شِرَق هذا آلفـر آ آ آ آ قَ ! اللي كِسَرني حزَّة غروبك
بغيتك وإستحَت عيني من الغلطات صدقني !

كتبتك من قبل لا تجرح الكلمات مكتوبك ..
إذا عندك عذر باقي على التقصير إعذرني !!

كثير الهَم متعوِّد علي.. وإنت يا دوبك
وكافي الحزن لو عنَّه أغيب أيَّام " يفقدني " !

حبيبي ليه متضايق وعلي متغيِّر إسلوبك ..؟
يبيِّن لو سِكت قلبك .., بأنْهَا ضيقتك مني

{ غيآبـيَ !
كان مو بيدي خذاني الحظ من صوبك !
وقَلبَےّ هذا هو حظه غريبٍ , من صغر سني ..

آ ب ي ك !
وما أبي غيرك .. وتأكد قلب محبوبك
جبره الوقت يتناسى لأجل بالخير تذكرني ..

إذا ردَّت علي أبقى معاك وثوبي من ثوبك
ولكن [ الزمن ] .. لمَّا أقرِّب يبعدك عني !

غصب رايح ولا برجع لأني أبرز عيوبك
حرام إنَّه يجي واحد يلومك من كثر " حزني " !

ترى ما رحت من كيفي عشان أتحمَّل ذنوبك
آنا شفت الزمن ناوي علينا وقلت له : خذني ...!

واذا قالوا : رَحَل عنِّك حبيبك ، فتِّش جيوبك
تطمَّن قَلبَےّ بـ جيبك حبيبي لا تدوِّرني !

لذلك قلت في نفسي أبي أبعد عن دروبك ..
تأكد غيبتي هذي عشانك إنتْ ... صدّقنيُ !