موضوع: رد: رواية انا الشموخ وما رضيت البهاذيل كسرت خشم الناس من قو ذاتي للكاتبة : ظميانه عشقهy الثلاثاء أبريل 02, 2013 12:23 pm
روايتي الاولى بها من الواقع الكثير....ومن الخيال القليل....روايه انثى نادرة جدا...انثى لم يفهمها الكثير....ضحيه ضعف والدتها....وجبروت والدها....واعاقه اخيها....وبرود شقيقتها....فأصبحت هي الأمان لعائله كامله....علاقه نادره تربطها بأخيها....وحب جبار كشخصيتها الجباره....ضحت بنفسها من أجل هذا السند الذي كسره الزمان...جَميلَۂ جدا....فقد أخذت من والدتها ملامحها الافلاطونيه.....وأخذت من والدها شخصيته الجبارة....لتصبح امرأه لاتقاااااااااااااااوم....فلأترككم مع روايتي....لعل وعسى تحوز على اعجابكم......فلاتبخلوا بأرائكم.....
موضوع: رد: رواية انا الشموخ وما رضيت البهاذيل كسرت خشم الناس من قو ذاتي للكاتبة : ظميانه عشقهy الثلاثاء أبريل 02, 2013 12:25 pm
((1))
صحيت من النوم...وأحس الصداع بيذبحني....ناظرت لساعه جوالي وشفتها سبع الصبح...فزيت بسرعه وأنا أتخبط بالظلام...لحد مابطلت النور....وشفت غرفتي اللي تقريبا كل شيء متكسر فيها....كأن صاير فيها حرب....تنهدت بضيق من طبعي الخايس...بس اعصب اكسر كل شيء تمسكه يديني....أخذت روبي ودخلت أخذلي شور سريع وأنا أتحسب على عدو ريم....انها ماصحتني....حسيت بالماي الحار يحرق جسمي....وسالت دموعي تحت الماي بقوة....تذكرت هيجاني البارحه...وضربات الكل على بابي يترجوني افتح الباب...وسلطان وهو يناديني...وانهرت بكل ضعف ودموعي سالت بغزاره.....بكل سهوله يبوني أقابله...ولا كأن شيء صاير....."ناصر الناصر"....أكره رجل بقاموس حياتي....أبوي الغايب الحاظر....جاي بعد 19سنه...اللي هي عمري كله....يبغى يشوفنا بكل سهوله.....طلق أمي وطلقنا معاها....ولا كأننا عياله....ناصر الناصر هامور عود....اسم لا أنذكر بالسوق....التجار تتراجف....أشهر من نار على علم....كان على معرفه بجدي وخطب أمي.....اللي كانوا من عايله متوسطه رغم انهم شبعانين....بس عند عايله الناصر مايطلعون شيء....تزوج أمي وعمرها 18 سنه...وهو تقريبا بنهايه العشرين....ناصر كان طبعه حار....وعصبي من الطراز الأول....وأمي كانت صغيره وطيبه وحبته بجنون.... باختصار امي من النوع السلبي لأبعد الحدود....وهذا من أكبر أسباب المشاكل بيني وبينها.....المهم سمحتله يتمادى عليها....صار كل ماعصب مايلقى متنفس له ولغضبه الا جسم أمي....وامي بطيبة قلبها....وضعفها كانت تسامحه....من تشوفه جايها اليوم الثاني ندمان...مما خلاه يتمادى معاها....ولأنه كان متأكد ان جدي(أبو امي) راح يوقف معاه....حتى لو كان غلطان....وهي طبعا كانت تدري ان ابوها مستحيل راح يوقف معاها اذا لجأتله....لانه باختصار كان يقدس شيء اسمه ناصر....ومن رياجيل قبل....الطلاق من المحرمات....ولو زوجك يذبحك عُاَدّيَےّ.....وشحال لو كان هالرجال ناصر....وتمر الأيام.... وتحمل أمي بأختي"ريم"....ورغم ان ناصر خفف الضرب شوي....بس كان يضربها احيانا....وبعدها بسنه حملت بفرحه دنيتي "سلطان"....وحذرهم الطبيب من حمال أمي....كان صعب وجسم أمي ضعيف كثير ومايتحمل.......ونفسيتها المعدومه طبعا..... فرح أبوي بحمالها....وكان يتمنى ان أمي تجيب له الولد اللي طول عمره يتمناه....بس بفترة حمال أمي....كان ناصر يواجه ضغوط بشغله.....كان عنده عداوة مع تاجر عود...كان يضربه بالسوق....وخسر أكثر من مناقصه....وكلفته خساير كبيره....وكان يرجع للبيت....ويفرغ كل مافيه بأمي....وتأزمت حاله أمي صحيا ونفسيا....لحد ماوصلت لنهايه الثامن....وضربها أبوي الضربه القاضيه....ولما شافها أغمى عليها.... والنزيف القوي اللي جاها....طار فيها للمستشفى....وأدى ضربه لها لولاده قيصريه مبكره.....وحياه أمي اللي راحت بغيبوبه الله أعلم متى تصحى منها؟.....بعد مانجت بقدرة قادر من الموت"بسم لله عليها..."....وانولد سلطان....سلطان اللي كان ينطره ناصر بفارق الصبر....بس حاله أمي...وسلطان اللي كان ميؤس من حالته....والضرر الكبير اللي متعرض له....هدمت ناصر....وانهار تماما....وبعدها بشهر ونص....صحت أمي من الغيبوبه....ونجى سلطان....بس الخبر اللي صدم الكل....وخلا أمي وناصر ينهارون....ان سلطان راح يلازمه تخلف عقلي....أمي هنا لامت ناصر....وجاها انهيار حاد .....تعذر منها ناصر مره ومرتين.... بس هي خلاص كرهته....ولجأت لأبوها بعد ماكرهت العيشه مع ناصر....بس كالعاده ردها ذليله....لأن المره عنده عيب تتطلق....حاول خالي فهد بأبوه....بس جدي معند....وناصر عنده ملاك مايخطي ....ردت وهي منذله....موطايقه العيشه معاه....رغم انه تغير 180درجه بس عقب شنو؟.....كانت تبلع الغصه....كل ماتشوف سلطان....وحاله غير عن هالناس....وبعد سنتين توفى جدي....وراحت امي لبيت خوالي....وطلبت الطلاق....هنا ثار ناصر....حاول وحاول....بس أمي كانت رافضه حتى تقابله....تدِرِيےُ. بضعفها اذا شافته.....من تشوفه يبتسم لها....وعيونه تناظرها ندمانه....تنسى الدنيا ومافيها....ووكلت خالي فهد....اللي كان مايطيق ناصر....ناصر رفض رفضا قاطعا حتى النقاش بموضوع الطلاق....جاء أكثر من مرة وحاول يقابل أمي بس خالي رفض....وهذا خلاه ينجن....وخالي فهد رفع عليه قضيه....وكانت القضيه شبه ربحانه..... خاصه مع تقارير الضرب المبرح اللي أمي متعرضتله.....بس الصدمه الكبيره....أن أمي أكتشفت انها حامل فيني....انهارت....وحست ان الطلاق بعد عنها.....خاصه انها حست انها بطلاقها راح تغلب ناصر....اللي عمر ماحد غلبه....الكل انصدم....وتعلقت القضيه لما تولد أمي.....وعلى كثر فرحه أبوي بحمال أمي......على كثر ماحزنت عليه امي.....وبعد ماولدتني نزل حكم الطلاق مباشره.....كان ناصر بالأول يجي لريم وسلطان وياخذهم....بشكل شبه يومي....ياخذهم لعمامي....بس انا ولامرة اخذاني....لأن أنا كان طبعي خايس حيل....وانا صغيره....بعده بأشهر خالي فهد باع بيت جدي الكبير بالرياض....ورحنا للدمام....واشترى فلتين....هو وزوجته وعياله سكن بوحده....وحنا وخالي فيصل وجدتي سكنا بوحده....طبعا خالي فيصل هو اللي طلب هالطلب....لأن حنا بدينا نكبر...وحس ان راح تبدأ مشاكل....وحب اننا نستغل والكل يرتاح....خاصه ان ورث كل واحد منهم كبير والحمدلله......ومن هذاك اليوم خالي فيصل هو المتكفل فينا.....صارلنا الابو رغم صغر سنـَﮧ.....كان تقريبا بالثانوي لما تطلقت أمي.....وهو الوحيد اللي يستاهل مننا ڪلمةَةَ يبه.....وطبعا أبونا الحقيقي من انتقلنا للدمام....ماشفنا وجهه.....كنا نعرف أخباره من الجرايد والمجلات.....