ياصاحبي طالبكـ خلني بـ حالي

ماابي اضيق خاطركـ وانت مرتاح


ياصاحبي وان غبت عنكـ ليالي
غلاكـ باقي بـالحنايا ولا رَإحَ


تبي اسولف لكـ وش اللي جرالي
اخاف يمسح قولنا الصبح لا لاح


اجل تعال اجلس هنيا قبالي
دام الحطب طاح وكثير العتب طاح


لو كل شخص اليا عطيته وفالي
ماكان بالدنيا حزن ليل وجرَإحَ


ولو كل غالي قدر احساس غالي
ماشفت ذاكـ الدمع من محجره ساح


ولو كل قلب من الحسد جاكـ خالي
مايشتكي من شح الامطار فلاح


ولو كل واحد جاكـ طبعه مثالي
ماكان بـ الدنيا سجن ناس واصلاح


ارق التحـــايا