شـريـط قنـاهـ بدايـه .. ضحك × ضحك
قنــاه بدايه وما ادراك ما قنــاه بدايه ,,, طبعاا هي قناه حلووه ...لكن
شريط القناه ,, اللي يمشي تحت بالقناه ,, هذا مهب شريط وبس
هذا بتااع كلوو ,, يعني امراض ,, استشارات اسريه ,, طبخات ,, يعني فلللللله
فاليووم جبت لكم عيناااات من هالشرريط نتسلى فيهاا خخخ ,,,,
يلا نبـدا ,,
.
.
.
-أنا فتـاه عمـري 49 ألبس قفـازات وردية .. هل هي تفتن يا بنات ؟؟ جاوبوني الله يزوجكم<< احسن دعاء عند البنات خخخخ
زهره البنفسج
- بنـات أصبـع رجلـي فيه مغص تهقـون عين ؟؟ كوكو كرر ,, أذكروا الله تكفون .الممغوصه المنضوله المظلومه<< حشا قصه ذا مهب لقب خخ
- بنـات فيني النووم بس اللمبه مولعـه ,,, وبعيـدة ,اخااف اقوم اطفيها ويطير النووم تكفون عطوني حل والله ما احلل اللي تعرف وسااكته .. كنترول كرر كرر
- بنات زوجي ضربني وأهانني وسب أهلي وكفخني بقوه وقال أنقللعي بيت اهلك ,, بس خدي اليمين ما ضربه ابدا
تهقوون للحين يحبني ؟؟ قولو ماشاء الله << على ايش بس
- بنات امس تهاوشت مع زوجي .. لانه اذا سولف مايناظر وجهي , ابي خلطه تخلييه يناظر وجهي اذا بدا يسولف قولو ماشاء الله .. أختكم الحزينه
-بنـات بروح أنتـحر قولو ماشاء الله .
- بنات خططنا انا وزوجي اننا نحتفل كل يوم سوا ,, قولوا ماشاء الله الله لا يحلل اللي تشوف المسج و ماتذكر الله
الخلطه بالمسج الجاي ادعوولي تكفوون ,,,
- بنـات اخر رساله بيخلص رصيدي ,, تكفون ابي طريقه تقطييع الطماطم ,,
كنتررول كرر جعلك الماحي اذا ما كررت أختكم : دلوعه زوجهاا
- سويت لزوجي فطور وقال تسلم لي يدك ,, وهو دايما يقول : تسلم الاياادي .. تتوقعونه زعلالان من يدي الثانيه
مع العلم انها ماسوت له شي .
- بنات الحقوو علي زوجي طلع من البيت ولا قال لي مع السـلامه ,, أطلب الطلاق !! كوكو كررر
- بنات زوجي يحبني ويموت فيني بس انا ما احبه ولا اموت فيه عندكم خلطه تخليه يحبني ويموت فيني
تكفون اللي تعرف والله لادعليه بصلاه الليل ..
- بنـات فيني شهقه تهقووون عيين .. كنترول كرر والله تعبت . المظلومه المنظوله
- ادعولي بكرا بروح السووق
-بنـات الحين بركب السيـاره ,, تكفووون مع اي باب اركب والله محتااره .
وأخيــرااا
قولوا ماشاء الله اني نـزلت لكم موووضووع خخخخخ |