وتجارته المزدهره.....طلعت وانا انشف نفسي عدل.....استشورت شعري الاسود الطويل.....على شكل سريع بس تجفيف...لبست تنورة سوداء ضيقه وقميص رسمي عسلي.... ولبست جزمتي"تكرمون"الكعب العالي.....فتحت زرايري اللي فوق....مسكت شعري بكلبسه ورفعته كله لفوق بشكل فوضوي....وتناثرت خصل شعري الاسود على وجهي....ناظرت بملامحي الحاده....وشفت عيوني اللي وارمه....مسكت الكحل وأنا أدعجه بعيوني بكثره.....عمَريـﮯَ ماراح اسمح لأحد يتشمت فيني.....وأمس آخر دموع انزلهن علشانك ياناصر....تذكرت أمي اللي تشاجرت معاها بقوة.....وغلطت عليها بالكلام....صدمتني وهي تقول أبوك له حق عليگُ..... لذي الدرجه ماعندها كرامه.....وين الحق اللي له علي؟....يخسي والله....ماله شيء عندي.....أنا ملامح وجهه ماعرفها.....كثرت المسكره على رموشي.....وانا أحس اني مقهورة.....حق له عندي وهو حرم سلطان يعيش مثل باقي هالشباب...أجل حق سلطان وينه؟...بس ما قول الا حسبي....حذفت الماسكرا وانا استغفر.......ناظرت نفسي بضيق.....ماعندي له شيء.....ولاله حق علي....الا انا اللي لي عنده حقوق....وبأخذها طيب والا غصب.....ومن ورا خشمه....وحق سلطان باخذه من بين عيونه.....رَإحَ اخذه من عمرك.....وماكون الجازي اذا مابكيتك دم.....والزمن بينا ياناصر.....حطيت قلوس وردي....وبلاشر.....ناظرت لأنعكاس صورتي بالمرايه الكبيره.....ماحد بيكسرك يا ولد الناصر غيري....ابتسمت .....غرقت نفسي بعطوراتي المفضله....لبست اكسسواراتي....أخذت عباتي وجوالي....ونظارتي الكبيره....وفايلي الوردي....وجنطتي....ونزلت وانا اسمع اصواتهم العاليه....رسمت على وجهي ابتسامه وسيعه....باستانس قبل تجي ياناصر....ولاجيت ربك يحلها....ماله داعي اضيق على نفسي من إلحُــيُنْ....وكل شيء بوقته حلو يا ولد الناصر.... دخلت عليهم وهم قاعدين على طأۈلهْ الأكل وگلـَہم سرحانين... وبمرح: صباااااااااااااااااااح الخير لأغلى ناااااس بحياتي...... الكل ناظرني بصدمه....وثواني وردوا عُاَدّيَےّ....لأنهم عرفوا وتعودوا انهم معاي عمرهم مايرسون على بر...ويعيشون مليون الف حاله بالدقيقه الوحده....قالت جدتي بسعاده:حي هالصباح الحلو....دامه منك.... قربت منها وبست راسها....وبست راس امي اللي عيونها مليانه دموع..... وماكلمتني..... وبست خالي اللي من شافني فرح وقعد يهلي فيني...وصبح علي.....ناظرت سلطان اللي نايم على الطأۈلهْ.... وبسته بقوه وانا اجلس جنبه....وهو صرخ:ياوصخه..... ضحكت بمرح:ياوصخ انت....يالله قوم....بسك نوم يالله...... قالت سعاد بهدوئها المعتاد وهي تغمز بعينها:أشوف المزاج رايق اليوم.....عساه دوم..... قلت بروقان وانا ابتسم و أتسند على الطأۈلهْ وأناظر أمي:ايه الحمدلله..... الكل جلس يكمل فطوره....وأمي منزله راسها....كنت أدقق بملامحها اليوسفيه....ياحلاتك يامهاوي....أمي كانت حلوة بشكل يبهر....الكل كان يقول اني كوبي من أمي....يابختي والله دامني أشبهك....كان كل اللي يشوفنا ينصدم من شدة الشبه اللي بينا....بس أنا على حجم أصغر....وانا ملامحي حاده اكثر من امي.....امي انعم ملامح بكثير مني...يمكن هذا الشيء الوحيد اللي أخذته ريم من امي....النعومه والبراءه....على عكسي انا كل مافيني حاااد....بس كنت اشبهها كثير....على عكس ريم وسلطان اللي مايشبهونا أبد....ولاحتى يشبهون خوالي....أمي وخوالي كانوا يقولون انهم يشبهون أبوي كثير.....رديت لتأملي بوجه امي ....وتنهدت...شلون عطاه قلبه يسوي فيك اللي سواه....والله انه مايستاهل ضفرك......قطعني من سرحاني صوت ريم الناعم:جوجو صحيتي..... ناظرتها وأنا ابتسم.....ناظرتها من بيجامتها الصفرا السخيفه.....لشعرها القصير الناعم المتبعثر على وجهها البرئ....لملامح وجهها الناعمه....ووقفت عند عيونها اللي براءة الدنيا گلـَہا فيها....والهالات السودا منتشره حواليهم.....قلت بعتب:لا والله توك تتذكرني....ماتدِرِيےُ.ن ان عندي دوام....الحمدلله اني صحيت بروحَـﮯَ.....وبخوف مصطنع....تخيلي انواروه الدبه جتني وانا مو خالصه....وربي تفضحني..... الكل ضحك وهم يتخيلون رده فعل أنوار.....قالت ريم بنعومه:سوري....واشرت على الصينيه بعيونها....وكوب قهوتي السودا عليه....وعصير الفرأۈلهْ حق سلطان.....وباعتذار....سويتلك كوفي....ولسلطان عصير ونسيت الوقت..... قلت وانا اتلذذ بطعم الكوفي:أمممممممممممم.....لاخلا ولا عدم ريمو.... ناظرني سلطان بغباء وهو يشرب عصيره مثل ما اشرب الكوفي حقي:امممممممم لا خلا ولا عدم ريمو....لا خلا ولاعدم ريمو.... وظل يكرر الكلام بغباء....الكل تجاهله....خالي رد يقرأ الجريده بسرحان.....ناظرته بحب....."ربي لايحرمني منك يابو الجود....والله انك بمليون رجال.....مدري بشنو أجإزيَـڪ؟.....كل شيء بحقك صغير....قدرك عندي كبير....كبير لدرجه ماتتصورها.....عمري ماراح انسى طيبك معانا....وعمَريـﮯَ ماراح أعترف بأبو غيرك.....أدري وشكثر مضايقتك جية ناصر....وادري بتوترك.....رغم انك تحاول تخفيه عن الكل....بس عمرك مارَإحَ تخفيه عني.....انا بنتك...بس وربي...لاوريه....وضيقك هالايام من كلمك....بحاسبه عليه....واطلعه من عيونه...شوراي خل احاسبه على كل شيء.....الا انت مابغى احد يكدرك....." لفيت وناظرت لجدتي وهي تشرب الحليب....وابتسمت بحب"والكبر بانت مواريه فيها......عسى ربي ياخذ من عمَريـﮯَ ويعطيك يالغاليه....ويخليك لنا يارب ياكريم.....رغم هواشها الدائم معاي ومع سلطان.....الا اني ادري ان مابه احد بهالدنيا يساويني عندها.....رغم انها مليون مره طردتني من البيت....وياما عايرتني ان ابوي رامينا.....وتقولي روحَـﮯَله....اذا عصبت على عيال خالي فهد اذا دخلوا البيت....تقول البيت لهم....وأنْــتْےّ خلي ابوك بملايينه يشترلك قصر....ههههۂ بس ياحبني لها ثواني وتندم....وتقعد تعتذرلي وانا اتغلى عليها....ربي يخليك لي....." ناظرت سعاد بقعدتها الهاديه....وملامحها الحلوة....وابتسمت باحترام لهالانسانه"والله انك بنت رجال يام جود....مليتي قلب خالي وعينه....وعوضتيه عن اللي ماتتسمى...."تضايقت من تذكرت زوجه خالي الأولي.....بس نسيتها من طاحت عيوني على أعز مخلوق عندي بهالدنيا.....ناظرته بحب وأنا أشوف رجولته الواضحه....ووسامته اللي مايختلف عليها اثنين....وضخامه جسمه....وبجامته الزرقا اللي بارزته حيل....وشعره الناعم الطويل.....سلطان كان مو حلو على كثر ماهو جذاب....كانت فيه جاذبيه لاتقاوم....كان يشبه ريم بشكل مو طبيعي.....بس ريم كانت ناعمه كثير....على عكس سلطان اللي كان كل مافيه حاد ورجولي....لدرجه كبيره.....