عالم فيزياء ( نيوتن ) : اييه نعم ياطويل العمر معك نيوتن ملك الجاذبية
الطالب : جاذبيه تجذبك لجهنم قل آمين .. الحين انت يا التيس رجال جالس تحت شجرة طاحت عليك تفاحه ورى ماتاكلها وتحمد ربك وتسكت وتريح العالم .. جالس تقولي التفاحة ماطاحت فوق ليش ... أنت مجنون مجنون أنت .. وبعدين طاحت عليك التفاحة خلاص طلع قانون واحد وريحنا مسوي قلق لنا ياخي ومطلع كتاب كامل الحين لعنبو بليسك أنت ماعندك عيال ماتفكر بالأجيال القادمة الأجيال القادمة تعقدت منك ..!
نيوتن : ............ ( يعني ساكت هع )
الطالب : عطني عطني عالم الرياضيات الي جمبك .
عالم الرياضيات : مساك الله بالخير ياطويل العمر اخبـارك ؟
الطالب : الحين انتم فهموني انتم خبلان ولا شنو الحين الطلاسم الي حاطينها لنا ( جا - جتا - ظا - ظتا ) قلة الحيا هذي وش وش فايدتها هذي .. مسويلي مثلثات ومدري ويش الله يزيلكم انتم ومثلثاتكم ياخي خافو ربكم والله عيب عيب
ياخي انتم تكبرون السالفة وهي قصيره الرياضيات خلاص جمع طرح قسمة ضرب وخلاص وش قله الحياء هذي .. عطني عالمكم الكبير فيثاغورس > أما في جتا _جا صدق عقدوناااااا
فيثاغورس : هلا والله ياطويل العمر
الطالب : هلا فيك الحين أنت فتحت علينا باب جديد ماضنيت انه بينصك يوم انك تحط قانونك حق المثلث قائم الزاويه ما فكرت انك راح تكون مضخرة
فيثاغورس : هذا العلم طال عمرك العلم ..!
الطالب : .. هذا علم ..! هذا مضخرة
أنا أقول وراك مسوي فيها ذيب وجالس لي تكتشف
فيثاغورس : عشان طال عمرك نشغل مخنا
الطالب : شغلو عليك منشار ينشرك بلا .. ياخي وش دخلك في الناس يشغلون مخهم يطفونه يفصلونه أنت ويش عليك أنت شغل مخك وبس ولا عليك من الناس والله العظيم جالس لي تبربر اهني ولا تدري وش السالفة عطني عالم الكيمياء الي جمبك
عالم الكيمياء : هلا والله طال عمرك
الطالب : لاهلا ولا مسهلا ابسألك سؤال لو سمحت .. أنت حمار.. ؟
عالم الكيمياء : لا وش دعوى طال عمرك
الطالب : إلا حمار.. الحين أنت وش هاللقافة الي فيك مخليتك تشوف الذرة وش مكوناتها ومدري ويش .. احد شاكي لك ولا شي ياخي خل كل شي مكانه ياخي .. عطني عالمكم رذرفورد عطنياه
رذرفورد : هلا والله
الطالب : ياخي أنت مريض ياخي خل الناس في حالها جالس تفتش الذره وش مكوناتها وش عليك من الذرة ياخي أنت بس تكتشف وحنا الي ناكلها ياخي حرام عليك .
رذرفورد : بس ياطويل العمر ...
الطالب : لاطويل عمر ولا قصير عمر لايكثروعطني عالم النحو الي عندك سيبويه عطنيه
سيبويه : أهلا وسهلا بك عزيزي
الطالب : ألحين انت يوم تسوي فيها ذئبا وضرغاما وتجي تقولي وش الي ينصب المضارع وش الي يجزمه ومدري ويش لماذا هاه أخبرني لماذا هل سندخل الجنه وان عرفنا اين المضارع وأين الماضي اجبني يافتى؟
سيبويه : لا طبعا ياطالب
الطالب : اجل مره ثانيه حاسب نفسك ولا تسوي فيها ذيب
الطالب : لاماتربيتو لو إنكم متربين كان ماسويتو الي تسوونه .. الحين انتم جالسين فاضين وكل واحد يشر للثاني هاه ابوفلان نكتشف شي جديد يالله قدام .. وحنا الي ناكلها يا...... .
مقدم البرنامج : ياطويل العمر أنت فاهم الموضوع غلط حنا راح نوضح لك ..
