سمر كانت بعيد شوي يعني لازم نعبر الشاارع السريع
عشان نوصل للبقاله ومستحيل السيارات يوقفون وكل وحده اسرع من الثانيه
انا: واللي يرحم امك مستحيل اعبر... هذا الشارع ياما ناس ماتوا عشانهم كانوا يحاولون يعبرونه
وريم مالها لاحول ولاقوه كانت تبكي
بعد ماتشاورنا وكل وحده كانت تشجع الثانيه واللي تدعي.... قررنا نعبر الشارع ونتوكل على الله وهذي الصورة الي قدرة القطها وطبعا لازم تضغطو على الرابط
--
[ندعوك للتسجيل في المنتدى أو التعريف بنفسك لمعاينة هذا الرابط]والحين كمل
انا وسمر وريم كل وحده ماسكه يد الثانيه وخااايفيييين
والحمدلله رب العاااالمين ماصار لنا شي ووصلنا قريب من البقاله
والمشكله اللي ماتوقعناها
البقاله كانت فيها هنوود وجنبها شبااااااب جالسين يسولفون وريم تخاف من الشباب
انا (انقهرت): اووووف وش هالورطه
سمر:امممم في مكان جوالات اكيد عندهم شحن
دخلنا محل الجوالات وقال الرجال ماعنده وهذا اللي ماتوقعناه..
بعد دقايق رن جوالي وكان المتصل واحد فاااضي وسمر كانت منقهره اخذت الجوال من يدي
سمر:الو
المتصل: هلاوالله
سمر(بقهههر): خييير وش تبغى؟
المتصل: ابي اتعرف
سمر: عرفك بليس على نار جهنم... والله انك فاضي جاي تدق لنا هالوقت حنا مو فاضيين لك يا الكلب
وانا ودي انسدح على الارض من الضحك على كلام سمر
المتصل قفل في وجه سمر الظاهر اخونا تفشل من كلامها......المهم
.توكلنا على الله ودخلنا للبقاله واشترينا بطاقه الشحن ودقيت على السواق وقلت له يجي يوصلنا
انا وسمر وريم قررنا نرجع لـ(سيتي ماكس) وفي الطريق وحنا نمشي
ريم كانت تمشي قدامنا ومطنشه سمر ولاتكلمها عشان سمر قالت لريم يا الجبانه
سمر (تمشي ورا ريم ): رييييم.....ريم
ريم جاحده سمر
سمر: شوق شوفي اختك والله تقهر وفوق هذا حسااااسه انا ماسويت لها شي
انا: والله مدري عنها اهي دايم كذا حساسه
سمر(توجهت جنب ريم): ريم ليكون انتي زعلانه مني؟؟
ريم سااااكته<<<الاخت صارت ماتتكلم خخخ
سمر: ليش ساكته وش سويت انا؟
ريم (بصريخ ممزوج ببكاء ): خلاص ماتسكتي انتي؟؟
وطول الطريق سمر تمشي جنبي وريم تمشي قدامنا وساكته
سمر (وحنا نمشي): شوق ليكون اختك خلاص مابتكلمني؟؟
انا: مدري
سمر: يعني خلاص بتهاوشني مثل ماهوشت حوارء؟؟
ملاحظه: حوراء كانت من اعز صديقاتنا انا وريم بس صارت بيننا مشاكل وريم ماسامحت حوراء
وللحين ماتكلمها ولا تجيب طاريها
وبعد مادخلنا سيتي ماكس كانت سمر عن جد خايفه ان ريم تهاوشها ولا تكلمها مثل ماصار مع حوراء
وبعد هواش وكلاااام طويييل ريم وسمر تصالحوا ورجعت المياه الى مجاريها
والحمدلله رجعنا البيت بسلاااااامه
طبعن انا رجعت البيت دخلت على الماسنجر وقلت الى بنت خالي السااااالفه كلها وبنت خالي فطست من الضحك
المهم احس اني طولت عليكم كثير
والحين ابي اشوف ردودكم يااحلوين
تحيــــــــــــآآآآآآآتي ..