وهذا اللي خلاه يتعدا ريم من ناحيه الجمال....ناظرت وجهه اللي أعشق تفاصيله....سماره البارز...عيونه الحاده رغم صغرهم....خشمه الطويل شوي...شاربه الخفيف....فمه...شعر لحيته اللي توه طالع.....كنت اعشق جميع تفاصيل هالمخلوق الجالس جنبي....ياسبحان الله....أغليه غلا ما أغليته لأمي.....هو العز والسند والابو والاخو....والخوي ورفيق دربي....وكاتم اسراري....كان جالس جنبي رجال مكتمل الرجوله....بس حسبي الله ونعم الوكيل.....على من كان السبب...گلـَہ منه....عمَريـﮯَ ماراح اسامحه....هو السبب ان سلطان انحرم من انه يعيش طبيعي.....يعني حرام ان سلطان يعيش مثله مثل كل اللي بعمره...كان الحين سلطان هو اللي يوديني للجامعه....ويروح لجامعته....كان الحين سنـَﮧ تخرج.....ويسوق سيارته....حسيت بالضيق فجأه كتم علي....نفضت هالأفكار....وشفت ريم بمكانها المعتاد قدام الtv وتناظر بكامل اندماجها....وهي فاتحه فمها باندماج....هزيت راسي بضيق من حالتها الميؤوس منها...صحيت من سرحاني....على صوت جوالي....سكرت بوجه أنوار ولبست عباتي عالسريع....بست سلطان اللي معند يبقى يروح معاي....وبعد أخذ وعطى....ووعودات مني ومن خالي تركني....وأنواروه التبن أحرقتني.....قربت من أمي...ولميتها بقوة وتركتها بسرعه وأنا أبوس راسها....وبهدوء:يمه سامحيني....أدري غلطت عليگُ البارحه....وزودت بالكلام....تنهدت بضيق وكملت بغصه...بس من حر قَلبَےّ يمه....وبهدوء...وأنا أشوف دموع أمي اللي غرقت وجهها...يمه سامحني...يمكن إلحُــيُنْ اذا طلعت مارَإحَ أرد....وربي ياخذ أمانته وانا ماتسامحت منك....خلِنيْےّ اطلع وانا مرتاحه.... شهقت أمي بقوة وهي تأخذني بحظنها....وتسمي علي وتذكر الله....ناظرت بخالي وسعاد وريم اللي يضحكون علي.... ولعبت لهم بحواجبي بخبث.....لأنهم يدرون ان ماينقدر علي أبد....غصب خليت أمي تتركني....اللي عندت....خايفه يصيرلي شيء....تلثمت اي كلام....ونظارتي وفايلي بيدي...وطلعت وأنا حالفه اني أأدب انواروه التبن....صعدت السيارة بعصبيه....بدون لا انتبه للسياره ولا حتى للسايق....ولاحتى ان انوار صاعده قدام...وبعصبيه ونرفزه:أنواااااااروه وجع انشالله....ماتقدرين تنطرين دقايق....حرقتيني بجد نرفزتيني....كل هذا خايفه على البنغالي....و... بلعت گلامِي بعد ماتعلقت عيوني بعيونه المبتسمه....اللي تناظرني بلهفه وشوق كأنه اول مره يشوفني كعادته..ورحت لبعيييييييييييےّد......
طلعت الجازي وأنا أضحك عليها....والله ماينقدر عليك أبد....ناظرت بالبيت اللي صار فاضي من طلعت منه....هالبنت عندها حضور قوي.....حضور يخلي المكان ينملي بوجودها حتى لو تظل ساكته....حضور ماشفته الا عندها.....وعند أبوها... تنهدت بضيق....أحس بضيق وتوتر....قبل يومين.....جاني اتصال من رقم مميز غريب....رديت ووصلني صوته القوي....اللي عمري مانسيته رغم مرور 19سنه....بس هو من الأشخاص اللي يمرون مره بالعمر....ومن تشوفه مره عمرك ماراح تنساه....سلم علي وبعدها سألني عن عياله.....حسيت الدنيا اظلمت بعيوني....قالي انه هالاسبوع بيجي ويشوفهم....أحس ورى هالجيه شيء....ليه طيب الحين جاي؟....عقب ماتعلقت فيهم.....ما أتصور حياتي بدونهم....أحس اني انا ابوهم مو هو....أنا اللي ربيتهم....أنا اللي أخذتهم وطلعت ببيت....بس علشان مايتهاوشون مع عيال فهد....رغم اني كنت صغير....أنا اللي وديتهم لمدارسهم....ما اتخيل حياتي بدونهم....هدوء ريم.....غباء سلطان...عوابه جازي....ابتسمت بخبث....الله يعينك ياناصر على اللي ينتظرك.....تذكرتها من وهي صغيره....كانت تكبر قدامي بسرعه....كنت أحسها تسابق الزمن...وسبقته....كنت احسها تتحدى الزمن....وتفوز....كانت تحركنا مثل الدمى...وحنا غصب عنا نسوي اللي تبقاه....كانت اذا تبغى شيء تلزق....وتقعد وغصب عنك رغم انك ماكنت تفگُرٍ تسويه....الا انها تقنعك وغصب عنك تنفذه لها.....من تناظرك بعيونها الحلوة....ونظره الترجي فيهم.....كنت انجبر اسوي اللي تبغاه....كانت من وهي بزر عوبه وحقها مايضيع....وياويله ياسواد ليله اللي يدوس لها على طرف....كل البزران كانوا يخافون منها....رغم انهم أكبر منها....بس هي كانت قويه....كان حقها مايضيع أبد....على عكس ريم اللي دايما لازقه بمها....وبس تصرخ عليها صاحت....على عكس الجازي اللي نادرا ماشفتها تصيح.....كان فيها شيء غريب....كنت أحس عندها قوة موطبيعيه.....سلطان لما كان صغير....كان انطوائي لدرجه كبير....بس لازق بأمه....حتى كلام مايتكلم....بس من صارت الجازي تستوعب وتفهم....سلطان ترك الدنيا كلها ولزق بالجازي....كانت علاقتهم موطبيعيه....متعلق فيها بجنون....وهي بعد...اذا احد كلم سلطان بكلمه...تقلب البيت فوق تحت...حتى لو كانت امها...بعض الاحيان احسها هي امه....ماترضى عليه ابد....ومن شده دلعها له....صار سلطان جرئ ومايخاف من أحد....علاقتهم فريده جدا لدرجه انهم للحين بعض الاحيان ينامون بغرفه وحده....رغم ان الجازي لها غرفه...بس دايما تحب تنام بغرفه سلطان الكبيره....لها سرير ثاني...اغلب وقتها تنام فيه...كانت تاخذه للشارع....وتركت الكل يخاف منه....لأنهم كانوا يدرون ان وراه ظهر...ومو أي ظهر....الجازي بجلاله قدرها....نصهم كان يتجنب لسانها الطويل.....اللي اذا لسع العياذ بالله منه....ونصهم كان متيم....خاصه بملامح الجازي الحلوة لدرجه لا تقاوم.....كانت كوبي مصغر من مها....بس جازي تجاوزت جمال مها بمراحل كبيره....القوه والحيويه والنشاط والحده والذكاء اللي يشع من عيونها....وشخصيتها القويه....وغرورها الكبير....وذكائها الحاد....كان مخليها ملكه على الكل...الكبير قبل الصغير....كنت احسها عارفه مشگلـَہ سلطان....من هي بزر...كانت تحرص على انها تتعلم كل ألعاب الأولاد....وتعلمها لسلطان....وسلطان كان اي شيء تبيه يسويه....علمته على البلاي ستيشن....السباحه....كانت تأخذه بشمس القوايل....تخليه يلعب مع الاولاد كورة.....ويويل اللي يأخذ الكورة من سلطان....وسلطان كل مباراه مسجل هدف...هههههههههه....كانت شخصيتها قريبه للانسان اللي تسبب بتعاسه أختي الوحيده....كان يضربها ليل نهار....كانت كل يومين تجينا زعلانه....كنت مراهق مو مهتم بشيء....خاصه بوجود ابوي اللي كنا مانقدر ننطق بحرف قدامه.....وخاصه عن ناصر حبيب قلبه....عمري ماشفت ابوي مفتخر بأحد كثر ماهو مفتخر بناصر......كنت أحيانا أحس انه يحبه أكثر مننا....كان دايما يعاير فهد أخوي انه مو نفس ناصر....وهذا الشيء سبب عداوة بين فهد وناصر....كان ناصر شخصيه ساحره بكل المقاييس.....كان اذا دخل مجلس الكل بحضوره يسكت هيبه له....