السَلإمَ عَليـڪمَ

اول ما يرن جرس الفسحة
- تشوف شلة بنَإتَ داخلين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوتا في اخوها الصغير امس ..
- وفيه بنَإتَ يلبسون نظارات شمسية جديدة (توهم شارينها من أبو ريالين) يستعرضون فيها وإذا زلت بنت لا قدر الله وسألته عن ماركة النظارة تنطط الأرانب وتقول والله من كرستيان ديور أو شنل وتقوم تطلع كلللللڷ أرانبها الماركة أصلاً هي (بسطتهم اللي جنب البقالة اللي قدام البيت)
- كل بنت تمشي وفمها كافي ( شكولاته ) واذا عطيتها شبس تقولك : سوري .. انا مسوية ريجيم .. ( الله واكبر ) .. اول ماترجع البيت على طول الا ودق على المطعم
- والبنَإتَ الاذكية ( اللي مهتماااااااااااات ) اول مايرن الجرس تشوفها داخلة غرفة المدرسات تبي الاستاذه تشرح لها الدرس اللي كانت هي متغيبه فيه
- وبعض البنَإتَ اتشوفهم متحذفين ورا اللوكر يحلون واجب الرياضيات اللي ماحلوه في البيت ..
- اما الاهم .. تشوف بعض البنات يستأذنون من الحصة قبل البريك بثلاث دقايق ويركظون الكافتيريا –يحجزون لهم مكان – واول مايرن الجرس الاكل گلـَہ مخلص مافيه الاعصير يتهاوشون البنَإتَ عليه واخرتها يطلع منتهي ......




ثانيا الشباب:



خلونا من البنَإتَ وانروح انشوف وش يسووووون الشباب في الفسحة ..
- تحصل واحد منهم نايم طول الحصة واول مايرن الجرس يدعي على اليوم اللي دخل فيه المدرسة ( لان حلمه انقطع بسببهم )
- واثنين من الشباب ينتظرون متى يروح المدير اللي صار له واقف ساعة قدام الصف واول مايتحرك خطوتين يشلون شلايلهم وينطون من الطوفة ويشردون من المدرسة ويمرون على كم محل في طريقهم وبعد نص ساعة يرجعون المدرسة ..
- وشلة تروح وره المدرسة يدخنون لين ما يقولون بس وما امداهم يشفطونها الا واحد كشخة رايح يفتن عند المدير وما يوعون الا المدير حابسهم في غرفة الاحتجاز ويسوي تليفون حق ابهاتهم .
- اما واحد تشوفه فارش غترته على الارض ويكمل رقاده ( لان طول الليل مارقد يشوف فلم ويالس ع المسن والا يرمس ربيعته وله يلعب بليستيشن

البقية: الفرق بين البنَإتَ والشباب اذا رن جرس الفسحه - منتديات مدرسة المشاغبين