الكل كان يرجف بس من طاري اسمه....كانت شخصيته ساحره لأبعد حد....وكان ذكي....ومغرور وواثق بنفسه لأبعد حد....أبوي على حسب علمي سوى له جميل....وتعارفوا....وصارت علاقتهم قويه.....بعدها بمده خطب مها أختي الوحيده....وطبعا ابوي بدون نقاش وافق....وتزوجته مها....وجابت ريم...كانت دايما تجي تشتكي من ضربه لها...كان دايما وجهها وارم....والوان قوس قزح فيه....بس ابوي كان غصب عنها يرجعها بنفسه لبيته....وحملت بسلطان....كان حملها خطير....وضربها ضربه قويه....وولدوها قيصري....ودخلت بغيبوبه لشهر ونص....وسلطان تعدى مرحله الخطر بس راح يلازمه تخلف عقلي.....انهار ناصر عمري ماشفت دموعه تنزل الا بهاليوم....وحلف انه مايمد يده عليها أبد....وبعد ماوعت مها وعرفت عن سلطان انهارت....ولامت ناصر....تعذر منها بس هي طابت نفسها...ترجت ابوي انها ترد لبيتنا....بس ابوي رفض رفض قاطع....حاول فهد بابوي بس ابوي حلف انه اذا فهد فتح معاه الموضوع....لاهو ولده ولاهو أبوه....أما أنا صح كرهت ناصر مليون مره....بس كنت احترمه واخاف منه....وكنت مراهق.....وطبعا قبال ابوي....ماكنت اتجرأ أنطق بحرف واحد.....ورجعت له مها....بعدها توفى أبوي....ومها جتنا...ورفضت ترجع لناصر....وفهد وقف معاها....وقال لناصر اللي قعد يتحلف ويتوعد....حاول انه يشوف مها....بس مها رفضت....وفهد ماتركه يكلمها....ورفع قضيه....وصارت القضيه مضمونه....خاصه مع تقارير الضرب المبرح اللي متعرضه له مها.....ومابقى على الطلاق شعره....بس طلعت مها حامل....للحين اتذكر اليوم اللي عرفت فيه انها حامل...كانت هي وفهد جايين من المستشفى وجلست بالصاله وهي تصيح بقوة....كأن ميت لها أحد....وأمي تهديها....وفهد اللي وجهه أسود من الضيق...ومعصب حيل...وبعدها طلع من البيت....أنا كنت أناظرها منصدم....كان سلطان وريم يناظرونها ويصيحون....خافوا منها....ومها تصيح بقوه .....الكل كان متضايق من هالحمال...وفهد كان قايم قاعد يدعي انها تجهض....ومها تدعي الله ان حمالها مايتم....بس الحمدلله ...الله خيبهم....وجتنا الجازي.....اللي نشكر الله عليها ليل نهار....ومافيه أحد استانس بهالحمال الا ناصر....اللي نسى كل اللي صار بينه وبين فهد....من درى بحمال مها....وجانا طيران....كان حاس انه بهالحمال كل شيء راح يرد مثل ماكان....بس مها كانت مصممه....عمري ماشفتها مصممه على شيء كثر ماكانت مصممه على طلاقها من ناصر....هنا ناصر عصب....وشهر واحد وتزوج وحده من جماعتهم.... وبعدها انولدت الجازي....وصار الطلاق....دايما كنا نضحك على قوة مها المفاجأه في تصميمها على الطلاق....خاصه مع ضعف شخصيتها .....بس حنا نشك ان الجازي لعبت بهرمونات مها وهي ببطنها....ومدتها بقوه موطبيعيه..... هههههههۂ.... ناصر كان أول سنـَﮧ تقريبا يودي أخوانه أو عيال أخوانه بشكل شبه يومي....ياخذون ريم وسلطان له....والجازي كانت صغيره....بعدها نقلنا للدمام....وانا وأمي ومها وعيالها سكنا بفيله....وفهد وعياله بفيله....ماكنت ابيهم يسمعون اي ڪلمةَةَ.....كنت ابيهم ياخذون راحتهم....أخذت ورثي من أبوي وشريت هالفله وسكنا فيها......والحمدلله كلنا ارتحنا....ابتسمت بخبث وانا اتخيل لقاء الجازي وناصر...تذكرت هيجانها وجنونها البارح....عمري ماشفت الجازي معصبه كذا.....الا بسالفه مريم زوجتي الاولى.....تنكدت من هالطاري.....الله يستر بس....والله اذا جاء لتقوم الجازي القيامه.....تنهدت بضيق....اموت واعرف شنو اللي جابك بهالوقت....كنا مرتاحين وانت بعيد....الحين تذكرت ان عندك عيال.....اووووووف.....والله الجازي لتتسب اللي خلفوه....ابتسمت بحب....عوبه وعنيده وقويه ومغروره وذكيه وحقانيه....وماتترك حقها ابد....وماتسامح ابد.....والخوف ماتعرفه....لا وبعد تلومك على حاله سلطان اللي مافيه أحد بهالدنيا يساويه عندها....والله لتطلع كل شيء من عينك....تربيتي....مافيه مخلوق بيكسرك ياناصر غير بنتك....والله اني من إلحُــيُنْ شفقان عليگُ....عمري ماتمنى اني اصير عدو للجازي....حسب معرفتي لها....وبأكثر من موقف صدمتني صدمه عمَريـﮯَ....كل ما أقول هذا حد قوتها....تصدمني أكثر....منهو اللي بيكسر الثاني ياناصر....أنت والا اللي ربيتها انا..وحرام واكبر حرام انها بنتك.....بس تخسي....هي بنتي انا....انا اللي ربيتها ....أنت ابو على ورق وبس....تذكرت موقفها مع مريم زوجتي الاولى...من اول ماتزوجتها بينت لها ان البيت لمها وعيالها....هم الداخلين وحنا الطالعين... وعشمتني خير....كنت الاحظ النظرات الناريه بينها وبين الجازي....كنت احسها تخاف من الجازي بشكل كبير....بعدها قامت تعرضلي انها متضايقه من البيت وماتاخذ رَإحَتها...ومن هالكلام...عطيتها كلمتين ...وخافت واعتذرت... وطنشت...وتناسيت الموضوع.....كنت احس ان فيه حروب تصير بالبيت....بس ماتدخلت....مالي مزاج مشاكل حريم...وماحد شكى لي....ومريم خل الجازي تربيها....لأني واثق ان الجازي مافيه مخلوق يقدر عليها...ولأن بأخير فترة صارت تبط جبدي....عليها حركات مادري شتبي....خاصه اذا شافت الجازي....تقعد تلزق فيني....ومافاتني نظرات الجازي اللي ترميها عليها....وبيوم من الايام...كنت جاي من الدوام ومعاي طلال ولد فهد....عزمته على الغدا....دخلت سيارة الجازي جايه مع سواق فهد أخوي....شفت سلطان اللي وجهه أحمر....وباين يصيح... قاعد عند الباب...بدون الجزمه"تكرمون"وبالبيجامه بالشمس الحاره.... وأنا هنا وقف قَلبَےّ....كنت احسب امي فيها شيء....سلطان من شاف السياره ركض لها....والجازي نزلت ...مادري شقالها....بس اللي كنت متأكد منه الجازي بتسوي جريمه...ومافيه احد يعرف الجازي كثري...مسكت يد سلطان...وركضت للبيت وهي تضرب الارض ضرب من العصبيه...نزلت انا وطلال وركضنا وراه...وبس فتحنا الباب...سمعت صوت جازي القوي:أنْــتْےّ يالواطيه شلون تسمحين لنفسك تضربين سلطان؟.... قالت مها بخوف:جازي اصعدي لغرفتك....بلا كثرة كلام..... قال طلال بعصبيه:وانت واقف...ضربت سلطان وساكت... قلت بهدوء:لاتستعجل....جايها رزقها مني....بس خل الجازي تبرد قلبها..... ناظرت بمريم بقهر وانا اتحلف فيها....اللي قاعده تمثل دور القوة....وعيونها ترجف....قالت بصوت يرجف بعد ماتقوت بمها:والله بكيفي....احمدي ربك ماذبحته....موكافي متحملتكم ومتحمله همكم ببيتي.....وباستفزاز...روحوا لأبوكم ترا كرهتونا حياتي...ماأقول الا الله يعينك يامها....ويعين قلب فصولي...حذفهم عَليـڪمَ ونجا بنفسه...وحده ماتدِرِيےُ. وين الله قاطها....والثانيه لسانها أطول منها... والسند ياويل حالي مجنووووون.....
موضوع: رد: رواية انا الشموخ وما رضيت البهاذيل كسرت خشم الناس من قو ذاتي للكاتبة : ظميانه عشقهy الثلاثاء أبريل 02, 2013 12:30 pm
((3))
بعد يومين....رضيت أخيرا على أنواروه الزفته بعد ماكرهتها حياتها.....بس طلال للحين متضايقه منه....ابتسمت بحب وأنا أتذكر نظراته اللي أحرقني فيها....ابتسامته...كشخته...تنسيفته للغتره...نظارته السودا...دشداشته ...كبكه الفضي... ساعته السودا....عطره الهادئ...هالانسااان بالنسبه لي دمااار....أحبه وأموت فيه....ما أدري متى حبيته....من كنت صغيره...وأنا أشوفه قدامي...وأشوف الحب ينطق من عيونه....تنهدت وأنا أتذكر طلبه أكثر من مره انه يبينا نخطب.... ورفضي اللي ولا مليون مره....حضنت مخدتي وأنا أتحسر....ماقدر أوافق الا لما أظمن مستقبل سلطان....مستحيل أتزوج وأنا ماني ظامنه حياته....سلطان أهم انسان عندي بهالدنيا....دايما سبب رفضي اني صغيره ودراستي....وأنا ماني ناشده عن شيء سوى سلطان....أخاف لاتزوجته التهي بحياتي وبطلال غصب عني...وانسى سلطان....ويضيع...وأموت عندها....سلطان هو الشيء الوحيد اللي أبيع كل شيء بهالدنيا علشانه....حتى لو كنت انت ياطلال....أصير علي سنتين بس....علشان أرتاح على سلطان...وأتزوجك ووقتها رَإحَ تشوف حبي....حبي اللي كاتمته عن الكل....وأولهم انت....الكل يحسبني ما أحبك....وأولهم أختي وأختك.....الكل يقولون عني قاسيه ....تذكرت امه...وابتسمت بخبث....مسكينه تكرهني كره....خايفه على طلال مني.....دايما تتجنبني....خاصه بعد أخير موقف...بعد مامسحت فيها واختها البلاط...كنت دايما أطوف لها لخاطر طلال وأنوار....بس بيوم كان فيه عشا ببيت خالي فهد....كلنا رحنا....طبعا أم طلال تكرهني...وأختها ماتطيقني....رغم ان أم طلال طيبه....بس من قالها طلال انه مارَإحَ يتزوج غيري...كرهتني...تبيه لبنت أختها ...طبعا الجلسه كانت رسميه....أول شيء بدت السالفه أختها قالت:الا يامها رجلك ماحن على عياله....ماجاء يشوفهم....أي قلب عنده...وبحقاره...روحَـﮯَله ياحظي يمكن تحصليلك كم فلس من وراهم... طبعا أنا أي موضوع ينذكر فيه ناصر اتنرفز...قلت ببرود:والله لا أنْــتْےّ اللي صارفه علينا من جيبك ولا من جيب أبوك... الكل بالمجلس انصدم....وقاموا يتهامسون...وأم طلال خافت لأنها تعرفني....قالت بفشله:اي والله ماني صارفه عَليـڪمَ..."وعلشان تنهي الموضوع...كملت "بس الواحد مهما كان لازم يجي يشوف عياله.....مو راميكم على خوالكم... ابتسمت بخبث بداخلي والله ماعرفتي مع منو وهقتي نفسك....قلت بحده:ثمني كلامك يابنت الناس أحسلك....ليه رامينا؟...والله ماتركنا الا وهو واثق انه مخلينا عند ناس قد الثقه...واذا مايسأل عنا....فشيء ماتعرفينه لا تكلمين عنه....والحمدلله خوالي مغرقينا بدلالهم عسى عمرهم طويل....وهو والكل يدري...مرد العيال لأبوهم طال الزمن ولا قصر.... همزتها ام طلال وسكتت والكل يتغامز ويتهامس...وأمي تناظرني برجا علشان اقطع السالفه...بعد ربع ساعه....قالت خالتهم بلعانه:الا ماقلتيلي يامها....سلطان ولدك للحين على حاله.... أنا هنا كل مافيني استثار...قلت ببرود:أي حال؟.... قالت أمي بخوف:ماعليه الحمدلله بخير.... رفعت حاجبي بعصبيه....وهي كملت بلعانه:ربي يعينك...والله نصيحتي لك حطيه بمستشفى المجانين وفكي نفسك.... الكل شهق...وعيونهم علي...المجلس ملياااان حريم....أنا بانفجر من العصبيه....قلت ببرود جننهم:والله اذا سلطان مكانه بمستشفى المجانين....وبخبث...فأنْــتْےّ ولدك مكانه بمستشفى الأمل....والعياذ بالله من شركم... الكل شهق بصدمه....وهي فزت بعصبيه:وشقصدك يابنت مها؟.... وأم طلال معاه بعصبيه:ياللي ماتستحين شقصدك؟....أنْــتْےّ قد الكلام اللي قلتيه... قلت ببرود:والله اللي مايستحي أنْــتْےّ وأختك....وبنت مها ماتزيدوني الا شرف بهالاسم.....وايه نعم قده وقدود.....وبهدوء وانا أشر عليها باصبعي باحتقار....هي على سلطان ناقده....سلطان مبلي من الله....وحتى الصلاة يصليها بوقتها....واهو مو عارف الا انها واجب....هذا الشخص المجنون...والا اللي عنده عقل ويفگُرٍ....وصلاته قاطعها....والمخدرات مايمسي ويصبح الا عليها...ومأذي خلق الله.....وباستهزاء...يابختج بهالعاقل.....الحمدلله على أخوي.... جت بتضربني...بس مسكت يدها ودزيتها عني وانا متقرفه....والكل منصدم....قلت باحتقار:مدي يدك مره ثانيه....واكسرها لك... قالت ام طلال بعصبيه:اطلعي برا بيتي ياللي ماتستحين....بيتي يتعذرك...تمدين يدك على اختي... قلت ببرود:هي اللي بدت...أما البيت لاصار بيتك اطرديني....دام راس خالي يشم الهوا....فلا أنْــتْےّ ولا عشره من أشكالك تطلعيني من بيته.... قالت امي بخوف وهي تجرني:ريم روحَـﮯَ جيبي عباياتنا....وبعصبيه...قومي ياللي ماتستحين....عزلله اني ماعرفت اربي... أنا ناظرتها بصدمه...وهي تتعذر منهم...وشوي وتبوس رجلينهم...لهدالدرجه تركبني الخطا....رغم اني ماغلطت....أنا ملييت من أمي....لمتى بارده وضعيفه؟....وجتني وهي تدزني....أعتذري لخلاتك يالله.... قلت باستنكار:نعم.... قالت بعصبيه:ونعامه ترفسك انشالله....اعتذري بسرعه.... ناظرتها بعصبيه....وناظرتهن بعدها وهن يناظرني بلعانه...يبن شوي يردن كرامتهن وفشلتهن.....قلت بخبث:أعتذر ها... قالت أمي بنرفزة:أجل شقول من الصبح؟.... قلت بتحدي:أجل إلحُــيُنْ يوصلكن اعتذاري......وانشالله يعجبكن..... ومشيت بمجلس الرجال بسرعه...والكل فاتح فمه مننصدم....وقلتلهم ينادون خالي فهد...ثواني وجاني ....وقلتله السالفه گلـَہا....وهم انصدم....خالي فهد رغم انه مايحبني ولا يكرهني....بس انرفزه....الا انه مايرضى بالغلط أبد....وحقاني لأبعد الحدود....وأحسن مافيه...انه يموووت على أمي...ومايرضى عليها أبد....قلتله دايما يعايرون أمي...وان أبوي رامينا عَليـڪمَ....ووصل حده لما قلتله أن مرته طردتني....شوي والا خالي داخل وهو يصارخ ينادي مرته وأنا وراه....وماظلت مسبه ماسبها....وانا وراه ابتسم....وهي تصيح...وقالها بعصبيه:ومثل ماكنتي تبين تطلعين بنت أختي من البيت مطرودة....أنتي اللي تنطردين...أنتي وأختك مثل الكلاب....بيتي لمها وعيالها....هم الداخلين وأنْــتْےّ الطالعه....يالله برى.... قالت وهي تصيح:هي اللي غلطت وقالت كلام ماينقال....
قال بعصبيه أكبر:وهي صادقه....أجل نحط سلطان بمستشفى المجانين...تهبن الا انتن....ومثل مافزعتي لأختك...وولد أختك الداشر....وطردت الجازي....أنا بفزع لبنت أختي....وأط رٍدّگ أنْــتْےّ واختك.....انقلعي عن وجهي....بيتي يتعذركن... جات أمي وهي تصيح...تترجاه...وأم طلال صياحها هز البيت...وأمي تدعي علي...وأنا ولا كأني مسويه شيء....اتصلت على سايق خالي....وأخذت سلطان وطلعت....وخليت النار شابه بالبيت....طبعا أم طلال اطلعت من البيت وشهرين وردوها أخوانها....وتعذروا من خوالي بعد مادقوا يعاتبون خالي فهد....وخالي فهد قالهم السالفه....وخالي فهد رضى ترجع....بس أختها ماتطب البيت لا بحزن ولا فرح....وانها ماتعرض لنا بڪلمةَةَ من بعيد ولا قريب....وتغير خالي فهد معاها 180 درجه ...بعد ماكانت تآمر وتنهي....إلحُــيُنْ حطلها حدود....طبعا بعد ماردوا البيت....أمي قلبت البيت علي...بس أنا طنشت....وظلت ماتكلمني لوين؟.....بس خالي فيصل هو اللي مستانس...خاصه اني خالي فيصل مايطيقها أموت وأعرف السبب....بس يقول والله من الله كذا....أنوار أسبوع ماكلمتني....بس بعدين عُاَدّيَےّ....لما تكلمنا بالموضوع وفهمتها....وقلتلها حطي نفسك بمكاني....وأنا علشانك تحملت أمك أكثر من مرة....أما عيال خالي فديت قلوبهم....عصبوا على أمهم....وزعلوا....وسعود كان شوي ويضرب خالته....من حكي أنوار....عيال خالي فهد فيهم ميزه تعجبني كثير....يحبون عمامهم كثير....ومعاهم حق ولا باطل....أكثر من موقف وضح لي هذا الشيء.....بس اللي يضحك ان خالي فيصل للحين منهبل....يقول شعرفك ان ولدها كان يتعاطى....وخالي فهد يقول ربي مافشلني....لو أحد غير الجازي ماصدقت كلامه...وأنا الولد ماشفت شيء عليه....بس دام هالكلام طلع من الجازي فأنا وثقت فيه....وطبعا أنا استانست بهالكلام....اللي عرفني نظرة خالي فهد لي...خااصه ان باااار بكل ماتحمل الڪلمةَةَ...بس لاتشوفونه اذا عصب....رغم ان نادر مايعصب....بس اذا عصب العياذ بالله منه.....وفرحت اكثر....لأن سبحان الله بعدها بأسبوع ويومين بالضبط....انمسك ولدها....وحطوه بالأمل.....وانفضحوا....وطبعا الحريم ماخلوني بحالي....نصهم يقول زين ماسوت فيهن....ونص مستنكر فعلي...اني هدمت بيت عايله....واني غلطت على حريم أكبر مني....واني دخلت خالي بالسالفه...وتببليت على ولدهم.....واني قويه حيل....بس سالفه ولدهم لما انمسك صدمتهم.....وكفت لسن الحريم عني....>>>طبعا اكيد تسألون أنا كيف عرفت....هههههۂ...طبعا مره سمعتها وهي تكلم بنتها...وولد شگلـَہا مكسر البيت يبغى فلوس....وسمعتها تقول لبنتها اللي واقفه بجنبها بعد ماسكرت:المجنون اخوك مكسر البيت يبغى فلوس....يضرب من البلا بيده.....حسبي الله على اللي علمه على هالطريق.....طبعا انا سمعت السالفه وتسحبت....وماقلتها لمخلوق....لأنها مصيبه والعياذ بالله....وموحلوة الشماته فيها.....بس لما جاء وقتها قلتها بكل برود....لأني عند سلطان انقلب وحش....أنا نفسي أخاف من روحَـﮯَ...... تذكرت عصبيه طلال ....لما جاء واعتذر من أمي.....كان متضايق ومستحي.....ياربيےّه ياناس....أموووت فيه هالرجال....مسكت خدي وأنا اتذكره....وابتسمت بانتعاش...وأنا أتلمس الجرح....حتى الجرح منه ياناس حلو...تذكرت هذاك اليوم....كنت صغيره...تقريبا ثمن أو سبع سنوات....وطلال بالثانوي تقريبا...كان رجال بوقتها...قلت أبي أصعد الدباب...وأزعجت خالي....وخالي رافض بالمرة....لأنه شايل هم أمي.....لأن أمي رَإحَ تقعد ليه خليتها تركب؟...يعني على قولته يبغي يفك راسه من حنت أمي.....وطلال قاعد....وبس شاف ان نفسي بالدباب....قالي خلاص تعالي....أنا ماصدقت....رحت اركض له....وهو ضارب بتحذيرات خالي الحائط....وهو يضحك معاي.....طلال كان مستحيل يخلي شيء بنفسي....ركبت وانا مستانسه....وأبي أحرك....قال بضحَگهُ:وين؟...وين؟....انتظري شوي.... قلت بملل:يوووووه طلال ليه؟.... قال بحب وهو يركب وراي:لأني بركب معاك.... قلت بزعل:انزل ما أبغاك....أبغى اركب بروحَـﮯَ.... قال بزعل مصطنع وهو يناظر عيوني:أفا....ماتبغين طلال....طلول حبيبك وزوجك وحياتك.... قلت بضيق:ييےّع... من يقول؟.... قال بثقه:أنا أقول....وناظرني بنص عين....والا روحَـﮯَ لخالك هاللي شاده فيه الظهر خل يركبك..... قلت بنرفزة:أووووووف....خلاص حرك وانت ساكت..... ضحك علي وحرك....كنت أحس بضربات قلبه العاليه....كنا مسرعين...وأنا كل دقيقه أترجاااه يسرع أكثر....أخير شيء...سرعنا كثير....وكنا نضحك....مانتبهنا....الا على الصخره الكبيره اللي قلبتنا....طلال ماقدر يتحكم بالدباب...وأنا كنت رَإحَ أطير....فكانت يد وحده على السكان...ويد ماسكني بقوة من خصري....أنا السكان ضرب بخدي بقوة....وصرخت وانا أشوف الدم ينزف من خدي بغزارة....طلال بس سمعني...أصرخ....ترك الدباب وحضني....وطحنا....هو على الارض.....وأنا فوقه...والدباب مقلوب جنبنا.....الكل جانا يركض....والكل يصرخ...لما شافوا طلال المليان دم....بس انصدموا لما قالهم طلال:الجازي تنزف...أنا مافيني شي..... انتبهت لصرخة امي وخالي فيصل....وهو يضرب خدي...كنت أناظرهم بخمول....نزفت دم كثير...ثواني وماوعيت بنفسي....بعدها وعيت وأنا بالمستشفى....الكل كان عندي....بس صحيت...انصدمت من وجه أمي وريم الوارم من البكي....وأنوار اللي دموعها على خدها....وخالي اللي وجهه أسود....وبس شافني همس لي:تو ردت لي الروح....لما شفتك بخير....كنت راح أموت لو صار فيك شيء...خالي فهد وزوجته...تطمنوا علي ورَإحَوا....خدي كان ملفوف بشاش....وطلال كان متلثم ويطالعني بخوف....خالي قاله يسلم علي....سلم علي....وهمس لي:آسف حبيبتيـے....ليته فيني ولافيك..... ماعطيت كلامه أهميه....عرفت منهم بعدين...أن طلال كتفه تعور حيل....وأنا كان خدي غرز....وإلحُــيُنْ صارت علامه زادتني حلاة....بشهادة كل من عرفني....كانت قريبه من فمي..وأنا طبيعتن فيني غمازه على خدي اليسار....فصارت غمازة كبيره.....الكل يحسدني عليها....لدرجه ان في بنَإتَ يسألوني وين مسويتها؟....أحسها أضافت لي غموض حلو.....تلوموني لا قلت حتى الجرح منه حلو.... ماوعيت من سرحاني الا على صوت أحب الناس على قَلبَےّ....وهو يتلمس الجرح معاي....وبصووته الحنون:يوجعك؟.... ابتسمت لوجه اللي أموت فيه....وأنا أجره وأسدحه معاي على السرير...وبحب:لا حبيبي مايوجعني....أنت وينك؟... قال بملل:أوووووف رحت مع خالي لأبو صالح....بعد ماصلينا بالمسجد...وقالوا..... وقعد يسولفلي كل شيء كعادته....وأنا منتبه معاااه كالعااااااده.....ماتصدقون شكثر استانس اذا سلطان سولفلي عن الرجال....وتعليقاته عليهم....كان يحفظ كلام خالي فيصل اللي يقوله بالمجلس....ويقولي أنا قلته....وطبعا يكون موفاهمه....هنا على كثر فرحتي بسلطااان....على ماكثر ما أكره واحقد على أبوي الفاضل...على ما كثر ما أحس بالامتنان لخالي فيصل....
أووووووووف ملل....رحت فتحت غرفه طلال...ومديت راسي بالظلام.....وشفته منسدح وهو حاط يدينه على عيونه....طريقه طلال اذا يفگُرٍ....عرفت انه مو نايم....قربت له:طلال....طلول....طلولي.... :......>مافيه رد.... قلت بلقافه:يووووه طلال ادري انك مو نايم....بس ماتبي تسولف معاي.... قال باستهزاء:مشالله....أول مره أدري انك ذكيه.....وبحده...انقلعي برا.... قلت بنرفزة:هذا جزاتي....وأنا أبي أراضيك عليها.... وقفت أبي أمشي....بس وقفني....كنت أبي أعاند....بس من شفت التعب بوجهه....كسر خاطري....رغم اني اعانده كثير...بس أتضايق اذا شفته كذا.....هذا طلال أحن قلب بالدنيا....جيت وانا أجلس جنبه:شفيك طلال؟.... قال بتعب:وشفيني غيرها....أنوار والله كرهت نفسي والسبب بنت عمتك الفاضله.....وبضيق...أنوار أسألك بالله هي ليه تسوي فيني كذا.... قلت بضيق:طلال انت غلطاااان....لاتنكر.... قال بعصبيه غريبه على طلال:أي غلطااان ياريم....أنْــتْےّ أكثر وحده تدِرِيےُ.ن كم مرة أنا خطبتها؟.....لو ماني جاد كنت غلطان....بس ورب الكعبه أنا جاد....لو تقولي تعال اخطبني الحين...لروح إلحُــيُنْ وبهالدقيقه....وماهمني أحد.....وبنرفزه...أنتي تدِرِيےُ.ن انا شكثر أحبها....لو ما أحبها ماتحملت زن أمي علي....وأنْــتْےّ أكثر وحده...تعرفين زنها....وعلى دخلتي وطلعتي....تزوج واتركها....ماهيب نافعتك....أزوجك اللي تسواه....وأنا مطنش الكل علشانها....وحتى البيت عفته....علشان أمي ماتغثني بكلامها عنها....وبملل...العمر يمشي ياأنوار....اللي كبري عيالهم بالمدارس..وباستهزاء....لا والآنسه أخير شيء تقولك اذا مستعجل لذي الدرجه خل يروح يشوف نصيبه مع غيري...... قلت بضيق من نفسي أني قلتله هذي السالفه....ووعرفت انها هي اللي منرفزته:طلال والله ماتقصد....هي كانت متنرفزة منك.... قال بزفرة ألم:مترفزه مني....لو بايسها أنا شسوت؟....گلـَہا كلمتين....ونظرات...وقلبت الدنيا علي....وأنتي زعلانه عليك....غصب رضت عليگُ.....وبجديه...أنوار أحلفك ★...BrB...★ البيت.....هي تحبني ولا لا.... ناظرته بصدمه من السؤال اللي دايما أسأله نفسي.....قلت بصدق:طلال وربي ما أعرف...أنت أكثر واحد تعرف طبعها...وانها غامضه كثير....ومشاعرها أبد مو واضحه...."شفت الألم بوجهه...وكملت بسرعه.."بس صدقني...جازي لو ماتحبك...ومالك مشاعر عنده....كان فضحتك....ووقفتك عند حدك من زمان....يمكن خلتك تكرها....شفته ابتسم وكملت....والله ياطلال تحبك....حتى ريم حاسه بهالشيء..... تنهد بحب:تدِرِيےُ.ن ريحتيني.....وبقهر...بس وربي قهرتني حركتها الكلبه...لما دقت على فيصل..... تذكرت الموقف وضحكت ناظرني طلال بنص عين....وبعدها انفجرنا ضحك....هذا طال عمركم... باليوم هذاك...لما ودانا طلال....طبعا بس نزلنا وأنا أركض ورا الجازي....واشاهق من التعب....عاد خبركم...الأخت رجلينها طوال....وخطواته طويله....وتمشي مشي....وانا ياويل حالي على روحَـﮯَ....أبي أماشي القافله ومانيب قادره>>>شكو...هبله صح....عيب عَليـڪمَ لا تضحكون أعرفكم تعرفوني...هههههههۂ....هذا اللي طلع معاي.... المهم لما وقفتها غصب....ناظرتني بعصبيه:أنْــتْےّ ياقليلة الادب شلون تحطيني بهالموقف الخايس؟..... قلت بهبال علشان أروقها...لأني وبصرَإحَه أخاف منها اذا عصبت:شسوي روميو كاسر خاطري؟.... قلت بعصبيه أكبر:*** عليگُ وعلى أخوك زين.... قلت بخبال وانا أتراجف من الخوف:مالت على أخوي بڪيفَكَ....لأني متأكده أنه رَإحَ يقول...وقلدت صوت طلال..."*** علي مليون مرة لعيون الجازي"....وبخبال أكبر....بس أنا ياويلك.... ناظرتني باحتقار ومشت.....وأنا خفت ألحقها بصرَإحَه....رحت قعدت مع رفيقاتي....وأنا أدور الجازي بعيوني....خاصه ان الجازي....مو مرافقه أحد أبد....رغم ان الكليه گلـَہا معجبه فيها.....والبنَإتَ يتلزقون فيني بس علشان أخليهم بمشون معانا.....بس الجازي تعصب....ماتحب ترافق أحد.....المهم وقت الطلعه...طلال الحبيب أبو المصايب....مصرف السايق...وهو اللي جاي....أنا قعدت اتشهد خفت....اليوم الجازي ذابحتني ذابحتني....سفلت بطلال....بس سكر الجوال بوجهي....اتصلت مره ومرتين....والجازي ماترد....أدزلها مسجات ماترد علي....طلعت لطلال وقلتله وخاف...انهبل حسبنا صاير لها شيء....وندق مافيه....طلال دزلها من جواله...طبعا الأخو مسجل رقمها عنده يمون....دزلها"جاااازي تكفين ردي.....لا تحرقين أعصابي...حنا ننتظرك برا... أنا طلال".....ثواني ووصل مسج منها....طلال بس قراها...أنفجر غيض وعصبيه....وأنا بالعه الضحك لا يذبحني....الجازي هي الوحيده اللي توصل لطلال لأشد حالات العصبيه....وتروقه بس من حرف منها....والله كاسر خاطري أخوي....مالقى يحب الا هالضبعه....عزي لحالي لك...اذا تزوجتها والله تهبل فيك....نرد لموضوعنا...المهم حبيبة أخوي دازتله"لاتحرق أعصابك ولاشيء....توكلوا على الله...أنا أنتظر خالي..." طلال دزلها"جازي تعوذي من ابليس ....واذكري الله واطلعي احسن لك..." دزت"ذاكره ربي من زمان....وأنت تعوذ من ابليس....وتوكل لبيتكم احسن....خالي على وصول...." لما قرينا مسجه....أنا ضحكت وطلال الحرة گلـَہا حطها فيني....اتصل عليها وماردت....ردت كتبلها"خالك على وصول....وولد خالك قدام الباب.....ترا حركتك سامجه....وسامجه كثير بعد....." دزت "اذا حركتي سامجه....فحركتك أسمج ياولد خالي...."... طلال هنااا انهبل....وانا أهدي فيه ومو نافع....وتحلف فيها والله لأوريها...وانا أقوله ماعليگُ منها.....واقول بقَلبَےّ...والله من تشوفها رَإحَ تنسى كل كلامك....شوي وشفنا سيارة عمي فيصل....وطلال نزله يسلم عليه....ثواني وطلعت الجازي...بلثمتها المعتاده....ومشيتها الواثقه....أنا لزقت بالباب...أناظر شنو رَإحَ يصير؟....طلال حرقها قز....وهي مطنشه...ركبت قدام بهدوء....وشوي وركب طلال....اللي مولع من العصبيه...وهو يسب فيها....ويسب قلبه...وأنا أضحك على الصامت....لأني أدري ان طلال بيذبحني اذا ضحكت....وبعده يومين....غصب وبواسطات يالله رضت تكلمني....الكلبه بهاليومين أحس اني ضايعه....أفقدها كثير....رغم ان كلامها قليل....واذا تكلمت قليل ما أفهم كلامها....بس أحبها....وطبعا تناقشنا بموضوع طلال وقلت لها:أنتي اللي تخلينه يناظرك كذا....هو ميت على شوفتك...وعلى الزواج...وأنْــتْےّ ماغير تثقلين عليه....وطلال كبر إلحُــيُنْ....وبمزح لاتخلينه يخطب غيرك...... قالت ببرود:الله يهنيه ويرزقه باللي أحسن مني....اذا مستعجل لذي الدرجه خل يروح يشوف نصيبه..... أنا انصدمت....وودعتني وسكرت.....أنا انصدمت....هذي هبله والا هبله....والله لو طلال يسمع كلامها لا يموت......وأنا من هبالي بس شفت طلال بوجهي....قلتله كل السالفه وطلال عصب....وماظلت ڪلمةَةَ ماقالها. ....وليه تتدخلين؟....وحط البلا گلـَہ فيني....وطلع معصب..... وعاني من سرحاني:نوونو....قَلبَےّ طلبتك قولي تم..... ناظرته وعيونه تلمع بخوف:لا يمه من شفت هاللمعه وانا خفت.... قال بخبث:تخافين حتى لو كان وراها عشى بأحسن مطعم.... ناظرته بصدمه من الكرم الحاتمي اللي نزل فجأة.....بس سرعان ماعرفت ....مافيه غيرها...اللي تغير أحوال أخوي بالثواني....قلت بخبث:الجازي هااااه.... مسك قلبه بألم:تكفين لا تنطقين اسمه....قَلبَےّ يرجف بعدين....وبرجاء...تكفين أنوار بس ابي اسمع صوتها واسأليها ليه سوت كذا.... قلت بمرح وأنا أحس اني أبي أصيح على حال أخوي...وأتحسر على الجازي....اللي مو مقدره طلال ولا حبه:بس العشا أهم شيء... قال بفرح وهو يبوس راسي...ولا كأنه اللي قبل شي:من عيوني والله.... تنهدت بألم....والله ياخوي ماهمني العشى ولا شيء....ماهمني غيرك....عسى ربي يكتبها من نصيبك....ويلين راسها الصلب شوي....طلعت جوالي من جيبي....وانا اتنهد....وأناظر بطلال اللي يتحرقص قدامي....وبجديه قبل لا أتصل عليها:طلال....مابغى اسمع لك نفس...أوعدني....وبتحذير...مهما قالت... قال بسرعه:وعد... اتصلت على "توأم روحَـﮯَ..."...أربع دقات وطلال عصب:ليه ماترد؟....قلت بنرفزه:اسكت أحسن لك.... ووصلني صوتها المبحوح:هلا وغلا.... طلال بسرعه تنهد....وأنا أأشرله بتهديد على رقبتي...يعني ذابحتك ذابحتك.....قلت بخوف:هلا جوجو....ڪيفَكَ؟.... قلت بمرح:بخير...أنتي أخبارك؟....وبدلع....مشتاقتلك يادبه.... طلال مسك قلبه....وأنا عيوني عليه....خايفه يتكلم...وأروح تحت رجلين الجازي......قلت بضحَگهُ:وأنا أكثر ياقَلبَےّ... قالت بشك:أنوار فيك شيء؟.... قلت بخوف:هااااه....لا مافيني شيء....ليه؟.... قالت بهدوء:ما أدري...أحسك غريبه اليوم.... سبيت نفسي مليون مره....وسبيت طلال مليوونين مره....الجازي ذكيه وماينقص عليها....وتحس بسرعه.....قلت بمرح:ماغريب الا الشيطان....وطلال يترجاني أفتح معاها موضوعه....... قلت بهدوء:بس الجازي صراحه أبي أسألك عن شيء.....وأبغاك تتكلمين بكل صرَإحَه..... سكتت الجازي ماردت....وطلال يأشرلي وينها؟...وأنا أكش عليه....قلت باستغراب:جازي وينك؟.... قالت بنبرة غريبه:معاك....وشو سؤالك؟.... هنا حسيت ان الجازي عرفت ان طلال عندي....بس قلت عُاَدّيَےّ....قلت بهدوء:اممممم.....الموضوع بصرَإحَه يخص طلال أخوي....ليه أحرجتيه قدام خالي بهذاك اليوم؟....مع ان الموضوع تافه....وصرَإحَه طلال متضايق من تصرفك هذاك اليوم....فشلتيه قدام خالي....وأنْــتْےّ تدِرِيےُ.ن طلال شكثر يعزك....وصرااحه مو بس طلال اللي متضايق من تصرفك هذاك اليوم حتى أنا.... سكت شوي وطلال يسألني ليه ماترد....قلت بهدوء غريب علي:وينك جوجو؟... قالت بنبرة صوتها الغريبه:خلصتي!.... قلت بخوف:ايه... تنهدت بضيق...وقالت بصوتها المبحوح:شوفي أنواار...بتكلم بس لا تقاطعيني...وأنْــتْےّ احكمي....لا تقوليلي اللي صار تافه....لأنه أبد مو تافه....أنوار....طلال بعيوني كبير صدقينيـے...ولو ما أنا أشوفه كبير ...كان تعاملت معه بطريقه تكرهه حياته.....وأنتي تعرفيني....أنوار مهما كان مايحق لطلال انه يناظرني بنظراته اللي ضايقتني كثير....ولا كلامه...حسيته يحتقرني....أنا صرت أتجنب أي مكان طلال موجود فيه علشان ما أنحرج....مابينا شيء علشان يناظرني بهالنظرات.... وبهمس....حتى الخطا وهو الخطا مابغاه يطلع من طلال....مابغى شيء يصغره بعيوني....أبيه دايما كبير....أبيه دايما طلال اللي.....سكتت وأنا أناظر طلال اللي متجمد من الصدمه....تنهدت بضيق...وبنفس الهمس اللي يذوب:أنا كنت أمانه عنده....خالي مأمني معاه....وبألم....نظراته ذاك اليوم جرحتني....حسستني اني حقيره....أول مرة أحس ان فيه أحد مستهين فيني....تدِرِيےُ.ن حسيته كأنه يقولي خربي الدنيا...مافيه أحد يحاسبك....جرحني هالشيء كثير.....وبنبرة هاديه...مع السَلإمَه أنوار سلطان يناديني.... ونزلت الجوال وانا أناظر بوجهه طلال الشاحب....قلت بخوف:طلال علامك؟.... قال بهدوء:اطلعي برا.... قلت بخوف:طلال... قال من بين سنونه:أطلعي أحسن لك.... طلعت...وقعدت بالصاله قبال غرفته....ساعه وطلع وهو لابس....ناظرني بطرف عينه وطلع برا البيت......تنهدت بضيق.....من حاله وحالها....أضداد....والله يستر منكم....عيب طلال يطالب الجازي بأشياء مستحيله....يرتجي أشياء من الجازي مستحيل تسويها....وهذا الفرق بينهم....طلال حبه معميه عن كل شيء....من كثر مايحبها....مصدق نفسه أنها له ...والجازي رغم اني بعض الاحيان أشك انها تحبها....بس أحسها كثير تنغث من حب طلال لها....اللي ماظل انسان يعرفه الا وعرف بحبه....طلال من النوع الشفاف....والجازي من النوع الغامض....وغامضه كثير.....يمكن هذي سبب أزمه وضيق طلال....اللي من كبرت الجازي وهي ملازمته....انه يحبها أكثر مما تحبه.....وبكثيےّر بعد....
بَـسَ تَڃڼڼ 
حوور فَڍيتَگ 
